Mark 1:4 - Yak'usda Ooghuni

⁴ John dune too be ꞌulhꞌen-un, ꞌaw dune lhuhóotꞌih tsꞌe oozya ꞌinkꞌez tubeꞌ budániꞌ, “Lubeshi ꞌulhꞌen-un noheni náhandunoohleh, ꞌinkꞌez too beꞌ ꞌúlhneh, ꞌaw ꞌet de za Yakꞌusda nohlubeshi nohba ꞌún yutilhdulh.”

Mark 1:4 Iomraidhean Croise

Matthew 3:11

Noheni nahunduníhla ꞌet huwa too be za too beꞌ nohúsdla. ꞋEt hoontsꞌi skꞌelhꞌaz whusatiyalh-un, ꞌen sanus diztiꞌ whe ꞌuntꞌoh. ꞋAw ookegon ooba nétisdlelh huba soo lheꞌusdzooꞌ. ꞋEn Ndoni ꞌinkꞌez kwun bulh be too beꞌ nohtilhꞌelh.

Matthew 3:6

ꞋInkꞌez dulubeshi kꞌunꞌa huhoolnuk whe ꞌukoh Jordan John ꞌen too beꞌ balhꞌen.

Mark 1:5

ꞋEt whe la tsꞌiyanne Judea whunat whutꞌenne ꞌinkꞌez Jerusalem whutꞌenne cha tehúnindil ꞌinkꞌez John dune too be ꞌulhꞌen-un huyoozílhtsꞌai. ꞋInkꞌez dulubeshi ghun huna huhoolnuk whe ꞌukoh Jordan huwhútni-un toot ꞌet John dune too béꞌ balhꞌen.

Luke 1:77

ꞋInkꞌez ooduneꞌne soo cho tꞌehozoozeh uzditijih-un ꞌinkꞌez nelubeshi cha neba gak yutilhtselh, ꞌet huwun nedutanelh.

John 3:23

ꞋOh daꞌ John ꞌen cha keyoh Aenon huwhútni-un keyoh Salem huwhútni-un whenghoh whuzꞌai-un, ꞌet dune too be ꞌúlhꞌen, tube ꞌet too lhai ꞌinka. Dune hitsꞌu lhodulh ꞌinkꞌez whulohne dune too beꞌ binla.

Acts 10:37

ꞋI khuni teꞌnahzun Israel ootsꞌu hainzutne bukeyoh ndulcho whe ntsꞌoh te hooncha tuneꞌ whustꞌen, ndet la John too beꞌ tsꞌulꞌih huwu yailhduk whe Galilee ꞌet whutsꞌun wheꞌ whuditꞌen.

Acts 22:16

ꞋInkꞌez di ha ꞌon ꞌun huba silhꞌi? Dudinyaih ꞌinkꞌez too beꞌ ilneh ꞌinkꞌez ꞌen yé ulhtus-i gha nlubeshi nyunaoodeh neMoodihti booziꞌ gha!’”