Mark 1:14 - Yak'usda Ooghuni

¹⁴ ꞋEt John dune too be ꞌulhꞌen-un, ꞌahúyanꞌai hukwꞌelhꞌaz, Jesus Galilee tsꞌe oozya ꞌinkꞌez bubulh yálhduk Yakꞌusda ookꞌúneꞌ whutꞌen-un, ooghuni ghun.

Mark 1:14 Iomraidhean Croise

Matthew 11:2

John ꞌadinꞌai whe ꞌet Christ be ꞌutꞌen kꞌoh whulh ꞌudantsꞌo. Nane yugha hodulꞌehne, ꞌenne John Jesus tsꞌu whébalhꞌaꞌ.

Matthew 14:2

ꞌinkꞌez Herod de ꞌustlenne ꞌubulhni, “Ndun ꞌen John dune too be ꞌulhꞌen-un, ꞌen ꞌuntꞌoh. Yaidlane toh nahítnaꞌ. ꞋEt huwa ꞌutꞌen hoolhtus teneꞌútꞌen.”

Matthew 4:12

Jesus whulh ꞌúdantsꞌo John ꞌahuyanꞌai. Galilee yun kꞌut tsꞌu whinya.

Matthew 4:17

ꞋEt whutsꞌun Jesus dune bubulh yawhénilhduk whe ndubúlhni, “Noheni náhandunoohleh! Yakꞌuz kꞌuneꞌ whulꞌen-un ꞌawet nilhdukw suliꞌ.”

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 9:35

ꞋEt Jesus keyoh whuti ꞌinkꞌez keyoh whuyaz cha whunilhchoh nusiya. Lizwifne bulugliz khuni unzoo-i be yakꞌuz kꞌúneꞌ whulꞌen-un ghun whubodulhꞌeh. ꞋEt dunene mbene la ooyustꞌe ndudane ꞌinkꞌez tetsunne, ꞌenne tsꞌiyawh soo naꞌbulhꞌen.

Luke 3:20

Ndai la lubeshi ꞌuyulhꞌen-i, ꞌi ꞌuyoo cha yudaniꞌ. ꞋEt huwa John ꞌaiyanꞌai.

Luke 8:1

ꞋEt hukwꞌelhꞌaz Jesus kedutizut keyoh whucho ꞌinkꞌez keyoh whuyaz totsuk, Yakꞌusda lerwe unli, ꞌet huwun khuni unzoo-i be yalhduk. ꞋEt whunizyat ꞌon ꞌat nane cha huyulh ꞌutꞌen.

Acts 20:25

Soo tsꞌiyawh nohtoh nusúsya Yakꞌusda dune kꞌúneꞌ bulꞌen-un huwun nohbulh yásduk. ꞋEt ꞌawet tꞌéoonúszun ꞌaw doo cha za nasoohtꞌen ꞌaítꞌoh.

Acts 28:23

ꞋEt Paul tsꞌun lhahódinla ndet dzin hitsꞌu tídulh-un. ꞋEt ꞌon nus ꞌultsukne, ꞌenne ꞌet dzin hitsꞌu whúsaindil. ꞋEt bundadaꞌ hulhgha whutsꞌun Yakꞌusda dune kꞌúneꞌ bulꞌen-un huwun hubodulhꞌeh. Yakꞌusda be nus hóoꞌenne ꞌukꞌu nuhúyuzguz ꞌinkꞌez Moses ꞌukꞌu núyuzguz-i cha ꞌi gha Jesus buba ꞌalha ꞌootꞌeꞌ hooleꞌ ubúlhni.

Romans 1:1

Si Paul Jesus Christ be ꞌulhna-un, ꞌen ba za whelꞌaꞌ-un ꞌústꞌoh. Ndi khuni unzoo-i dune dósniꞌ huba, Yakꞌusda ꞌudun nésunilhti whe ꞌustꞌoh.

Ephesians 2:17

ꞋInkꞌez nohni ꞌaw Yakꞌusda ghu nuní lhnuszutne, ꞌinkꞌez mbene Yakꞌusda ghu nuní nuzutne cha, Jesus Christ whusainya ꞌinkꞌez ꞌenne tsꞌiyawh khuni unzoo-i be tsꞌihꞌun unꞌa lhtsꞌun ꞌuhootꞌeꞌ ha, ꞌet ubudániꞌ.