Mark 10:18 - Yak'usda Ooghuni

¹⁸ ꞋEt Jesus uyúlhni, “Di ha sudíni, unzóo-un sudíni? ꞋAw ꞌilhoghun unzoo-un hooloh. Yakꞌusda ꞌen za unzoo whe ꞌuntꞌoh.

Mark 10:18 Iomraidhean Croise

Matthew 19:17

ꞋEt Jesus ndúyulhni, “Di haꞌ sudini, unzoo-un sudini? ꞋIlhoghun unzoo-un hooloh. Yakꞌusda ꞌaw ꞌen za unzoo whe ꞌuntꞌoh. ꞋEt hoontsꞌi ꞌilhiz be tsꞌotinalh-un hukwaꞌ ninzun de, Yakꞌusda khuni dune tlꞌa idanꞌai-i, ookꞌuneꞌ ꞌintꞌen da.”

Mark 10:17

ꞋEt Jesus ti tizya whe ꞌilhoghun dune yutsꞌu tílhgai ꞌinkꞌez yubut dugwutsi be nenínya ꞌinkꞌez yoodalhkut, “Dune hodulhꞌeh-un unzoo-un, dastꞌen whe ꞌilhiz khutisnalh-un whuchꞌa ootásdoh?”

Mark 10:19

Khuni Yakꞌusda nohtlꞌa ídanꞌai-i tꞌeninzun: nezolhghelh junih, dune kꞌus tsꞌeke bulh nintaꞌontꞌen junih, ꞌundunontꞌih junih, hontsꞌit junih, ꞌeꞌ holhtsꞌit junih, ꞌinkꞌez mbá cha nloo cha hubudólhtiꞌ.”

Luke 18:19

ꞋInka Jesus ꞌuyulhni, “Di haꞌ unzoo-un sudini? ꞋAw ꞌilhoghun unzoo-un hooloh. Yakꞌusda ꞌen za unzoo whé ꞌuntꞌoh.

Romans 3:12

Tsꞌiyanne Yakꞌusda chꞌaz náhulhya. Tsꞌiyanne hintsiꞌ súliꞌ. ꞋAw ꞌilhoghun dune unzoo-un hooloh.

James 1:17

NeBá, ꞌen yakꞌuz be hootꞌen-i tsꞌiyawh ꞌuyinla. Ndi be hootꞌen-i whuloh te ꞌutsꞌun unꞌa naꞌutꞌih ꞌinkꞌez tsawhúsꞌih leꞌ whulhꞌih. NeBá ꞌaw nawh huninizun-un unli iloh. ꞋEt huwa dai la ndus de negha nukat-i unzoo ꞌinkꞌez soo tsꞌihꞌun ꞌuntꞌoh, ꞌi tsꞌiyawh ꞌen za tsꞌu ha whúkat wheꞌ hoontꞌoh.

1 John 4:16

Yakꞌusda ye nékꞌensiꞌ-i tꞌeznanzin ꞌinkꞌez neba ꞌalha ꞌuhoontꞌoh. Yakꞌusda nekꞌensiꞌ-un ꞌuntꞌoh. Mbe bé lhkꞌetsꞌusiꞌ-i bulh ꞌúntꞌoh-un, ꞌen Yakꞌusda bulh ꞌuntꞌoh ꞌinkꞌez Yakꞌusda yuyudínda whe ꞌuntꞌoh.

1 John 4:8

Ndun dulh dune kꞌelhísiꞌ-un, Yakꞌusda tꞌenuszun whe ꞌuntꞌoh, Yakꞌusda ꞌen nekꞌensiꞌ-un ꞌuntꞌoh ꞌet huwa.