Mark 1:24 - Yak'usda Ooghuni

²⁴ “Jesus Nazareth whutꞌen-un ndet netsꞌú hukwaꞌ ninzun? Gak netalhtselh ha whusaínya? Mbe inli tꞌenyunúszun, nyun Yakꞌusda ba lubeshi ooghu hooloh-un ꞌintꞌoh.”

Mark 1:24 Iomraidhean Croise

Matthew 2:23

Whuz hoozdil whe keyoh Nazareth ꞌet hudutáltsꞌilh. Nus hooꞌenne daja hutni la, ꞌoh túneꞌ whustꞌen whe njan duhútni, “ꞋEn Nazareth whutꞌen-un hidutánelh.”

Matthew 8:29

Khuntsul tube cho ꞌuhutni, “Jesus nyun Yakꞌusda ooYeꞌ inli! Ndet netsꞌu hukwaꞌ ninzun? Neba whusaóotiltsꞌulh-un whutso, dzoh nunetalhdzut ha ꞌinja whusainya?”

Mark 1:23

ꞋEt ꞌilhoghun dune butoh usda-un, ntsiꞌ-i nududeh-i kꞌúneꞌ ꞌutꞌen-un, ꞌaldzul whe ꞌutni,

Mark 1:25

ꞋEt Jesus hukwa yudaniꞌ whe uyúlhni, “Tꞌeduzinih whe ooyáhanaindaih!”

Mark 10:47

Jesus Nazareth whutꞌen-un ꞌóh whuya uyalh ꞌet whundantsꞌo, ꞌahoh hazulh whe ꞌutni, “Jesus David ootsꞌuhainzut-un sgha téꞌninzeh!”

Mark 14:67

Peter naldzilh yutilhꞌen ꞌinkꞌez uyúlhni, “Nyun cha Jesus Nazareth whutꞌen-un bulh ꞌíntꞌen inleꞌ.”

Mark 16:6

ꞋEt ubúlhni, “Nulhjut iloh! Tꞌeoonúszun Jesus Nazareth whutꞌen-un, tulalhgus kꞌehíyilhti-un ookunáhta whe ꞌahtꞌen. Hooloh! Dunadija whe ꞌuntꞌoh! Njan whunulhꞌen ilhtéꞌ-un.

Mark 5:7

ꞌinkꞌez soo ꞌultus-un ꞌaldzul whe ꞌutni, “Jesus, Yakꞌusda ꞌukꞌenus diztiꞌ-un ooYeꞌ, ndet stsꞌu húkwaꞌ ninzun. Yakꞌusda ꞌintꞌoh ꞌinka ntsꞌu tédusdlih dzoh nusílhdzut iloh.”

Luke 1:35

ꞋEt lizas yulh yalhduk, “Ndoni nkꞌedinde ꞌinkꞌez ꞌudedo-i ye ulhtus-i, ꞌi nkꞌut sa whusꞌih be whútaleh. Yustꞌe lubeshi ooghu hooloh-i, whuzdli te, Yakꞌusda ooYeꞌ hidutanelh.

Luke 24:19

ꞋEt ubúlhni, “Ndet wheꞌ whudahni?” ꞋInkꞌez ꞌuhuyulhni, “Jesus Nazareth whutꞌen-un, ꞌen ooghun dahooja la. Nus hooꞌen-un ꞌuntꞌoh. Yakꞌusda ꞌinkꞌez dune cha bunalh hoolhtus whe neꞌústꞌen ꞌinkꞌez hoolhtus whe cha yáilhduk.

Luke 4:34

ꞌinkꞌez ꞌutni, “Ah! Nyun Jesus Nazareth whutꞌen-un ꞌintꞌoh. Ndet netsꞌu hukwaꞌ ninzun? Gak netalhtselh ha eh whusainya? Mbe inli tꞌenyunúszun! Yakꞌusda ba lubeshi ooghu hooloh-un ꞌintꞌoh!”

