Mark 1:11 - Yak'usda Ooghuni

¹¹ ꞋEt ꞌuwhútni, “Nyun sYeꞌ inli. Tube nkꞌesiꞌ, ꞌinkꞌez tube nyulh hoonústꞌiꞌ.”

Mark 1:11 Iomraidhean Croise

Matthew 12:18

“Nulhꞌen Seꞌustle-un, ꞌutahásti-un ꞌuntꞌoh. Ookwꞌesiꞌ-un. ꞋEn ghun szul tube yóontꞌiꞌ. Syughi ookꞌé dutasdoh. ꞋEt ntsꞌenꞌa dahoontꞌoh dune ba nahisyilh, sYeꞌ whuz unꞌa za ꞌudun yun kꞌut whutꞌenne ubódutánelh.

Matthew 17:5

Peter yalhduk whe khuntsul kwꞌus be tidatꞌen-i bukꞌeinde. Kwꞌus toh tsꞌe khuntsul ꞌuwhutni, “Ndun sYeꞌ soo ookꞌesiꞌ-un ꞌuntꞌoh. ꞋEn bulh hóonustꞌiꞌ. ꞋEn oozúlhtsꞌai!”

Matthew 3:17

Khuntsul ndus de ꞌuwhutni, “Ndun ꞌ sYeꞌ ookꞌesiꞌ whé ꞌuntꞌoh, ꞌinkꞌez tube ꞌen bulh hoonústꞌiꞌ,” ni.

Mark 1:10

Soo Jesus tooz ha naja ibulh, ndo yakꞌuz dáhaꞌ dankez whutílhꞌen, ꞌinkꞌez Ndoni dutꞌai kꞌunꞌa ndus de Jesus ookꞌé diltsꞌut.

Mark 9:7

ꞋInkꞌez khuntsul kwꞌus bukꞌínde ꞌinkꞌez ndo kwꞌus toh tsꞌe yaztílhduk, “Ndun sichꞌoh sYeꞌ ꞌuntꞌoh, tube ookꞌesiꞌ, oozúlhtsꞌai,” whutni.

Luke 3:22

ꞌinkꞌez Ndoni dutꞌai, dove huyulhni, ꞌi kꞌunꞌa ndus de hátꞌoh ꞌinkꞌez yukꞌítoh. ꞋEt yakꞌuz khuni huduztsꞌai, ꞌi njan ndutni, “Nyun sYeꞌ ookꞌesiꞌ-un ꞌintꞌoh. Tube nyulh hoonústꞌiꞌ.”

Luke 9:35

Kwꞌus toh tsꞌe khuni huduztsꞌai, “Ndun sYeꞌ ookwꞌesiꞌ-un ꞌuntꞌoh. ꞋEn oozóolhtsꞌai,” ni.

John 1:34

ꞋEt whunisꞌen. Soo tsꞌihꞌun khuni be nohdúsni, ꞌalhaꞌ ndun ꞌen Yakꞌusda ooYeꞌ ꞌuntꞌoh,” ubúlhni.

John 3:16

Yakꞌusda ndi yun kꞌut dunene bukꞌensiꞌ kꞌet ꞌaw ꞌilhoghun duYeꞌ ꞌen bugha ínilhti. Mbene la ꞌen ghun ooba ꞌalhaꞌ yintꞌohne ꞌaw dalhótisa, ꞌilhiz wheni huhutinalh.

John 5:37

ꞋInkꞌez sBá, mbe la whuz de sútilhꞌaꞌ-un, ꞌen didutchꞌoh si sghun tsꞌihꞌun unꞌa whulhtsi. ꞋAw yalhduk whe lhduzúhtsꞌo, ꞌinkꞌez dantꞌóh-un unli ꞌaw lhuzihꞌen.

John 6:69

ꞌinkꞌez neba ꞌalhaꞌ ꞌintꞌoh. Tꞌétsꞌonínzun nyun Christ ꞌen ꞌintꞌoh. Yakꞌusda ꞌilhiz wheni khuna-un, ꞌen ooYeꞌ ꞌintꞌoh!” yúlhni.

Romans 1:4

Yakꞌusda cha unli. Yakꞌusda ye ulhtus-i gha dazsai ꞌinkꞌez dunadija. ꞋEt whe Ndoni whunénilhtan ꞌen Yakꞌusda ooYeꞌ ꞌúntꞌoh.

Colossians 1:13

NeBá ndi tsalhgus yo ulhtus-i tsꞌu ha náneanla, ꞌinkꞌez duYeꞌ yukꞌensiꞌ-un, ntsꞌe whulerwe unli-un, ꞌet nenáneninla.