Mark 10:17 - Yak'usda Ooghuni

¹⁷ ꞋEt Jesus ti tizya whe ꞌilhoghun dune yutsꞌu tílhgai ꞌinkꞌez yubut dugwutsi be nenínya ꞌinkꞌez yoodalhkut, “Dune hodulhꞌeh-un unzoo-un, dastꞌen whe ꞌilhiz khutisnalh-un whuchꞌa ootásdoh?”

Mark 10:17 Iomraidhean Croise

Matthew 17:14

ꞋAwet ꞌilhozdilne butanahundil whe ꞌilhoghun dune yughu ninya ꞌinkꞌez yubut dugwutsi be nenínya. ꞋInkꞌez ꞌutni,

Matthew 25:34

ꞋEt lerwe nailhni tsꞌunkꞌus ꞌuntꞌohne ndubudutanelh, ‘Nohni ꞌuBá ꞌukꞌenus hoonzoo-un nohghá whultsꞌutne ꞌahli. ꞋEt huwa ꞌanih! Yun ꞌutilnelh whutso, lerwe yakꞌuz úsda-un, ꞌet nohba lhaoodinla, nohgha óotaltsꞌulh.

Matthew 28:8

ꞋA cho tse be tsa kꞌet whuchꞌa nahustꞌaz. Whe hunuljut ꞌet hoontsꞌi ꞌon nus huhóontꞌiꞌ cha ꞌuhintꞌoh. ꞋInkꞌez yugha hodulꞌehne butsꞌu whe hilgaih buba hutanelh.

Mark 1:40

ꞋIlhoghun dune, ooká whulhjut-un, leprosy huyulhni, Jesus ghu ninya, dugwutsi bé nenínya ꞌinkꞌez yutsꞌu tédudli dulaꞌ ooneh ha. “Nyun hukwaꞌ ninzun de, be ilhtus-i ꞌintꞌi-i, ꞌi be sunáꞌilhdeh,” yulhni.

Mark 10:18

ꞋEt Jesus uyúlhni, “Di ha sudíni, unzóo-un sudíni? ꞋAw ꞌilhoghun unzoo-un hooloh. Yakꞌusda ꞌen za unzoo whe ꞌuntꞌoh.

Mark 12:14

Jesus highu nindil whe ꞌuhutni, “Dune hodulhꞌéh-un tꞌetsꞌonínzun tsꞌihꞌun zaꞌ danelh. ꞋAw ꞌuyoonne daja huntizilh-un huwu ni lhínlo. Dune dantꞌóhne hoontsꞌi lhubunílhꞌen ꞌet hoontsꞌi Yakꞌusda beni kꞌoh tsꞌe huwun khuni ꞌalhaꞌ ꞌuntꞌoh-i be whúbodilhꞌeh. ꞋEt nedíni, Roman keyoh whumoodih ootsꞌun yun kꞌelha tsꞌuhoolhꞌi ꞌukꞌelha tsꞌuholhꞌeh kꞌus ꞌawundooh?”

Mark 9:25

ꞋEt Jesus whutilhꞌen ꞌilhozdílne bughá holhghaz whe ꞌahoh khuni ulhtus-i be ntsiꞌ-i nudúdeh-i hukwaꞌ yudániꞌ, “Ntsiꞌ-i nudúdeh-i lheꞌhudústsꞌo ꞌinkꞌez yalhuhulhduk ilhꞌí-un, tsꞌoodun ooyáhanaindaih nyudúsni, ꞌinkꞌez doo cha ꞌon ꞌat ooyunádondzit junih!” yúlhni.

Luke 10:25

ꞋEt hukwꞌelhꞌaz ꞌilhoghun Moses beꞌ ꞌudustlꞌus ꞌuyoo unli be yalhduk-un dudinya ꞌinkꞌez Jesus ꞌonilha yoodulhkut, “Nehodulhꞌeh-un datistꞌelh whe ꞌilhiz be tsꞌukhuna-i stlꞌa ootiltsꞌulh?”

John 3:2

ꞋEn ꞌulhdzis ꞌet Jesus ghu ninya ꞌinkꞌez uyúlhni, “Rabbi, Yakꞌusda yulh ꞌuntꞌoh-un dune, ꞌen za njan huwa ꞌítꞌen-un tuneꞌ ootꞌen huba ꞌuhoontꞌoh. ꞋEt huwa soo tꞌetsꞌonínzun dune hodulꞌeh-un Yakꞌusda tsꞌu haínya-un inli whe ꞌintꞌoh.”

John 5:39

Yakꞌusda ooghuni ꞌukꞌu nusgúz-i, ꞌi be ꞌilhiz huye khúna-i ahtꞌi nahzun, ꞌinka ꞌáhtꞌen soo cho bodulhꞌeh, ꞌinkꞌez ndi khuni ꞌukꞌu nusgúz-i, ꞌi si sghun za ꞌuntꞌoh.

