Biblia Todo Logo
Bìoball air-loidhne

- Sanasan -




Mark 10:14 - Yak'usda Ooghuni

14 ꞋEt Jesus whunalhꞌen whe whutsꞌu dutni ꞌinkꞌez yugha hodulꞌehne ubúlhni, “Whute tsꞌoodunne stsꞌó toodilh. Khun te dah budóhniꞌ junih. Yakꞌusda whe lerwe unli-un whuz dilhtsꞌine, tsꞌoodunneyaz duhúltꞌoh wheꞌ hintꞌoh.

Faic an caibideil Dèan lethbhreac




Mark 10:14
36 Iomraidhean Croise  

ꞋInkꞌez khuni nyun bulh lhadilya-i, ꞌi ꞌet dutaꞌalh ntsꞌu haindene ꞌenne lhanꞌun te, ꞌilhiz wheni ndi khuni lhadutalneh, NYakꞌusda (Elohim) tisleh ꞌinkꞌez ntsꞌu haindene cha.


“ꞋEt ndunne tsꞌoodunne khun buka lheꞌnuzoohzin junih! ꞋAlhaꞌ bulizas yakꞌuz hudilhtsꞌi, ꞌenne bughu hinli ꞌinkꞌez SBá yakꞌuz usda-un bulizas ꞌahoolhyiz hinalh neꞌutꞌen.


ꞋEt huwa ndun tsꞌoodunyaz, kꞌunꞌa yo ꞌududildzun-un, ꞌet ntsꞌe la yakꞌuz kꞌuneꞌ whulꞌen-un, ꞌenne za kꞌus hidilhtiꞌ-un tileh whe ꞌuntꞌoh.


ꞋEt Jesus ꞌúbulhni, “Whute tsꞌoodunneyaz stsꞌó toodilh. Dah budóhniꞌ junih! Yakꞌusda whe lerwe unli-un whuz dilhtsꞌine, ndunne tsꞌoodunneyaz ubunduhúltꞌoh wheꞌ hintꞌoh.”


Tsꞌihꞌun ꞌuhintꞌoh huwa dzoh nubuhulhdehne, ꞌenne yakꞌuz kꞌuneꞌ whulꞌen-un, ꞌet buchꞌeꞌ hinli. ꞋEnne ꞌukꞌenus hoonzoo-un bughá whultsꞌut.


“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.


Jesus tube hunílchꞌe whe butunuyúꞌen budzi dadiltsꞌun la ꞌet huwun unli. ꞋEt dune ka únli-un yulhni, “Lhtsꞌedílnih!” Nyoon dune lhtsꞌedilhni ibulh ꞌilhoghi oola kꞌunꞌa soo náꞌuja.


Jesus yugha hodulꞌehne butsꞌun nálhꞌa ꞌinkꞌez Jesus Peter hukwaꞌ yúlhni, “Satan stꞌa nenínyaih! Ndi yun kꞌut hoonli za ghu nuní ninizut. ꞋAw Yakꞌusda oochꞌeꞌ ooghu nuní lhnuzinzut.”


ꞋEt Jesus yúlhni, “Soo tsꞌihꞌun unꞌa nyudúsni, dune doo cha za whuzdli de, ꞌet de za Yakꞌusda lerwe unli-un whutiꞌelh.”


ꞋEt Jesus uyúlhni, “Soo tsꞌihꞌun unꞌa nyudúsni, dune too ꞌinkꞌez Ndoni be cha whuzdli de, ꞌet de za ntsꞌe la dune Yakꞌusda bulerwe unline ꞌet ꞌaw dahóoya ꞌaitꞌoh.


Mbene la Yakꞌusda neMoodihti bukaꞌ dutinelhne, ꞌilhone ꞌahli whe Ndoni nohtsꞌú yoozi inleꞌ, nohuzkeh cha ꞌinkꞌez nilhzaꞌ yun kꞌut whutꞌenne, ꞌenne hoontsꞌi.”


