Mark 1:7 - Yak'usda Ooghuni

⁷ ꞋEt ubúlhni, “Dune skꞌélhꞌaz whusatíyalh-un sanus díztiꞌ whe ꞌuntꞌoh. ꞋAw ookechun natlꞌool ooba kꞌunaítísꞌuk ꞌet hoontsꞌi huba soo lhéꞌuzdzooꞌ.

Mark 1:7 Iomraidhean Croise

Matthew 3:11

Noheni nahunduníhla ꞌet huwa too be za too beꞌ nohúsdla. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookegon ooba nétisdlelh huba soo lheꞌusdzooꞌ. ꞋEn Ndoni ꞌinkꞌez kwun bulh be too beꞌ nohtilhꞌelh.

Matthew 3:14

ꞋEt hoontsꞌi John dah yúlhni. “Nyun too beꞌ sonleh hubaꞌ hoontꞌoh. ꞋInkꞌez di ha si stsꞌú tinya too beꞌ nyoosdleh ha?”

Mark 1:6

ꞋEt John dune too be ꞌulhꞌen-un khuna-i gha stlꞌoo-i ye dune unli ꞌinkꞌez ꞌuzus se be tsúdilhꞌoo. Tulkꞌus cho ꞌinkꞌez tsꞌihnatlꞌuz cha ꞌi yaꞌalh inleꞌ.

Mark 1:8

Too beꞌ nohusꞌen ꞌet hoontsꞌi ndun dune ꞌen Ndoni be too beꞌ nohtilelh ꞌinkꞌez Ndoni nohyé dutiꞌalh.”

Luke 3:16

John tsꞌiyawh ꞌet ubúlhni, “Too za-i be too béꞌ nohusꞌen. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookechun natlꞌoolh ooba kꞌunatisꞌuk ꞌet hoontsꞌi huba soo lheꞌuzdzooꞌ. Ndun ꞌen Ndoni ꞌinkꞌez kwun bulh be too beꞌ nohtilhꞌelh.

John 1:27

ꞋEn ꞌuntꞌoh skꞌélhꞌaz whusatíyalh-un sanus díztiꞌ whe ꞌuntꞌoh. ꞋAw ookechun natlꞌool ooba kꞌunaítisꞌuk hoontsꞌi huba soo lhéꞌuzdzooꞌ,” ubúlhni.

Acts 13:25

ꞋEt ꞌawet John dune too be ꞌulhꞌen-un dude ꞌutꞌen lhai dutileh whe ꞌet ubúlhni, ‘Mbe usdli nahzun? ꞋAw ndun ooba sulhꞌí-un, ꞌen iloh ꞌustꞌoh, ꞌet hoontsꞌi whunulhꞌen, suntiyalh whe ꞌuntꞌoh. Ooke ha naꞌtisdlelh-un ꞌet wheni hoontsꞌi ꞌaw huba soo lheꞌuzdzooꞌ,’” ubúlhni.

Acts 19:4

ꞋEt Paul ꞌutni, “Be too beꞌ tsꞌulꞌih John dune too be ꞌulhꞌen-un yughu yailhduk-i, mbene la dulubeshi yuchꞌaz nálhꞌane, ꞌenne bubaꞌ yintꞌoh. ꞋInkꞌez Israel ootsꞌu hainzutne cha ubúlhni inleꞌ, ‘Mbe la skꞌelhꞌaz whusatíyalh-un, ꞌen nohba ꞌalha ꞌootꞌeꞌ,’ Christ ꞌen Jesus ꞌuntꞌoh.”