Mark 10:30 - Yak'usda Ooghuni

³⁰ lhai ootlꞌa naítikulh: yoh ꞌinkꞌez bulhutsinke, bulhtuske, ooloo, buzkehke, ꞌinkꞌez ooyun kꞌut cha ꞌinkꞌez dune huye túzilalh cha nus de ꞌilhiz hutinalh.

Mark 10:30 Iomraidhean Croise

Matthew 12:32

Mbe la Yinka Dune Yeꞌ chꞌaz yalhdukne, soo buba ꞌun whutilhdulh. ꞋEt hoontsꞌi mbene la Ndoni chꞌaz yalhdukne, ꞌaw buba ꞌun whutoolhdilh ꞌaitꞌoh. ꞋAndit dzin kꞌus nus de hoontsꞌi.”

Matthew 13:8

ꞋOnghoh-i yun unzoo-i kꞌut nanánkat whe soo ha nanyai. Oomaiꞌ whulokhi whunizyat whunizyai (100) oomaiꞌ suliꞌ, whulukhi lhkꞌu tat whunizyai (60) oomaiꞌ suliꞌ, whulokhi tat whunizyai (30) oomaiꞌ suliꞌ.

Matthew 6:33

ꞋEt hoontsꞌi ntsꞌenꞌa Yakꞌusda nohba lerwe tileh ꞌinkꞌez be tsꞌihꞌun unꞌa ꞌuhoontꞌoh-i nohchꞌeꞌ tileh, ꞌet za hukwaꞌ nahzun, ꞌinkꞌez ꞌon ꞌun cha tsꞌiyawh nohgha tíkulh wheꞌ hoontꞌoh.

Luke 18:30

ꞌet ndúja-un, ꞌen ꞌon nus lhat-un ootlꞌa naóotikulh. Nus de whusahóoltsꞌut de, ꞌet ꞌandit ꞌilhiz hutinalh.”

John 10:23

ꞋEt lugliz whucho bun tsilh tꞌah ꞌet la Solomon oobuntsilh tꞌah huwhútni, ꞌoh whéya Jesus uyalh

Acts 14:22

Yugha hodulꞌehne soo budzi ulhtus whe ndet la buba ꞌalha ꞌuhoontꞌoh-un whulh hóoyin bubuhulhtsi. “Lhat-un whe dzoh nutsꞌudeh de, ꞌaw ꞌet de za ntsꞌe Yakꞌusda whe lerwe unli-un dáztidulh,” hutni whe whubuhodulhꞌeh.

Acts 16:25

ꞋEt tuzniz atꞌen Paul Silas bulh Yakꞌusda tsꞌun tenahududli ꞌinkꞌez hujun. ꞋEt nyoonne ꞌadinlane huboohoozilhtsꞌai.

Acts 5:41

ꞋEt whelꞌaꞌne nahiyílhne bughu tenáhundil. Yakꞌusda Jesus Christ ba dzoh nuhudeh ꞌet huba sooꞌ huldzooꞌ didutchꞌoh ꞌet ndunaꞌhundunudzun, ꞌinkꞌez howu nílhni.

Romans 5:3

ꞋInkꞌez ꞌaw ꞌet za iloh, ꞌet huwa dzoh nutsꞌudeh hoontsꞌi, tsꞌuhóontꞌiꞌ, ꞌinkꞌez whulh tsꞌúzyin-un whunénilhtan.

Romans 6:23

Lubeshi ꞌutsꞌalhꞌen-un, ꞌi kꞌelha daztitsah. ꞋEt hoontsꞌi neMoodihti Jesus Christ, ꞌen gha Yakꞌusda ꞌilhiz be tsꞌuhutinalh-un, ꞌet ꞌantsꞌi negha óoninꞌai.

2 Corinthians 6:10

Datsꞌíntꞌoh whula tsꞌodi tsinli ꞌet hoontsꞌi nedzi be tsꞌuhóontꞌiꞌ. Datsꞌíntꞌoh whula tetsꞌulꞌen ꞌet hoontsꞌi tsꞌihꞌun hiye hoonzoo ootꞌeꞌ-i, ꞌi lhane gha tsꞌúꞌaih. Hoonli be tétsꞌulꞌen ꞌinkꞌez lhtsꞌítꞌiꞌ ꞌet hoontsꞌi tsꞌiyaitsuk tsꞌutꞌi. ꞋEt hoontsꞌ tsꞌiyai ꞌi tsꞌutꞌi.

Philippians 3:8

ꞋAw ꞌet za iloh ꞌuwhudusni, Christ Jesus ꞌen sMoodihti dantꞌoh la tꞌezninzun-un, ꞌet hooncha kꞌet ꞌaw ꞌuzdooniꞌ ꞌaitꞌoh. Dáhoontꞌoh ooghu tꞌeoonúszun-un sghu hóolhchoot-un, ꞌet whunilhchoh whula disni. ꞋI tsꞌiyawh ꞌun tukat-i sba unli ꞌet huwa ꞌon nus Christ tꞌenooszeh ha.

