Mark 10:39 - Yak'usda Ooghuni

³⁹ “Soo la ꞌutsꞌooneh,” huyúlhni. ꞋEt Jesus ubúlhni, “Lubot be tisnelh-i nohni cha tíhtnelh wheꞌ ꞌuntꞌoh. ꞋInkꞌez too béꞌ uzya whuz unꞌa too béꞌ tilhnelh.

Mark 10:39 Iomraidhean Croise

Matthew 10:25

Dune yugha hodulꞌeh-un, whuyodulhꞌeh-un kꞌunꞌa ootꞌeꞌ hubaꞌ hoontꞌoh, ꞌinkꞌez be ꞌulhna-un, dumoodih kꞌunꞌa ootꞌeꞌ hubaꞌ hoontꞌoh. ꞋEt si Beelzebul suhútni de nohni sgha hodulꞌehne, nohni cha whuz unꞌa za ndunohodutánelh!

Matthew 3:6

ꞋInkꞌez dulubeshi kꞌunꞌa huhoolnuk whe ꞌukoh Jordan John ꞌen too beꞌ balhꞌen.

Mark 14:31

ꞋEt Peter soo khuni ulhtus-i be ndutni, “Nyulh datísah hoontsꞌi ꞌaw tꞌenyunuzúszun doosniꞌ ꞌaitꞌoh.” ꞋOnghunne yugha hodulꞌehne tsꞌiyawh whuz unꞌa nduhútni.

Mark 14:36

ꞋUBá, nyun za tsꞌiyantsuk nkꞌúneꞌ whutꞌen. Ndi dzoh nutiszut-un sba hooloh nahoolhtsi, ꞌet hoontsꞌi si hukwaꞌ nuszun íloh, nyun hukwaꞌ ninzun hukwꞌunꞌa ꞌet ꞌuhóneh.”

John 13:37

ꞋEt Peter ꞌuyulhni, “Moodihti, ꞌet di ha ꞌandit ꞌet ꞌaw nyun toosyaꞌ ꞌaítꞌoh? Be khúsna-i, ꞌi hoontsꞌi nyun mba oola dutisnih!”

John 15:20

ꞋEt huwa daja nohdásniꞌ la whunalhnih, ꞌaw ꞌustle-un, ꞌen dumoodih ando lheꞌítꞌoh, si dzoh nusúhulhdzut te, nohni cha dzoh nunóhotilhdzut. ꞋEt sghuni hikꞌúneꞌ ꞌustꞌen de, nohni nohghuni cha la hikꞌúneꞌ ootꞌen.

John 17:14

Nghuni bugha ídisꞌai ꞌinkꞌez ndi yun kꞌut whuduneꞌne butsꞌu hudutni. Ntsꞌenꞌa la si ꞌaw ndi yun kꞌut whuduneꞌne bubundulh lhuztꞌoh ꞌet whuz unꞌa ꞌenne cha ꞌaw ndi yun kꞌut whuduneꞌne bubundulh lhúhiltꞌoh.

Acts 12:2

ꞋEt James, John bulhutsin huwá balhꞌaꞌ whe saluzti be hizilhghi.

Colossians 1:24

ꞋEt ꞌandit Christ ꞌen gha nohba dzoh nuszut-un hoonústꞌiꞌ. ꞋEt syustꞌe kꞌoh ꞌuhoontꞌoh-un ꞌi be ꞌen ooyustꞌe ba lhaoodutisdleh. Ndi ooyustꞌe, ꞌi Yakꞌusda ba ꞌilhunaoodulh-un, ꞌet ꞌuwhúlhni.

Revelation 1:9

Si John nohulhutsin ꞌustꞌoh. Dzoh nahdeh te si cha nohbulh dzoh nuszut. Yakꞌusda lerwe unli-un ꞌinkꞌez Jesus Christ ooba howa whúlnaꞌ ꞌet hoontsꞌi neba whulh ínyin-un, si cha whuz unꞌa za nohbulh susyin. Yakꞌusda ooghuni be yásduk ꞌinkꞌez Jesus Christ tꞌehinoozeh huwa cha, ꞌet huwa ndi noo Patmos huyulhni-i, ꞌi kꞌut ꞌustꞌoh inleꞌ whe,