Mark 1:44 - Yak'usda Ooghuni

⁴⁴ Dune natisja whe ꞌet Jesus ꞌuyulhni, “Soo zilhtsꞌai, ꞌuyoonne dóniꞌ junih! Inyalh tsꞌe lubret ꞌen ootsꞌínyalh ꞌinkꞌez nyunoolhꞌen. ꞋEt ꞌantsꞌíya soo naꞌínja hukwꞌélha ndet la Moses ooghuni kꞌunꞌa lubret ntsꞌu húkwaꞌ ꞌutni-un, ꞌi oogha íonꞌalh. ꞋEt tsꞌiyanne whúntalhtun soo naꞌínja.”

Mark 1:44 Iomraidhean Croise

Matthew 8:4

ꞋEt Jesus ꞌuyulhni, “ꞋUyoonne doniꞌ junih! Lubret ꞌen ootsꞌinyalh ꞌinkꞌez tsꞌihꞌun unꞌa díni nyustꞌe ntsꞌenꞌa whe soo naꞌuja ꞌinkꞌez nyunoolhꞌen. Moses ooghuni ꞌutni kꞌunꞌa huwaꞌ tanꞌalh. Whuz unꞌa whubuntalhtun dainja whe soo naꞌinja-un.”

Mark 1:43

Jesus khuniti be yulh yálhduk ꞌinkꞌez ꞌaho whenáyalhꞌaꞌ.

Luke 17:14

ꞋEt Jesus ꞌubunilhꞌen ꞌinkꞌez ꞌubulhni, “Lubret tsꞌohdulh. ꞋEn nohnoolhꞌen hoonliyaz tilah nohghu nahóꞌalh.” ꞋEt ꞌawhuz whuz hidulh whe soo naꞌhuja.

Luke 5:14

ꞋEt Jesus khuniti be njan ndúyulhni, “Khun te ꞌuyoonne dóniꞌ junih! ꞋEt kꞌus lubret ootsꞌinyalh ꞌinkꞌez nyunoolhꞌen. ꞋEt Moses be ꞌudustlꞌus kꞌut daja ni, ꞌet whuz unꞌa loodel kꞌut hoonliyaz dutálhkꞌun. ꞋEt whe la whubunolhtun dainja whe soo naꞌinja,” yulhni.

Acts 23:22

ꞋEt lhuganne moodih ꞌutni, “Khun te ꞌuyoonne dóniꞌ junih, njan sudániꞌ-un huwun.” ꞋEt ꞌawet chilh whenáyalhꞌaꞌ.

Romans 15:4

Ndet ꞌudaꞌ Yakꞌusda be ꞌudustlꞌus kꞌut ꞌukꞌehóoguz-un oogha whútsꞌo doolꞌeh ha ꞌukꞌéguz. ꞋEt whe ndet la Yakꞌusda netsꞌu hoozi-un ꞌi ooba tsꞌilhꞌi ꞌinkꞌez ooba tsꞌilhꞌi zaꞌ tsꞌintꞌoh.

1 Corinthians 10:11

ꞋEt ndi ꞌi tsꞌiyawh buba ꞌet ndúhooja ꞌi tsꞌiyawh ooghá tꞌetsꞌonozin ha ndóohooja, ꞌinkꞌez neba ꞌukꞌeyanguz whe wheni ꞌuneúlhni. Wheni ꞌutsꞌintꞌoh ndi yun kꞌut uzdilhtsꞌi-un hukwꞌunꞌa, wheni neba ꞌawet whula toh suliꞌ.