2 Thessalonians 2:16

ꞋEt neMoodihti Jesus Christ dichꞌoh, ꞌinkꞌez Yakꞌusda neBá, ꞌen nekꞌensiꞌ. ꞋEn ye unzoo-i, ꞌi be ꞌilhiz wheni whuz nenilhtꞌi whe ꞌet ooka tse tsꞌuholeꞌ.

1 Timothy 4:8

ꞋEt neyustꞌe ba neꞌuzdunuldzeꞌ te, ꞌatsul za neba hootazooꞌ, ꞌet hoontsꞌi Yakꞌusda ba ndi yun kꞌut uzdoltsꞌiꞌ ha, ꞌet tsꞌiyantsuk whe whudíztiꞌ. ꞋI gha la ndi yun kꞌut uzdilhtsꞌi-un nelaꞌ ꞌewhudutitꞌelh ꞌinkꞌez yakꞌuz neztiyalh ꞌet cha nelaꞌ ꞌewhudutanelh.

1 Timothy 6:6

ꞋEt soo tsꞌuhoontꞌiꞌ whe Yakꞌusda be ꞌutꞌen kꞌoh ꞌutsꞌuwhulhꞌen de, nedzi hoontꞌiꞌ whe ꞌet neba ꞌukꞌelha whuzdliꞌ wheꞌ hoontꞌoh.

James 1:12

Mbe la óolhdzai-un, ꞌawhuz whulh usyin, ꞌen ꞌukꞌenus hoonzoo-un oogha whutaltsꞌulh. ꞋEn ꞌuntꞌoh ꞌilhiz ye khútinalh-un ooghá whuntꞌai. Whuchꞌaꞌ whunílhde-un, ꞌet cha oogha whútaltsꞌulh. Mbene la neMoodihti yukꞌensiꞌne, whuz unꞌa butsꞌún hoozi.

James 5:11

Soo zúlhtsꞌai, ndunne howa whúlnaꞌ hoontsꞌi whulh huzyin, ꞌenne ꞌukꞌenus hoonzoo-un bubulh ꞌúhooja butsꞌutni. ꞋEt ndun Job tsꞌutni, ꞌen cha ntsꞌenꞌa dzoh nusuzut, ooba howa whúlnaꞌ hoontsꞌi whulh ínyin. ꞋInkꞌez ntsꞌenꞌa la neMoodihti tube yugha teꞌninzin, ꞌinkꞌez hukwꞌelhꞌaz hoonzoo ꞌuntꞌoh-un yutlꞌa náhonꞌai, ꞌet tsꞌiyawh whulh údahtsꞌoh.

1 John 2:25

Njan netsꞌú hoozi-un, ꞌilhiz tsꞌuhutinalh-un, ꞌet ꞌuwhúlhni.

1 John 3:1

Dalcho-i be neBá nekꞌensiꞌ-un negha óoninꞌai, Yakꞌusda dichꞌoh ꞌuneúlhni buzkeh ꞌutsꞌintꞌoh soo cho whunulhꞌen. ꞋEt huwa ndi yun kꞌut whutꞌenne tꞌenehunúszun, didut ꞌaw tꞌehinúszun ꞌet huwa.

Revelation 2:9

Nohꞌeꞌutꞌen cha, be dzoh nahdeh-i, ꞌinkꞌez whe télhꞌen-un cha, tsꞌiyawh tꞌeoonúszun. ꞋEt hoontsꞌi ꞌalhaꞌ hoonzooꞌ ꞌahtꞌoh. Ndunne nohchꞌaz ditnine nduhutni, wheni lizwifne ꞌutsꞌintꞌoh, ꞌet hoontsꞌi lizwifne lhuhiloh. ꞋEnne ndun Satan huyúlhni-un, ꞌen oolugliz ꞌet whuchꞌeꞌ hinli wheꞌ hintꞌoh, ꞌet cha tꞌeoonúszun.

Revelation 3:18

Ndai gold kwun be ꞌon nus ꞌuldzooꞌ suliꞌ-i, ꞌi si stsꞌun óohket nohdusni. ꞋEt de la hoonzoo oohtꞌeꞌ. ꞋInkꞌez naih ꞌulhyul-i, ꞌi cha stsꞌun óohket. ꞋEt de la ꞌet dune oohleꞌ, ꞌinkꞌez nohye ꞌustꞌet ꞌahli-un cha la hukwa yálhuzoohleꞌ. Na yoo, ꞌi na kꞌet dúlhye, ꞌet de la soo hóohꞌen.