Mark 10:21 - Yak'usda Ooghuni

²¹ ꞋEt Jesus yukꞌensiꞌ whe yunalhꞌen ꞌinkꞌez uyúlhni, “ꞋIlhoghun za whuyit ꞌintꞌoh, naindalh ꞌinkꞌez ꞌintꞌi-i tsꞌiyawh be ꞌóonket ꞌinkꞌez sooniya telꞌenne gha níndzaih, tulalhgus ilhchoot ꞌinkꞌez ꞌanih, seꞌ ꞌutꞌen kꞌoh tuneꞌ óntꞌen ha sunanyalh. ꞋEt de yakꞌuz hoonzoo-un, ꞌet whuchꞌa ootálhdoh.”

Mark 10:21 Iomraidhean Croise

Genesis 34:19

ꞋEt nyoon chilh ꞌahoh ꞌet duja nyoon Jacob ootseꞌ ooba yinzoo ꞌinka ꞌonus huwa ꞌitꞌen-un ꞌuja oobá ooyoh dilhtsꞌine buba nus.

Matthew 16:24

Jesus ꞌet yugha hodulꞌehne ndúbulhni, “Dune seꞌ ꞌutꞌen kꞌoh ootꞌen ha suntiyalh hukwaꞌ ninzun de, yun kꞌut datsꞌíntꞌoh-un, ꞌet whula dootni, ꞌinkꞌez dutulalhgus yólhchoot ꞌinkꞌez suntooyaꞌ.

Matthew 19:21

Jesus ndúyulhni, “Lhadulya-un tanlelh hukwaꞌ ninzun de, ndai la ꞌintꞌi-i, ꞌi tsꞌiyawh beꞌ oonket, ꞌinkꞌez telꞌenne butainínle. ꞋEt de la ndo yakꞌuz ndai ꞌilhoozanla-i, ꞌet mba tilalh. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Mark 10:22

ꞋEt dune ndi khuni yudántsꞌo whe ni suliꞌ, ꞌinkꞌez tsꞌodi unli whe natisja tube hoonzooꞌ ꞌuntꞌoh ꞌet huwa.

Mark 8:34

ꞋEt Jesus ꞌilhozdilne ꞌinkꞌez yugha hodulꞌehne tubulh, “ꞋAnih,” ubúlhni, “Mbe suntiyalh hukwaꞌ ninzun-un dichꞌoh duba moodih naoodleꞌ ꞌaitꞌoh. Dutulalhgus yudutootan ꞌinkꞌez suntooyaꞌ.

Luke 10:42

ꞋEt hoontsꞌi ꞌaw ꞌilhoghun ndutsꞌooneh-un ꞌuhoontꞌoh. Mary ꞌukꞌenus hoonzoo-un ꞌutahahónꞌai whe ꞌuhoontꞌoh ꞌinkꞌez ꞌaw oola kꞌéha hooltsꞌit ꞌaitꞌoh.”

Luke 12:33

Ndai ahtꞌi-i be ꞌóhket ꞌinkꞌez telꞌenne bugha yohlelh. Sooneya zus ninta lheꞌustꞌi-i ꞌudulhneh. ꞋInkꞌez di la unzoo-i ꞌilhiz wheni oolatoh hoolóh-i, ꞌi be yóohlelh, ꞌi la yakꞌuz tsꞌe neóohlelh. ꞋAw whuz ꞌundunutꞌih-un daooyaꞌ ꞌaitꞌoh ꞌinkꞌez ꞌaw yun nulhꞌas-i nintaꞌyolhꞌen ꞌaitꞌoh.

Luke 16:9

ꞋInkꞌez nohdusni, ndi sooniya, ꞌi be kꞌeke nahultsih. ꞋInkꞌez datíhtsah de, ꞌet de si, ꞌilhiz ꞌuhoontꞌoh tsꞌe, whuz la danóhoholelh.

Luke 18:22

ꞋEt Jesus njan whudantsꞌo whe ꞌet ꞌuyulhni, “ꞋAwhuz ꞌilhoghun mba ꞌet whuzꞌai. Ndai la ꞌintꞌi-i tsꞌiyawh be ꞌóonket, ꞌinkꞌez telꞌenne gha nínꞌaih. ꞋEt de la yakꞌuz diztiꞌ-i, ꞌet mba oolaꞌ. ꞋInkꞌez ꞌanih seꞌ ꞌutꞌen kꞌoh tuneꞌ óntꞌen ha sunanyalh.”

Luke 19:41

ꞋEt keyoh whuti whenghoh uyalh, Jerusalem whutilhꞌen whe howintse.

Luke 9:23

ꞋInkꞌez tsꞌiyawh ꞌúbulhni, “Mbe la dune seꞌ ꞌutꞌen kꞌoh tsꞌe ootꞌen ha hukwaꞌ ninzun-un, tsꞌiyawh whula dootnih ꞌinkꞌez dzin totsuk dutulalhgus yólhchoot ꞌinkꞌez suntooyaꞌ.

