Luke 9:51 - Yak'usda Ooghuni

⁵¹ ꞋEt ꞌawet Jesus ooba whusaóodanzut ndo yakꞌuz nátidalh-un huba, ꞌet ꞌawet Jerusalem whutsꞌu nalhꞌa ꞌinkꞌez whuz natidalh-un howun nanínuzut.

Luke 9:51 Iomraidhean Croise

Mark 16:19

ꞋEt hukwꞌelhꞌaz Jesus neMoodihti dune bubulh yálhduk ꞌetsul ꞌudíja whe, ꞌet yakꞌuz whenája ꞌinkꞌez Yakꞌusda ooghu naílhni tsꞌunkꞌus nátlꞌa didaꞌ.

Luke 12:50

ꞋEt hoontsꞌi be dune too be ꞌulꞌen-i be too beꞌ tiznelh hubaꞌ hoontꞌoh. ꞋEt lhaoodutanelh whutsꞌun ꞌet huwa tube tsꞌodi be tewhéndunilne.

Luke 13:22

ꞋEt hukwꞌelhꞌaz Jesus Jerusalem whuz tizya. ꞋInkꞌez keyoh whuti ꞌinkꞌez keyoh whuyaz dune toyalh ꞌinkꞌez hubodulhꞌeh.

Luke 17:11

ꞋEt ꞌuhooja Jesus Jerusalem tizya whe yun kꞌut Samaria ꞌinkꞌez Galilee whulheguz lhuseya.

Luke 18:31

ꞋEt ndunne whunizyane ꞌon ꞌat nane, ꞌudun nebuninla ꞌinkꞌez ꞌubulhni, “Soo zulhtsꞌai, Jerusalem tsꞌuztidulh ꞌinkꞌez Yinka Dune Yeꞌ, nus hooꞌenne, ꞌen ghun ꞌukꞌehuyanguz-i, ꞌi tsꞌiyawh lhawhudutatneh.

Luke 19:11

ꞋEt njan hidantsꞌo whe ꞌuyoo khuni be whútsꞌodulꞌeh-i be bubulh yawhénilhduk. Jerusalem whenghoh hidulh ꞌinkꞌez ꞌuhuninzun ndet Yakꞌusda whe lerwe unli-un, ꞌawet ꞌaho whe óodutaltsilh huninzun.

Luke 19:28

ꞋEt ndubúdaniꞌ-un hukwꞌelhꞌaz Jesus Jerusalem tsꞌe hutizdil whe butso tizya.

Luke 24:51

ꞋAwhuz Yakꞌusda yoodulhkut butsꞌun oozooꞌ ha, buchꞌa nasdzut ꞌinkꞌez ndo yakꞌuz whenálti.

Luke 9:57

ꞋEt ti hidulh whe ꞌilhoghun dune Jesus yughu ninya ꞌinkꞌez ꞌuyulhni, “SMoodihti ntsꞌe tínya tsꞌe tsꞌiyawh nyun tisyalh.”

John 13:1

Dzenis whuti ndet daꞌ Butus Lhuséya huwhútni-un, ꞌet whutsodaꞌ Jesus ꞌawet ootsꞌo whúdiltsꞌulh-un ba ꞌet newhúninzut tꞌéwhunínzun ndi yun kꞌut howu tiyalh ꞌinkꞌez duBá tsꞌun natidalh. Ndi yun kꞌut mbene la oochꞌeꞌne tsꞌiyawh bukꞌensiꞌ. Soo ooba ꞌudekꞌez tileh whutsꞌun bukꞌensiꞌ.

John 16:28

SBá ꞌen ootsꞌu hásya whe ndi yun kꞌut nenúsya. Doo cha ndi yun kꞌut whuchꞌa natisdalh ꞌinkꞌez sBá ꞌen ootsꞌu nátisdalh,” ubúlhni.

John 16:5

ꞋAndit mbe la whuz de sútilhꞌaꞌ-un, ꞌen ootsꞌun nátisdalh, ꞌet hoontsꞌi ꞌaw ꞌilhoghun nohtoh ntsꞌe tisyalh-un hukwa sulhooduzulhkut.

