Luke 9:60 - Yak'usda Ooghuni

⁶⁰ ꞋEt Jesus ꞌuyulhni, “Dudulh yaidlane didutchꞌoh ꞌanalhuhoolyelh. ꞋEt hoontsꞌi nyun nónyaꞌ ꞌinkꞌez Yakꞌusda lerwe unli-un ꞌet huwun budóniꞌ.”

Luke 9:60 Iomraidhean Croise

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 8:22

ꞋEt hoontsꞌi Jesus ꞌuyulhni, “Sunanyalh. Dudulh yaidlane didutchꞌoh ꞌanalhuhoolyelh.”

Luke 15:24

Syeꞌ dazsai inleꞌ ꞌinkꞌez ꞌandit nahítnaꞌ. Nintanusti inleꞌ, ꞌinkꞌez nasti.’ ꞋEt ꞌawet tsꞌiyanne hiyulh whúnilhni.

Luke 15:32

ꞋEt tsꞌihꞌun unꞌa ꞌuhoontꞌoh tsꞌonólhni ꞌinkꞌez tsꞌohótꞌeꞌ hubaꞌ hoontꞌoh. Nyulhutsin dazsai inleꞌ, ꞌen nakhitnaꞌ. Nintaltsꞌut inleꞌ, ꞌawet nasti.’”

1 Corinthians 9:16

ꞋAw wheꞌ duduztiꞌ iloh whe ndi khuni unzoo-i be nohbulh yasduk. Ndi khuni stlꞌa díltsꞌut-i ꞌantsꞌi ꞌoh whuya istꞌelh-un ꞌetsul oosdleh ꞌaitꞌoh. ꞋEt ndi khuni unzoo-i be yalhuzusduk de, dawhultsiꞌ-un ꞌet whuchꞌa ootasdoh!

Ephesians 2:1

ꞋInkꞌez nohni nintaꞌnahtꞌen ꞌinkꞌez nohlubeshi be dasáhtsai inleꞌ, ꞌet khahna nohulhtsi.

Ephesians 2:5

ꞋOh daꞌ nintaꞌtsꞌuntꞌen-un ꞌet whe yaidlane leꞌ tsꞌantꞌeꞌ. ꞋEt hoontsꞌi Christ ꞌen be Yakꞌusda tsꞌukhuna nesulhtsi. Ye unzoo-i, ꞌi be dahjih.

1 Timothy 5:6

ꞋEt hoontsꞌi tsandilhne, dichꞌoh dukꞌunꞌa za whe ndi yun kꞌut usda, nduntꞌohne hukhuna whe dahuzsai wheꞌ hintꞌoh.

2 Timothy 4:2

ꞋAhoolhyiz lhadíntꞌoh Yakꞌusda ooghuni bé bubulh yaílhduk. Whúbunilhtun ndet whe nintaꞌhutꞌih-un, ꞌinkꞌez tankꞌus ꞌuhutꞌen-un hukwa budíni, ꞌinkꞌez budzi do náꞌinleh. Howa whúlnaꞌ-un whulh sinyin, ꞌinkꞌez dune hodilhꞌeh.

2 Timothy 4:5

ꞋEt hoontsꞌi nyun tsꞌiyantsuk whunih-i be whuchꞌa soo cho khindli. Yakꞌusda be ꞌutꞌen kꞌoh whulukhun mba howa whulnaꞌ ꞌet hoontsꞌi nilhtꞌi za ꞌilhdzun. ꞋInkꞌez Yakꞌusda ooghuni be yailhduk whe dune ilhyís-un, ꞌet za ndóntꞌen. ꞋInkꞌez Yakꞌusda be ooba ꞌintꞌen-i, ꞌi tsꞌiyawh lhadónleh.

Revelation 3:1

“ꞋEt keyoh Sardis dune Yakꞌusda ba ꞌilhunaoodulhne bulizas, ꞌen ootsꞌó kꞌeinges. Njan ndudini: Mbe Yakꞌusda lhtakꞌantꞌi ndudeh-i ꞌinkꞌez lhtakꞌantꞌi sum cha nule-un, ꞌen ꞌutni: Nohꞌeꞌutꞌen kꞌoh tꞌeoonúszun. Tꞌeoonuszun nohooziꞌ hooni, khahna hutni, ꞌet hoontsꞌi yaidlane ꞌahli whe ꞌahtꞌoh.