John 12:26

Mbe la sba néꞌutꞌen de, ꞌenne suntooyaꞌ ꞌinkꞌez ntsꞌe la ꞌustꞌoh-un, ꞌet la oodaꞌ. Mbe la sba neꞌutꞌen unlí-un, ꞌen SBá bubudutálhtiꞌ.”

John 16:33

ꞋAndit njan ꞌet huwun ndi khuni ꞌi be nohbulh yásduk, daja nohdásniꞌ la, ꞌet huwa la be nedzi be dizghel-i oohtꞌeꞌ. Ndi yun kꞌut nohehútizilalh, ꞌet hoontsꞌi hóhtꞌeꞌ, ndi yun kꞌut humoodih ꞌinkꞌez be ꞌutꞌen kꞌoh cha, tsꞌiyawh oochꞌaꞌ nus de ꞌet huwa.”

Acts 2:45

ꞋIlhoghun yutꞌi-i be ꞌóokuk te ꞌi la tsꞌiyanne mbene la ꞌen dunidzítne, ꞌenne sooniya butahuyudzih.

2 Corinthians 12:15

ꞋInkꞌez ꞌukꞌenus be nohkꞌesiꞌ, nohni hukwꞌeꞌih skꞌehsiꞌ ꞌet hoontsꞌi sba ꞌutsꞌun unꞌa lheꞌhóotꞌoh. Nohzul ꞌi ba hoonústꞌiꞌ whe ookwꞌelha whutiselh. Be khusna-i, ꞌi hóontsꞌi kwꞌelhá yutiselh.

2 Timothy 3:12

ꞋAlhaꞌ hoontꞌoh kꞌus mbe Christ Jesus ꞌen gha Yakꞌusda ba hutinalh hukwa ꞌutꞌenne, ꞌenne dune bube hútuzilalh wheꞌ hoontꞌoh.

Hebrews 10:34

ꞋInkꞌez ꞌoh daꞌ ꞌasuhanꞌai whe sgha teꞌnahzun ꞌinkꞌez sla ꞌahtꞌen inleꞌ. ꞋEt ndai ahtꞌi-i, ꞌi ꞌantsꞌi nohghu ha yílhchoot ꞌet hoontsꞌi hoonáhtꞌiꞌ. Tꞌeoonáhzun nohnichꞌoh ꞌon nus hoonzun-un ꞌinkꞌez ꞌilhiz ꞌuhoontꞌoh, ꞌet yakꞌuz nohba whuzdla ꞌet huwa.

James 2:10

ꞋEt ndi Yakꞌusda ooghuni netlꞌa ídanꞌai-i, ꞌi hoontsool-unyaz kꞌuz ninyuz de, tsꞌiyawh kꞌuz ninyuz ꞌet za ꞌuhoontꞌoh.

Revelation 2:14

ꞋEt hoontsꞌi oolohkhun ꞌutsꞌun unꞌa sba ꞌahtꞌoh. Whulohne nohtoh Balaam ooghuni ꞌi huyoontun ꞌet huwa. ꞋEn ꞌuntꞌoh Balak hodalhꞌeꞌ. ꞋEn ꞌuja Israel ootsꞌu haindene whubodalhꞌeꞌ but ꞌukꞌeltsi gha tꞌaih-i, ꞌi huyooꞌalh ꞌinkꞌez ꞌuyoonne tsꞌekoo ꞌinkꞌez ꞌuyoonne dune bulh cha nintaꞌhootꞌih whe uboolhgooh hukwaꞌ ꞌutꞌen.

Revelation 2:20

ꞋEt hoontsꞌi hoontsool-unyaz whe sba ꞌutsꞌun unꞌa ꞌahtꞌoh. Nyoon tsꞌeke Jezebel nus hóoꞌen naꞌdudútni. Hubodulhꞌeh ꞌinkꞌez seꞌ ꞌulhnane tankꞌus úbunilhtꞌi. ꞋUyoonne dune ꞌinkꞌez ꞌuyoonne tsꞌekoo bulh nintaꞌhootꞌih. ꞋInkꞌez ꞌukꞌeltsi gha tꞌaih-i huyooꞌalh hukwaꞌ bulhꞌen. ꞋEn tsꞌeke ꞌaw whuchꞌa lhnuzáhyoot.

Revelation 2:4

ꞋEt hoontsꞌi ꞌilhughun whe ꞌutsꞌun unꞌa sba ꞌahtꞌoh. ꞋUdechoo Jesus Christ ꞌinkꞌez nohbulh dunene cha bukꞌehsiꞌ inleꞌ, ꞌet whula dihtni.