John 17:11

ꞋAw ꞌon ꞌun ndi yun kꞌut susda íloh ꞌinkꞌez ntsꞌun usyalh, ꞌet hoontsꞌi ndunne, ꞌenne ndi yun kꞌut ꞌuhintꞌoh. ꞋUbá, lubeshi ooghu hooloh ꞌintꞌoh, ꞌinkꞌez ndunne sghá buninlane, nyooziꞌ ꞌi be huboontun, ꞌi be la nyun si bulh ꞌilho ídli, whuz unꞌa la didut cha ꞌilho hooleꞌ.

John 6:62

ꞋInkꞌez Yinka Dune Yeꞌ ndo ntsꞌe la whutsodaꞌ usda tsꞌe, whuz nadalh nulhꞌen de, daja ntihzilh?

Acts 1:2

ꞌinkꞌez ndet dzin ndo yakꞌuz whenája ꞌet whutsꞌun. ꞋEt ndo yakꞌuz natiltelh whutso ndunne dune whelꞌaꞌne ubulhtsi, Ndoni gha buba núhizyeꞌ.

Acts 1:9

ꞋEt ndi yughu yatílhduk whe ꞌawet ndo yakꞌuz whenája. ꞋEt hinilhꞌen whuz za kwꞌus yo tsꞌe hooloh suliꞌ.

Ephesians 1:20

ꞋOh daꞌ Christ, ꞌen yaidlane toh dunadilhti. ꞋInkꞌez ndo yakꞌuz dughu nailhni tsꞌunkꞌus nátlꞌa idalhdaꞌ.

Philippians 3:14

Yakꞌusda Christ Jesus ndo negha whútaꞌalh-un, ꞌet whutsꞌun za hukwaꞌ ꞌustꞌen.

1 Timothy 3:16

ꞋInkꞌez ꞌaw huwun lhdulhyoh lheꞌtsꞌudusnih whe Yakꞌusda ba ndi yun kꞌut uzdoltsꞌiꞌ ha, ꞌet hooncha wheꞌ hoontꞌoh. ꞋEt Yakꞌusda dichꞌoh dune suliꞌ ꞌet whe whubunilhtan. Ndoni tsꞌihꞌun ꞌuntꞌoh unli yulhni. Lizasne huyanꞌen. ꞋUdun yun kꞌut whutꞌenne, ꞌen ghun whulh ꞌuhudantsꞌo. Ndi yun kꞌut whutꞌenne, ooghun ooba ꞌalhaꞌ yintꞌoh suliꞌ, ꞌinkꞌez yakꞌuz tsꞌe huhoontꞌiꞌ whe danahinilhti.

Hebrews 12:2

Netso tsꞌe Jesus Christ uznoolhꞌen. ꞋAw ꞌen za neba bé ꞌalha ꞌuhoontꞌoh-un dantꞌoh la, ꞌen tsꞌihꞌun unꞌa whunénulhtun-un ꞌuntꞌoh. ꞋInkꞌez ndi yun kꞌut usda-un, ꞌet ye khuna-i, ꞌen dúwhulcho whe neba ꞌalha ꞌuhoontꞌoh-i neba lhaoodulhꞌih-un ꞌuntꞌoh. Nus de ye whúntalhni-i, ootsꞌu yíkulh, ꞌet huwa tulalhgus yulh ínyin inleꞌ. Yugha yooya suliꞌ-i ooba ꞌantsꞌi ꞌuhoontꞌoh inleꞌ. ꞋInkꞌez Yakꞌusda ookwꞌutsꞌuzda cho diztiꞌ-i, ꞌet naílhni tsꞌe huwun nátlꞌa didaꞌ.

Hebrews 6:20

ꞋEt Jesus Christ ꞌudaꞌ ꞌuja netso nusiya-un, ꞌen whuz danínya. Melchizedek ꞌen kꞌunꞌa ꞌilhiz wheni lubret ꞌukꞌenus diztiꞌ-un suliꞌ.

1 Peter 3:22

Yakꞌuz whe naja ꞌinkꞌez ꞌandit Yakꞌusda yughu nailhni tsꞌe usda. ꞋInkꞌez ndunne lizasne, ꞌudedone, ꞌenne ꞌonghohne hiye óolhtus ha, ꞌenne cha, ꞌinkꞌez ndunne hiye ulhtus-i ꞌutꞌine, ꞌenne tsꞌiyawh Jesus Christ hikꞌuneꞌ ootꞌen hubaꞌ ꞌubínla.