Nohni cha Yakꞌusda be nus hóoꞌenne butsꞌu háhde ꞌinkꞌez ndai la Yakꞌusda nohtsodaꞌne khuni buba lhaídinla-i, nohni cha nohba ꞌuntꞌoh. Ndi khuni buba lhaídinla-i, Abraham cha tlꞌa díltsꞌut inleꞌ, ‘Ntsꞌu haínzut-un, ꞌen gha dune ndi yun kꞌut buba hoonzoo tileh,’ ꞌet Yakꞌusda Abraham yulhni.


ꞋEt whunóhuntistun ntsꞌenꞌa la ꞌuwhutánelh. Whunulhꞌen, lhes nantílhdo de, ꞌudechoo-i unzoo ꞌúntꞌoh de, ꞌet whuloh cha tsꞌiyawh unzoo tileh. ꞋEt ꞌudun, duchun ooghih unzoo de, ꞌet oozischum cha tsꞌiyawh tizooꞌ.


Ndi khuni unzoo-i be nóhbulh yasduk, ꞌi ꞌaw Lizwifne hiyólhchoot hukwa lheꞌhunízun, Yakꞌusda chꞌaz ditnine hinli. ꞋEt huwa nohni ꞌudun yun kꞌut whutꞌenne duhjih. ꞋEt hoontsꞌi Yakꞌusda butsodaꞌne ꞌutahábanla. ꞋEt ꞌenne bugha Yakꞌusda Lizwifne bukꞌensiꞌ.


Sulhutsinke noheni be tsꞌoodunne kꞌunꞌa oohtꞌeꞌ junih noheni be. ꞋEt chalhtsꞌul dahíntꞌoh la ꞌaw hoontsiꞌ-un tꞌehonuszun, ꞌet whuz unꞌa oohtꞌeꞌ. ꞋEt hoontsꞌi dune suliꞌ kꞌunꞌa nuní noohzut.


ꞋEt ooki ooba ꞌalha ꞌuhoontꞌoh-un lhiloh, ooꞌat gha Yakꞌusda ba ꞌudun nelti whe ꞌuntꞌoh. ꞋEt whuz unꞌa ooꞌat ooba ꞌalha ꞌuhoontꞌoh-un lhiloh, ꞌet hoontsꞌi ooki ꞌen gha Yakꞌusda ba ꞌudun nelti whe ꞌuntꞌoh. ꞋEt whuz unꞌa ndulhúhootꞌoh de, buzkehke Yakꞌusda ba ꞌatsꞌun unꞌa ꞌuhutitꞌelh wheꞌ ꞌuhoontꞌoh. ꞋEt hoontsꞌi Yakꞌusda ba ꞌudun nelyane huzdliꞌ.


Nohuhuske be lubeshi olhchoot junih. Khun te hunúlhchꞌe whe te sa yo tóoꞌalh junih.


Ndi soo be ꞌalha ꞌuhoontꞌoh-i, ꞌi nyulh ꞌuntꞌoh, ꞌi oonaznih. Ntsoo Lois, ꞌen ꞌudechoo be ꞌalha ꞌuhoontꞌoh-i yulh ꞌuntꞌoh inleꞌ, ꞌinkꞌez nloo, Eunice ꞌen cha. ꞋInkꞌez nyun cha ꞌet whuz unꞌa za ꞌintꞌoh, ꞌet sba ꞌalha ꞌuhoontꞌoh.


ꞋEt nyun tsꞌoodun inli daꞌ whutsꞌun ndi Yakꞌusda ooghuni lubeshi ooghu hooloh whe ꞌukꞌéguz-i tꞌenanzin. ꞋI gha be whutnih-i ꞌintꞌi whe dinjih, Christ Jesus ꞌen mba ꞌalhaꞌ ꞌuntꞌoh ꞌet huwa.


ꞋAndit tsꞌoodunne whuzdline lilet ꞌi za hika dátni, nohni cha bukꞌunꞌa ndi khuni tsꞌihꞌun ꞌuntꞌoh-i, ꞌi za ookwa daóohtni ꞌon nus ulhtus tihleh ha.


ꞋInkꞌez buze ꞌaw whutsꞌit-i hooloh. ꞋAlhaꞌ Yakꞌusda kwꞌutsꞌuzda cho diztiꞌ-i yukꞌusda ꞌen but ꞌaw whe tankꞌus ꞌuhintꞌoh-un bughu hooloh.


Lean sinn:

Sanasan


Sanasan