Mark 10:11 - Yak'usda Ooghuni

¹¹ ꞋEt ubúlhni, “Dune mbe la duꞌat ꞌún tizno ꞌinkꞌez ꞌuyoon tsꞌeke ghu nasda de, ꞌuyoon tsꞌeke bulh nintaꞌtitꞌelh whe ꞌuntꞌoh.

Mark 10:11 Iomraidhean Croise

Matthew 19:9

ꞋInka ꞌunohdusni, dune ooꞌat ꞌuyoon dune bulh nintaꞌantꞌen tꞌeoonanzin de, ꞌet de za ꞌudustlꞌus ye ꞌetsul itilelh-i, ꞌi duꞌat yutlꞌa yóolhchoos. ꞋEt ooꞌat ꞌaw edúlhinel ꞌet hoontsꞌi ndi ꞌudustlꞌus yutlꞌa yálhchooz ꞌinkꞌez ꞌuyoon tsꞌeke ghu nasda de, dune tsꞌeke bulh nintaꞌantꞌen-un suliꞌ. ꞋInkꞌez dune ooꞌat ꞌetsul ꞌuyinla-un ꞌinkꞌez ꞌuyoon dune ghu nasda de, ndun dune ꞌen cha tsꞌeke bulh nintaꞌantꞌen-un tileh.”

Mark 10:10

Yoh danáhandil whe yugha hodulꞌehne Jesus dáhoontꞌoh la doo cha hukwa huyoodulhkut.

Luke 16:18

ꞋEt mbe dune duꞌat ꞌetsul ꞌinla ꞌinkꞌez ꞌuyoon tsꞌeke ghu nasda de, dune lubeshi ꞌulhꞌen. ꞋInkꞌez mbe la tsꞌeke duki chꞌa nasja-un ꞌuyoon dune ghu nasda de, ndun dune cha lubeshi ꞌulhꞌen whe ꞌuntꞌoh.”

Romans 7:3

ꞋEt ooki dazsai de, ꞌet Moses be ꞌudustlꞌus gha ndun tsꞌeke soh natisja whe ꞌuntꞌoh. Hukwaꞌ ninzun de, ꞌuyoon dune ghu natidalh ꞌinkꞌez ꞌaw lubeshi ooba lhuhóoloh. ꞋEt hoontsꞌi ooki ꞌawhuz khuna whe ꞌuyoon dune zih usda de, lubeshi ꞌulhꞌen-un ꞌuntꞌoh.

1 Corinthians 7:4

Tsꞌeke ooki hoonli-un, ꞌen duyustꞌe yumoodih lhiloh, ooki ꞌen za yumoodih unli. ꞋInkꞌez whuz unꞌa za dune ooꞌat hoonli-un, ꞌen duyustꞌe yumoodih lhiloh, ooꞌat ꞌen za yumoodih unli.

Hebrews 13:4

Lhghuzdilhtsꞌí-un, tsꞌiyanne ba ꞌuhoontꞌoh, ꞌinkꞌez whudíztiꞌ. Lhghu dilhtsꞌine whuꞌiz whe dulili kꞌut duhutꞌen-un, ꞌaw lhuhóohtsiꞌ wheꞌ hoontꞌoh. ꞋEt hoontsꞌi mbe ꞌuyoonne tsꞌekoo kꞌus ꞌuyoonne dune bulh nintaꞌutꞌihne, ꞌenne Yakꞌusda buba nahutiyeh wheꞌ hoontꞌoh.