John 6:40

Mbene la Yakꞌusda ooYeꞌ tꞌeinínzunne ꞌinkꞌez ꞌen buba ꞌalhaꞌ ꞌuyintꞌohne, ꞌilhiz wheni huye khúna-i hitátꞌelh ꞌinkꞌez ꞌudekꞌez dzin de ꞌenne dunabudutásdlelh. Ndun whuz de sútilhꞌaꞌ-un njan ꞌet hukwaꞌ ninzun ꞌet huwa,” ubúlhni.

Acts 16:30

ꞋEt tenábunilhti ꞌinkꞌez uboodulhkut, “Soo sudutáhnelh datísnelh whe dutisjih?” ubúlhni.

Acts 2:37

ꞋEt Peter hidántsꞌo whe soo tsꞌihꞌun budzi tꞌaíznai. ꞋInkꞌez Peter ꞌinkꞌez ꞌuyoonne whelꞌaꞌne bulh hubuhoodulhkut, “Neulhutsinke, Peter nedaniꞌ-un huwun dáztinelh?”

Acts 20:32

ꞋInkꞌez, sulhutsinke, ꞌandit ꞌet Yakꞌusda ꞌinkꞌez ooghuni kꞌúneꞌ oohtꞌen-un cha ootlꞌánóhisdla. ꞋEt whe nohdzi ꞌon nus úlhtus nohtilhtselh, ꞌinkꞌez Yakꞌusda ba ꞌudun nelyane butoh, ndet Yakꞌusda ꞌudun nohba neooninꞌa-un, ꞌet nohgha whútaltsꞌulh.

Acts 9:6

ꞋEt dutlut ꞌinkꞌez ooba hooncha, ꞌinkꞌez ꞌutni, “SMoodihti ndet datísnelh-un stsꞌu hukwaꞌ ninzun?” ꞋInkꞌez neMoodihti uyúlhni, “Dunadindaih ꞌinkꞌez keyoh tsꞌe ínyalh. ꞋEt dune datánelh-un nyodóniꞌ,” yúlhni.

Romans 2:7

Whulohne ꞌaw whutsꞌu lhodítni whe tsꞌihꞌun unꞌa ꞌuhutꞌen. ꞋEt nduhútꞌen-un huwun Yakꞌusda budólhtiꞌ, hincha uboolhtselh, ꞌinkꞌez ꞌahoolhyiz dalhótisa ꞌet hitsꞌu húkwaꞌ ninzun. ꞋEt nduntꞌóhne dune Yakꞌusda ꞌilhiz wheni huhutinalh-un bugha whútaꞌalh.

Romans 6:23

Lubeshi ꞌutsꞌalhꞌen-un, ꞌi kꞌelha daztitsah. ꞋEt hoontsꞌi neMoodihti Jesus Christ, ꞌen gha Yakꞌusda ꞌilhiz be tsꞌuhutinalh-un, ꞌet ꞌantsꞌi negha óoninꞌai.

Ephesians 1:18

ꞋEt noheni be whunulꞌen kꞌunꞌa ꞌon nus hoohꞌen whe soo tsꞌihꞌun unꞌa lhat-un whuntilhꞌelh. ꞋEt whuz unꞌa njan uzdoojih ha nekaꞌ daniꞌ-un negha óoninꞌai, ꞌet hukwa itohꞌen, ꞌet tꞌewhuntihzeh. ꞋInkꞌez Yakꞌusda oochꞌeꞌne bulh ndi yutꞌi-i netsꞌú whutikulh-un tsꞌuwhutꞌi, dáwhuldzooꞌ wheꞌ hoontꞌoh, ꞌet tꞌewhuntihzeh.

Titus 3:7

ꞌet whe ye unzoo-i gha nelubeshi tsꞌiyawh neba hooloh yulhtsi. ꞋIlhiz be tsꞌukhuna-i hukwa tse hoodli-un, ꞌet nechꞌeꞌ whutaleh ꞌet huwa.

Hebrews 1:14

ꞋEt ndunne lizasne, ꞌenne nudúdeh ꞌinkꞌez be ꞌustlenne ꞌuhintꞌoh. Yakꞌusda whébalhꞌaꞌ ꞌet de mbene la ndi bé uzdujis-i netsꞌu tíkulh, ꞌet huba neba neꞌutꞌenne ꞌuhintꞌoh.

1 Peter 1:4

ꞋAndit ꞌawet neBá yutꞌi-i negha ítalelh-i, ꞌi cha wheni neba ꞌuntꞌoh. ꞋAw oolhjut ꞌaitꞌoh. ꞋAw ntsiꞌ cha ooleꞌ ꞌaitꞌoh, ꞌinkꞌez dutoodeh ꞌaitꞌoh. ꞋI ꞌudaꞌ yakꞌuz tsꞌe nohba ꞌet whuzdla.

1 John 2:25

Njan netsꞌú hoozi-un, ꞌilhiz tsꞌuhutinalh-un, ꞌet ꞌuwhúlhni.