Luke 8:28

ꞋEt Jesus yutilhꞌen whe yutsꞌu huyih ꞌinkꞌez yubut nachániti. ꞋInkꞌez tube cho yutsꞌu tédudli, “Jesus nyun soo ꞌudedo Yakꞌusda ooYeꞌ ꞌintꞌoh! Ndet stsꞌu hukwaꞌ ninzun? Ntsꞌu tedusdlih, dzoh nusilhdzut iloh!”

Luke 8:37

ꞋEt Gadarene whunat whutꞌenne ndulcho whe hunílhjoot. ꞋEt huwa Jesus buchꞌa naoojaꞌ huyúlhni. ꞋInka tsꞌi be naja ꞌinkꞌez whe nahiki.

John 6:69

ꞌinkꞌez neba ꞌalhaꞌ ꞌintꞌoh. Tꞌétsꞌonínzun nyun Christ ꞌen ꞌintꞌoh. Yakꞌusda ꞌilhiz wheni khuna-un, ꞌen ooYeꞌ ꞌintꞌoh!” yúlhni.

Acts 2:27

ꞋEt whe natnilh keyoh si szul ꞌaw ꞌet neóolhtelh ꞌaítꞌoh ꞌinkꞌez Ndun tsꞌihꞌun ꞌúntꞌoh-un ꞌaw ooyustꞌe oolhjut ꞌaítꞌoh.

Acts 24:5

Tꞌétsꞌonínzun ndun dune tube wheóonujut whe ntsiꞌ-un dune unli. Yun kꞌut ndulcho whe ꞌen gha Lizwifne cha lhtáhúwhútꞌaih ꞌinkꞌez Nazarenne butso nuyá-un unli.

Acts 3:14

ꞋEn lubeshi ooghu hooloh ꞌinkꞌez tsꞌihꞌun dune cha unli, ꞌet hoontsꞌi oochꞌáz nedihdil ꞌinkꞌez dune silhghí-un, ꞌen Pilate nohtsꞌu yúlanadootni ootsꞌo húkwaꞌ dahni.

Acts 4:27

ꞋEt ꞌon ꞌun tenahududli whe ꞌuhutni, “ꞋEt njan Jerusalem ꞌet Herod ꞌinkꞌez Pontius Pilate bulh ꞌudun yun kꞌut whutꞌenne cha ꞌet Israel ootsꞌu hainzutne cha tsꞌiyawh ꞌilhuhozdil whe ꞌalhaꞌ ꞌi be nYeꞌ Jesus lubeshi ooghu hooloh-un, ꞌen ooka tse hóodli neba yulhtsí-un, ꞌen hichꞌaz nedindil ꞌet wheni.

James 2:19

ꞋInkꞌez cha sudóniꞌ, “Yakꞌusda ꞌilhoghun za ꞌuntꞌoh.” ꞋEt mba ꞌalha ꞌuhoontꞌoh, ꞌet huwa ꞌutꞌen unzoo-i ꞌilhꞌen. Ntsiꞌ-i nududeh-i ꞌenne hoontsꞌi, buba ꞌalha ꞌuhoontꞌoh whe nujut bulh hudutlut.

1 John 2:20

ꞋEt hoontsꞌi ndun Christ lubeshi ooghu hooloh-un, ꞌen Ndoni nohyídanꞌai ꞌinkꞌez tsꞌiyaintsuk tꞌeoonáhzun.

Revelation 3:7

“ꞋEt keyoh Philadelphia dune Yakꞌusda ba ꞌilhunaoodulhne bulizas, ꞌen ootsꞌó kꞌeinges. Njan ndudini: Ndun lubeshi ooghu hooloh-un, tsꞌihꞌun ꞌuntꞌoh-un cha, ꞌinkꞌez lerwe David oolugli naꞌa-un. Ndun dáhaꞌ daꞌaih-un, ꞌaw dune danaꞌ doꞌalh ꞌaitꞌoh. ꞋInkꞌez dánaꞌ diꞌaih-un ꞌaw dune daha naꞌdooꞌalh ꞌaitꞌoh. ꞋEn ꞌutni: