Mark 10:19 - Yak'usda Ooghuni

¹⁹ Khuni Yakꞌusda nohtlꞌa ídanꞌai-i tꞌeninzun: nezolhghelh junih, dune kꞌus tsꞌeke bulh nintaꞌontꞌen junih, ꞌundunontꞌih junih, hontsꞌit junih, ꞌeꞌ holhtsꞌit junih, ꞌinkꞌez mbá cha nloo cha hubudólhtiꞌ.”

Mark 10:19 Iomraidhean Croise

Mark 10:18

ꞋEt Jesus uyúlhni, “Di ha sudíni, unzóo-un sudíni? ꞋAw ꞌilhoghun unzoo-un hooloh. Yakꞌusda ꞌen za unzoo whe ꞌuntꞌoh.

Luke 18:20

Ndai Yakꞌusda khuni dune butlꞌa idanꞌai-i, ꞌi tꞌeninzun. Khun te tsꞌekoo bulh ninta oohtꞌen junih. Dune soolhghelh junih. ꞋUndunoohtꞌih junih. ꞋUyoonne ba hoohtsꞌit junih. Nohbá ꞌinkꞌez nohloo bulh budólhtiꞌ.”

Romans 13:9

ꞋEt khuni Yakꞌusda whutlꞌa ídanꞌai-i, ꞌi dune úlhni, “Tsꞌekoo kꞌus dune bulh nintaꞌoohtꞌen junih, dune soolhghelh junih, ꞌundunoohtꞌih junih, ꞌuyoonne ba hoohtsꞌit junih, ꞌuyoonne chꞌeꞌ haꞌ noohzin junih.” Ntsꞌenꞌa la kꞌenatsꞌusiꞌ, whuz unꞌa nohbulh dune bukꞌehtsꞌiꞌ de, ꞌet de ndi Yakꞌusda khuni whutlꞌa ídanꞌai-i ꞌinkꞌez ꞌonghoh-i cha, tsꞌiyawh ookwꞌúneꞌ zuhtꞌen wheꞌ hoontꞌoh.

Romans 3:20

Mbene la Moses be ꞌudustlꞌus kꞌúneꞌ ꞌutꞌenne ꞌaw ꞌet huwa lubeshi ꞌuhulhꞌen-un huba gak hoolhtselh ꞌaítꞌoh. Moses be ꞌudustlꞌus ꞌi gha lubeshi ꞌuhulhꞌenne ꞌuhintꞌoh tꞌehonínzun.

Galatians 4:21

Nohni mbe ꞌahli whe Moses be ꞌudustlꞌus ookꞌuneꞌ tihtꞌen hukwaꞌ nuhzun, ꞌet suduhni, ndi Moses be ꞌudustlꞌus daja ni la, soo tsꞌihꞌun unꞌa tꞌeoonúhzun eh?

Galatians 5:14

Moses be ꞌudustlꞌus ꞌet whunílhcho ꞌilho khuni be lhaooduja, ꞌet ndutni, “Ntsꞌenꞌa la nyunchꞌoh kꞌenainsiꞌ, whuz unꞌa nyulh dune cha bukꞌeoonsiꞌ,” ni.

1 Thessalonians 4:6

Khun te neulhutsin unline neghá whunistꞌen whe buꞌat bulh nintaꞌtsꞌootꞌen junih. ꞋEt whuz unꞌa za whutsodaꞌ nohdasniꞌ. ꞋInkꞌez doo cha za nohdusni, neMoodihti ꞌen za ndóohoontꞌoh-un huwun kꞌútneh-un ꞌuntꞌoh.

James 2:11

ꞋEt ndutni, “Dune kꞌus tsꞌeke bulh nintaꞌoohtꞌen junih.” ꞋEn njan cha ndutni, “Dune solhghelh junih.” ꞋEt njan dúhoontꞌoh, ꞌuyoonne ꞌat bulh nintaꞌlheꞌíntꞌel de, ꞌet hoontsꞌi dune sílhghih de, ꞌet ndi Yakꞌusda ooghuni netlꞌa ídanꞌai-i, ꞌi tsꞌiyawh kꞌuninyuz wheꞌ hoontꞌoh.