Mark 10:22 - Yak'usda Ooghuni

²² ꞋEt dune ndi khuni yudántsꞌo whe ni suliꞌ, ꞌinkꞌez tsꞌodi unli whe natisja tube hoonzooꞌ ꞌuntꞌoh ꞌet huwa.

Mark 10:22 Iomraidhean Croise

Matthew 13:22

Whus toh ꞌanankat-i, khuni hiditsꞌo, yun kꞌut huwu ni nuzut, hoonzooꞌ hoontꞌoh be naznutaꞌ-i, whus cho be bulh lheyúllhuk ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Matthew 19:22

ꞋEt ndun chilh ndi khuni yudántsꞌo whe tube oodzi unduda whe yuchꞌanasja. Tube hoonzooꞌ ꞌuntꞌoh-un ꞌuntꞌoh ꞌet huwa.

Matthew 27:3

ꞋEt mbe whutlꞌa yálhti-un, Judas huyúlhni-un, ꞌawet Jesus datitsah huba ooba nahisda whe, ꞌet tꞌeoonanzin whe tube unija. ꞋInkꞌez tat whunizyai sooniya silver huyulhni, lubret bumoodihne ꞌinkꞌez dune ꞌutso whudilhdzulhne cha, buba whusanáyandzai.

Mark 10:21

ꞋEt Jesus yukꞌensiꞌ whe yunalhꞌen ꞌinkꞌez uyúlhni, “ꞋIlhoghun za whuyit ꞌintꞌoh, naindalh ꞌinkꞌez ꞌintꞌi-i tsꞌiyawh be ꞌóonket ꞌinkꞌez sooniya telꞌenne gha níndzaih, tulalhgus ilhchoot ꞌinkꞌez ꞌanih, seꞌ ꞌutꞌen kꞌoh tuneꞌ óntꞌen ha sunanyalh. ꞋEt de yakꞌuz hoonzoo-un, ꞌet whuchꞌa ootálhdoh.”

Mark 10:23

Jesus yugha hodulꞌehne bunilhꞌen ꞌinkꞌez ꞌubulhni, “Dáhoontꞌoh huwa whúlnaꞌ whe hoonzooꞌ ꞌuntꞌohne, Yakꞌusda whe lerwe unli-un dahútidulh.”

Mark 6:20

Herod John dune too be ꞌulhꞌen-un yé nuljut, tꞌeoonínzun John dune tsꞌihꞌun dune unli, ꞌinkꞌez Yakꞌusda ooduneꞌ ꞌuntꞌoh. ꞋEt huwa yugha ꞌóoli yoozílhtsꞌai hóontꞌiꞌ, ꞌet hóontsꞌi yoozílhtsꞌai totsuk oodzi dútultsꞌuk.

Mark 6:26

ꞋEt lerwe ꞌahoh ni suliꞌ ꞌet hoontsꞌi ꞌaw yuchꞌa tsédootni ꞌaitꞌoh, ooghu nusjáne bunalh yutsꞌu náhizya ꞌet huwa.

Luke 12:15

ꞋInkꞌez Jesus ꞌubulhni, “Huwahli! ꞋUyoon dune chꞌeꞌ haꞌ noohzin junih! Dune daltsuk hoonli yutꞌi ndi yun kꞌut, ꞌohwhi ꞌantsꞌi ꞌúntꞌoh whe ꞌuntꞌoh.”

Luke 18:23

ꞋEt whudántsꞌo whe tube oodzi yo ꞌúja. Ndun dune tube hoonzooꞌ whe ꞌuntꞌoh ꞌet huwa.

2 Corinthians 7:10

Yakꞌusda hukwaꞌ ninzun kꞌunꞌa tsꞌodi tsinli de, ꞌet lhtꞌanaznoodilh uzdoojih ha, whuz unꞌa ꞌaw nedzi úndoodaꞌ ꞌaitꞌoh ꞌet huwa. ꞋEt hoontsꞌi ndi yun kꞌut tsꞌodi, ꞌi be yatsꞌadlah.

Ephesians 5:5

Ndi tꞌeoonahzun, mbene nintaꞌutꞌihne, kꞌus ꞌutꞌen dutsun-i ꞌulhꞌenne, kꞌus ꞌuyoon dune chꞌeꞌ haꞌ ninzunne, ꞌenne ꞌukꞌeltsi tsꞌun tenadudline bubúlh hulhgha ꞌuhintꞌoh, ꞌet ꞌenne tsꞌiyawh, Yakꞌusda ꞌinkꞌez Christ, lerwe unli-un ꞌaw hoontsool-unyaz hoontsꞌi ꞌaw bughá hokat ꞌaitꞌoh.

2 Timothy 4:10

Demas ꞌen sla ditni. Ndi yun kꞌut núkat-i ꞌon nus yukaꞌ ninzun. ꞋEt huwa keyoh Thessalonica whuz whinya. Crescens ꞌen Galatia tsꞌe whinya ꞌinkꞌez Titus ꞌen cha yun kꞌut Dalmatia tsꞌe whinya.