Luke 9:45 - Yak'usda Ooghuni

⁴⁵ ꞋEt hoontsꞌi daja ni-un ꞌaw tsꞌihꞌun tꞌelhehonízil. ꞋAw buba tsꞌet ha lhúhooltsꞌulh. Daja ni, ꞌaw tsꞌihꞌun nelhúhuhooꞌal. ꞋInkꞌez whe húnuljut, ꞌaw hukwa huyoodolhkut ꞌaitꞌoh.

Luke 9:45 Iomraidhean Croise

Matthew 16:22

ꞋEt Peter Jesus ꞌudun neínilhti ꞌinkꞌez hukwaꞌ yudániꞌ, “SMoodihti nyun Yakꞌusda ngha teꞌuntazeh! ꞋAw nyulh ꞌet ndúhoneh ꞌaitꞌoh!”

Matthew 17:22

ꞋEt ꞌawet Jesus ꞌinkꞌez yugha hodulꞌehne, Galilee yun kꞌut hudilhtsꞌi whe ndúbulhni, “ꞋAwet nilhdukw Yinka Dune Yeꞌ, ꞌuyoonne dune tlꞌa hítilhtelh.

Mark 9:10

Hikꞌunꞌa ꞌuhuja ꞌinkꞌez dichꞌoh ꞌalhgoh howu yawhehúnilhduk, “Khuni ‘Dazsai ꞌinkꞌez dunadutádalh?’ dini whe ꞌutni?” hutni.

Mark 9:32

ꞋAw daja ni whe ꞌutni tꞌehonuszun ꞌinkꞌez huyé nuljut ꞌaw huyoodolhkut ꞌaítꞌoh.

Luke 18:34

ꞋEt hoontsꞌi njan ubúlhni-un, ꞌaw bubeni tálhodulhtsꞌit. Daja ni-un buchꞌa whuntistꞌi. ꞋAw daja ni whe ꞌutni-un, ꞌaw tꞌehonúszun.

Luke 2:50

ꞋEt daja ni whe ꞌutni, ꞌaw tꞌehonúszun.

Luke 9:46

ꞋInkꞌez dichꞌoh dutoh lhdulhyoh ꞌahudutni mbe ꞌukꞌenus uncha-un tileh.

John 12:16

ꞋUdechoo whe Jesus yugha hodulꞌehne ꞌaw dudeni be tꞌéhonúszun nduwhi ꞌi ghun. ꞋEt yakꞌuz ooba whudáltiꞌ tsꞌe, whenája hukwꞌelhꞌaz ꞌet whunahilni nduwhi ooghun ꞌukꞌunéꞌ ꞌusguz-i ꞌet ndutni ꞌinkꞌez whe didut ꞌoh te neꞌhuyulꞌen.

John 12:34

ꞋEt ꞌilhunaoosdílne ꞌuhuyulhni, “Moses ꞌukꞌunéyuzguz inleꞌ-i, ꞌi gha whulh ꞌúzditsꞌo ndun Christ ꞌen ꞌilhiz hutinalh. ꞋInkꞌez dálhtiꞌ ꞌudini ꞌet Yinka Dune Yeꞌ, ꞌen whe beꞌ dutáltsiꞌ dini? Mbe whe ꞌuntꞌoh ndun Yinka Dune Yeꞌ?” hutni.

John 14:5

ꞋEt Thomas yoodulhkut whe ꞌuyúlhni, “Moodihti, ntsꞌe tanyalh ꞌaw tꞌetsꞌonúszun, ꞌinkꞌez ntsꞌenꞌa whuz ti tꞌétsꞌontázin?”

John 4:33

ꞋEt yugha hodulꞌehne dichꞌoh ꞌúlhodutni, “ꞋUyoon toleh yutiꞌulh-i yuba whusaínla?”