Mark 1:22 - Yak'usda Ooghuni

²² Dune yudántsꞌone tube buba hooncha, soo oobaꞌ hoontꞌóh-un kꞌunꞌa whe dune whubodulhꞌeh, ꞌaw Moses be ꞌudustlꞌus ꞌukꞌu nunáguzne bukꞌunꞌa iloh ꞌutni.

Mark 1:22 Iomraidhean Croise

Matthew 13:54

ꞋInkꞌez dichꞌoh dukeyoh tsꞌe naoosja whe Lizwif bulugliz ꞌet whe whúbondunilhꞌeꞌ. Tsꞌiyanne buba hooncha ꞌinkꞌez ꞌet ꞌulhodutni, “Ndun dune ntsꞌez de ha hónꞌai ndi khuni whunih-i be yalhduk? ꞋInkꞌez hooncha tuneꞌ ꞌutꞌen cha ꞌutꞌen?

Mark 1:23

ꞋEt ꞌilhoghun dune butoh usda-un, ntsiꞌ-i nududeh-i kꞌúneꞌ ꞌutꞌen-un, ꞌaldzul whe ꞌutni,

Luke 2:47

Yuditsꞌone tube buba hooncha. Tsꞌiyantsuk tꞌewhunínzun ꞌinkꞌez tsꞌiyawh tsꞌihꞌun unꞌa ubúlhni.

Luke 21:15

Khuni ꞌinkꞌez be wháhnih-i nohtlꞌa dutisꞌalh. Mbene la nohchꞌaz ditnine ꞌaw nohtsꞌoohoodódlai ꞌaitꞌoh. ꞋInkꞌez ꞌaw daja ꞌuhudooniꞌ ꞌaitꞌoh.

Luke 4:32

ꞋEt hubodulhꞌehne tube buba hooncha. Dughuni ookꞌuneꞌ ootꞌen kꞌunꞌa bubulh yalhduk.

John 7:46

Neilhchúkne ꞌuhutni, “ꞋAw whutsodaꞌ ꞌuyoon dune ꞌen ndun dune kꞌunꞌa yalhulhduk.”

Acts 6:10

ꞋEt hoontsꞌi Stephen Ndoni gha whunih kꞌet yalhduk te ꞌaw hichꞌa oolhdeh ꞌaítꞌoh.

2 Corinthians 4:2

ꞋEt hoontsꞌi dune nunúlꞌiꞌne hukwaya hoonli, ꞌet huwa wheni tsꞌiyawh ꞌet whuchꞌa dah tsꞌutni. Dune naznaꞌah-un, ꞌet wheni ꞌaw ndúlhtsꞌustꞌen. ꞋInkꞌez Yakꞌusda ooghuni ꞌaw whutsꞌit bulh lhtalhtsꞌusdloh. ꞋEt hoontsꞌi khuni ꞌalhaꞌ ꞌuntꞌoh-i búbuznulhtun. ꞋEt whuz unꞌa Yakꞌusda nalh tsꞌiyanne buyo tsꞌe oogha tꞌetsꞌoninzun-i, ꞌi tsꞌun buba natsꞌoodutadziꞌ.