Mark 10:23 - Yak'usda Ooghuni

²³ Jesus yugha hodulꞌehne bunilhꞌen ꞌinkꞌez ꞌubulhni, “Dáhoontꞌoh huwa whúlnaꞌ whe hoonzooꞌ ꞌuntꞌohne, Yakꞌusda whe lerwe unli-un dahútidulh.”

Mark 10:23 Iomraidhean Croise

Matthew 18:3

ꞋInkꞌez ꞌet ꞌúbulhni, “ꞋEt soo tsꞌihꞌun unꞌa nohdusni, ꞌaw ꞌutsꞌun unꞌa nalheꞌzahtne de, ꞌinkꞌez tsꞌoodunneyaz kꞌoh tsꞌe ꞌahtꞌoh nasahdliꞌ de, ꞌet de za yakꞌuz whulerwe unli-un whuz tihdulh.

Mark 10:15

Soo tsꞌihꞌun ꞌalhaꞌ nohdúsni, Yakꞌusda whulerwe unli tsꞌe, Yakꞌusda bulerwe unli-un ꞌaw tsꞌoodunneyaz kꞌunꞌa lhuhuhóolhchulh de, ꞌaw whuz dahóoyaꞌ ꞌaitꞌoh.”

Mark 10:22

ꞋEt dune ndi khuni yudántsꞌo whe ni suliꞌ, ꞌinkꞌez tsꞌodi unli whe natisja tube hoonzooꞌ ꞌuntꞌoh ꞌet huwa.

Mark 3:5

Jesus tube hunílchꞌe whe butunuyúꞌen budzi dadiltsꞌun la ꞌet huwun unli. ꞋEt dune ka únli-un yulhni, “Lhtsꞌedílnih!” Nyoon dune lhtsꞌedilhni ibulh ꞌilhoghi oola kꞌunꞌa soo náꞌuja.

Mark 5:32

ꞋEt Jesus mbe ꞌuja-un yanꞌen.

Luke 18:24

ꞋEt Jesus yunilhꞌen whe ndun tube oodzi unduda suliꞌ, ꞌet ꞌutni, “Hoonzooꞌ ꞌuntꞌohne dawhulcho whe buba howa whulnaꞌ whe Yakꞌusda whe lerwe unli tsꞌe hutidulh.

John 3:5

ꞋEt Jesus uyúlhni, “Soo tsꞌihꞌun unꞌa nyudúsni, dune too ꞌinkꞌez Ndoni be cha whuzdli de, ꞌet de za ntsꞌe la dune Yakꞌusda bulerwe unline ꞌet ꞌaw dahóoya ꞌaitꞌoh.

1 Corinthians 1:26

Sulhutsinke nohni ꞌoh daꞌ dutihjih ha nohkaꞌ daniꞌ inleꞌ, ꞌet dantꞌohne ꞌahli tꞌeoonuhzun. Yun kꞌut whutꞌenne whuz unꞌa ꞌuninzunne tsꞌiyawh, ꞌaw lhane iloh nohtoh duba whunihne unli, ꞌinkꞌez ꞌaw lhane iloh nohtoh dune be hoolhtus unline, ꞌinkꞌez ꞌaw lhane iloh nohtoh dune nchane unli.

James 2:5

Sulhutsinke ookꞌesiꞌne, soo zúlhtsꞌai. Ndi yun kꞌut telꞌenne, Yakꞌusda kꞌensiꞌne, ꞌenne ꞌutahábanla buba ꞌalha ꞌuhoontꞌoh-i, ꞌi be hoonzoo ꞌuntꞌohne ꞌubulhtsi. ꞋAw ndi yun kꞌut be ꞌutsꞌintꞌoh-i iloh. ꞋInkꞌez ntsꞌe Yakꞌusda lerwe unli-un, neBá yutꞌi-i bugha ítalelh-i, ꞌet ꞌi bugha ootakulh. ꞋEt whuz unꞌa mbene la yukꞌensiꞌne, ꞌenne cha bugha ítalelh.

James 4:4

Nohni dune ꞌinkꞌez tsꞌekoo lhulh nintaꞌahtꞌihne léꞌahtꞌoh, soo zúlhtsꞌai, ndi yun kꞌut hoontsiꞌ túneꞌ ꞌahtꞌen-un, ꞌet hoonáhtꞌiꞌ de, ꞌet de Yakꞌusda chꞌaz ditnine ꞌahli. ꞋEt huwa mbene la ndi yun kꞌut hoontsiꞌ tuneꞌ titꞌen hukwaꞌ ninzunne, ꞌenne Yakꞌusda chꞌaz ditnine naꞌhududulhtsi.

2 Peter 1:11

Ndiz unꞌa neMoodihti ꞌinkꞌez neulhyis-un Jesus Christ, ntsꞌe ꞌilhiz wheni lerwe unli-un, ꞌet hoonzoo whe nohba dáhaꞌ dutikwus.