Mark 10:24 - Yak'usda Ooghuni

²⁴ ꞋEt yugha hodulꞌehne ndi khuni hudántsꞌo whe buba hooncha. ꞋEt hoontsꞌi Jesus whuz hiyilh whe ndutni, “Suzkehke dahoontꞌoh la huwa whúlnaꞌ whe duzooneya ꞌi za hitꞌaz ꞌuntꞌohne Yakꞌusda whe lerwe unli-un, ꞌet dahútidulh.

Mark 10:24 Iomraidhean Croise

Matthew 19:25

ꞋEt yugha hodulꞌehne, hidantsꞌo whe buba hooncha ꞌinkꞌez ꞌet ꞌuhutni, “Mbe za dutijih haꞌ dini?”

Mark 1:27

Tsꞌiyanne buba hooncha kꞌet ꞌet ꞌulhodútni, “Dantꞌóh-i ghuni ꞌuntꞌoh, whutsodaꞌ lhtsꞌodústsꞌo-un ꞌet whuneoodulhꞌeh? Ooghuni be whúnujut kꞌet ntsiꞌ-i nudúdeh-i hoontsꞌi hikꞌúneꞌ ꞌutꞌen.”

Mark 10:23

Jesus yugha hodulꞌehne bunilhꞌen ꞌinkꞌez ꞌubulhni, “Dáhoontꞌoh huwa whúlnaꞌ whe hoonzooꞌ ꞌuntꞌohne, Yakꞌusda whe lerwe unli-un dahútidulh.”

Luke 16:14

ꞋEt Phariseene sooniya buba diztiꞌne ꞌuhintꞌoh. Daja ni tsꞌiyawh hidantsꞌo, ꞌinkꞌez highudloh.

John 13:33

Suzkehke ꞌaw saꞌ iloh nohbulh ꞌutistꞌelh. Skuntihtalh ꞌet hoontsꞌi Lizwifne ꞌubudásniꞌ, whuz unꞌa nohni cha nohdúsni, ntsꞌe la tisyalh tsꞌe ꞌaw nohni cha sulh tóohdilh ꞌaítꞌoh.

John 21:5

ꞋEt Jesus ubúlhni, “Tsꞌoodunne ꞌaw eh lheꞌáhlooh?” “Gak,” huyúlhni.

John 6:60

ꞋEt huwa lhane yugha hodulꞌehne daja ni la hidántsꞌo hukwꞌelhꞌaz ꞌuhutni, “Njan whuneodulhꞌeꞌ, ꞌet neba howu whulnaꞌ kꞌunꞌa ꞌutni. Ntsꞌenꞌa ookwꞌúneꞌ ꞌuztitꞌen?”

Galatians 4:19

Suzkehke nkede whusaootiltsꞌulh soo tsꞌihꞌun unꞌa Christ nohbulh ꞌutitꞌelh ꞌet whutsꞌun, ꞌantsꞌi tsꞌoodun ha sulh ꞌultsꞌulh nohba le ꞌustꞌoh.

1 Timothy 6:17

Ndi yun kꞌut hoonzooꞌ ꞌuntꞌohne, ꞌenne khuni ulhtus-i be budoniꞌ, ꞌaw ndi yun kꞌut beꞌ hoonzooꞌ tsꞌintꞌoh-i hoonli lhiloh. ꞋAw sooniya ootꞌa ninintan-i iloh ꞌuntꞌoh. ꞋEt kꞌus Yakꞌusda mbe la khuna-un, ꞌaw ꞌen za ootꞌa ninoohtan. Yakꞌusda ꞌen oola hoonli whe tsꞌiyaitsuk be tsꞌohotꞌeꞌ ha negha yunleh.

1 John 2:1

Suzkehkeyaz, lubeshi ꞌutilhꞌelh whuchꞌa ꞌet ndi khuni ꞌi be nohtsꞌó kꞌeꞌusges. Mbene lubeshi ꞌulhꞌenne, ꞌenne buba neBá Yakꞌusda but neba yatilhduk-un, Jesus Christ, tsꞌihꞌun unꞌa ꞌuntꞌoh-un, ꞌen ꞌuntꞌoh.

1 John 4:4

Tsꞌoodunneyaz Yakꞌusda oochꞌeꞌ ꞌahli ꞌinkꞌez ndunne Christ chꞌaz ditnine ꞌudaꞌ buchꞌaꞌ nulhde. Nududeh-i nohyudinda-un, ꞌen ndi yun kꞌut ꞌuntꞌoh-un netsudule ꞌen ꞌuntꞌoh, yanus ꞌultus whe ꞌuntꞌoh ꞌet huwa.

1 John 5:21

Tsꞌoodunneyaz ꞌukꞌeltsi-i oochꞌa khahdli. ꞋEt ndo honeh.

Revelation 3:17

Lheꞌdahni, ‘Hoonzooꞌ tsꞌintꞌoh ꞌon nus cha hoonzoo tsꞌuja. ꞋAw ꞌuyoo hoonliyaz ka lheꞌuznízun,’ dahni. ꞋEt dahitꞌoh dalhtsiꞌ la tsꞌiyantsuk nohba nekꞌeꞌ hootꞌoh cha ꞌahtꞌoh. Teilhꞌen cha ꞌahtꞌoh. Whuzihꞌen cha ꞌahtꞌoh, ꞌinkꞌez ꞌustꞌet ꞌahtꞌoh.