Luke 9:56 - Yak'usda Ooghuni

⁵⁶ Yinka Dune Yeꞌ, dune huyeh khuna-i musai yutilhtselh ha iloh whusainya, ꞌubutilhyih ha whusainya.” ꞋInkꞌez ꞌudun keyoh whuyaz tsꞌe whe hándil.

Luke 9:56 Iomraidhean Croise

Matthew 18:10

“ꞋEt ndunne tsꞌoodunne khun buka lheꞌnuzoohzin junih! ꞋAlhaꞌ bulizas yakꞌuz hudilhtsꞌi, ꞌenne bughu hinli ꞌinkꞌez SBá yakꞌuz usda-un bulizas ꞌahoolhyiz hinalh neꞌutꞌen.

Matthew 18:11

ꞋEt huwa ninta ninkatne, Yinka Dune Yeꞌ ꞌubutilhyih ha, ꞌet huba whusainya.

Matthew 20:28

Whuz unꞌa za Yinka Dune Yeꞌ, ꞌaw ooba neꞌwhutitꞌen hukwa whusálhiyal. ꞋEt kꞌus dune buba neꞌutꞌen-un tileh ꞌinkꞌez buba datitsah, ꞌet whuz unꞌa lhane naootakulh. ꞋEt hukwa whusainya.”

Matthew 5:39

ꞋEt hoontsꞌi ꞌunohdusni, dune ntsiꞌ-un kꞌólꞌen junih. ꞋEt kꞌus mbe la nailhnih tsꞌe nohnizkuk de, ꞌintlꞌus tsꞌe ootsꞌun nándunontꞌah.

Luke 19:10

Ninta ninkatne, Yinka Dune Yeꞌ, ꞌen bukúniztai ꞌinkꞌez ꞌubutilhyih ha, ꞌet huba whusainya.”

Luke 22:51

ꞋInkꞌez Jesus ubúlhni, “Njan dutísnelh, ꞌet stlꞌa wháhꞌaih.” ꞋInkꞌez nyoon oodzo yutꞌaiznai ꞌinkꞌez soo naꞌyinla.

Luke 23:34

ꞋEt Jesus ꞌutni, “ꞋUBá buba whunaoodilnoh. ꞋAw dahútꞌen-un tꞌehonuszun, ꞌet huwa ꞌuhutꞌen.” Hina lhkꞌehuyilya ꞌinkꞌez higha ꞌaínlih.

Luke 9:55

ꞋEt butsꞌu nálhꞌa ꞌinkꞌez hukwaꞌ budaniꞌ, ꞌinkꞌez ꞌutni, “Daja nahzun tꞌewhunuzáhzun ꞌet huwaꞌ dahni!

Luke 9:57

ꞋEt ti hidulh whe ꞌilhoghun dune Jesus yughu ninya ꞌinkꞌez ꞌuyulhni, “SMoodihti ntsꞌe tínya tsꞌe tsꞌiyawh nyun tisyalh.”

John 10:10

ꞋUndunutꞌih-un, ꞌen ꞌuduntitꞌih ꞌinkꞌez dune tuzilhghelh ꞌinkꞌez nintaꞌeꞌtilhꞌelh ꞌet wheni za dayaih. ꞋEt si whusásya whe ꞌilhiz wheni huye khúna-i hutitꞌelh ꞌinkꞌez ndi ꞌilhiz huye khúna-i, ꞌi huyutꞌi de, ꞌaw hoonli huye ndunódzit ꞌaítꞌoh.

John 12:47

ꞋInkꞌez mbe la sghuni hiditsꞌo hoontsꞌi buba ꞌalhaꞌ lheꞌyítꞌoh de, ꞌaw buba nahoosyeh ꞌaítꞌoh. Ndi yun kꞌut whuduneꞌne buba nahutisyeh íloh ha whusásya, ubutisyih ha whusásya.

John 3:17

ꞋAw dune ba nahutiyeh wheni íloh Yakꞌusda duYeꞌ ndi yun kꞌuz yutilhꞌaꞌ. ꞋEn gha ndi yun kꞌut whutꞌenne tsꞌiyawh hudoojih, ꞌet wheni ndi yun kꞌuz yutilhꞌaꞌ.

Romans 12:21

ꞋUyoonne tankꞌus ꞌúhutꞌen ꞌi be nohchꞌaꞌ hoolhdeh junih kꞌus hoontsiꞌ-un ꞌutꞌen unzoo-i be whuchꞌaꞌ oolhdeh.

1 Timothy 1:15

Ndi khuni be nyulh yasduk-i, ꞌi ꞌalhaꞌ ꞌuntꞌoh ꞌinkꞌez ꞌi soo tsꞌiyawh ootꞌa ninintan, ꞌet ndutni: Christ Jesus ꞌen ndi yun kꞌuz nusiya lubeshi ꞌulhꞌenne bubutilhyih wheni, ꞌinkꞌez si ꞌukꞌenus dune unsiꞌ-un usdli inleꞌ.