Mark 10:32 - Yak'usda Ooghuni

³² ꞋAwet Jerusalem tsꞌu ti hidulh Jesus ꞌen yugha hodulꞌehne butso uyalh whe bugha ꞌúnjaz, ꞌinkꞌez hidulh whe hunílhjoot. ꞋEt Jesus yugha hodulꞌehne whunizyane ꞌon ꞌat nane ꞌudun nébuninla ꞌinkꞌez nus de bulh daóotanelh-un, ꞌet huwun bubulh yálhduk.

Mark 10:32 Iomraidhean Croise

Matthew 11:25

Jesus ꞌawhuz bubulh yalhduk ꞌet ndutni, “ꞋUBá nyun nyudústiꞌ. Yakꞌuz ꞌinkꞌez yun kꞌut whuMoodihti inli. Whunihne ꞌinkꞌez hodulꞌehne, ndi ꞌi tsꞌiyawh buchꞌa whuntinꞌi. ꞋEt hoontsꞌi tsꞌoodunyaz leꞌ ꞌuntꞌohne, bunalhtsꞌet ha honꞌai.

Matthew 13:11

ꞋEt ndúbulhni, “Yakꞌuz be kꞌúneꞌ whulꞌen-un be whe hoontꞌoh hooyoh-i, daja ni-un, nohni nohghá whuntꞌai. ꞋOnghohne ꞌaw bugha lhúhooltsꞌulh.

Mark 1:27

Tsꞌiyanne buba hooncha kꞌet ꞌet ꞌulhodútni, “Dantꞌóh-i ghuni ꞌuntꞌoh, whutsodaꞌ lhtsꞌodústsꞌo-un ꞌet whuneoodulhꞌeh? Ooghuni be whúnujut kꞌet ntsiꞌ-i nudúdeh-i hoontsꞌi hikꞌúneꞌ ꞌutꞌen.”

Mark 4:34

Higha hódoolꞌeh-i, ꞌi be bubulh yálhduk ꞌinkꞌez dichꞌoh ꞌúhintꞌoh te yugha hodulꞌehne, soo cho buba hukwꞌú nuhúlhyeꞌ.

Luke 10:23

ꞋInkꞌez yugha hodulꞌehne butsꞌu nálhꞌa ꞌinkꞌez yoo yo whútsul ubúlhni, “Ndet la hoohꞌen-un ꞌuyoonne duna be honilhꞌen, ꞌukꞌenuz hoonzoo-un bugha whultsꞌut.

Luke 19:28

ꞋEt ndubúdaniꞌ-un hukwꞌelhꞌaz Jesus Jerusalem tsꞌe hutizdil whe butso tizya.

Luke 9:51

ꞋEt ꞌawet Jesus ooba whusaóodanzut ndo yakꞌuz nátidalh-un huba, ꞌet ꞌawet Jerusalem whutsꞌu nalhꞌa ꞌinkꞌez whuz natidalh-un howun nanínuzut.

John 11:16

ꞋEt Thomas, ꞌen ꞌutꞌudándaꞌ-un huyúlhni, dudulh yugha hodulꞌehne ubúlhni, “Dugweꞌ! Bulh ꞌúztoodilh! Wheni cha si bulh yatsꞌodlah!”

John 11:8

ꞋEt yugha hodulꞌehne ꞌuhuyúlhni, “Rabbi, ꞌandit ꞌaho Lizwifne tse be nyotúzilhghelh hukwaꞌ huninzun ꞌinkꞌez cha za whuz natandalh eh?”