Luke 9:43 - Yak'usda Ooghuni

⁴³ ꞋInkꞌez Yakꞌusda daltus la ꞌet huwa tsꞌiyanne buba hooncha. ꞋInkꞌez Jesus ntsꞌoh te la neꞌustꞌen-un buba hooncha. ꞋInkꞌez yugha hodulꞌehne ꞌet ꞌúbulhni,

Luke 9:43 Iomraidhean Croise

Matthew 17:22

ꞋEt ꞌawet Jesus ꞌinkꞌez yugha hodulꞌehne, Galilee yun kꞌut hudilhtsꞌi whe ndúbulhni, “ꞋAwet nilhdukw Yinka Dune Yeꞌ, ꞌuyoonne dune tlꞌa hítilhtelh.

Mark 6:51

ꞋEt tsꞌi bet bughu dénya. ꞋEt ꞌawet ooztsꞌi ꞌinkꞌez yugha hodulꞌehne tube buba hooncha.

Luke 18:43

ꞋEt ꞌaho hooꞌen sulih, ꞌinkꞌez Jesus yuntizya ꞌinkꞌez Yakꞌusda dilhtiꞌ. ꞋEt tsꞌiyanne whunalhꞌenne cha tsꞌiyawh Yakꞌusda hudálhtiꞌ.

Luke 4:36

Tsꞌiyawh buba hooncha ꞌinkꞌez whe húnilhjoot ꞌinkꞌez ꞌulhodutni, “Ndi khuni ndai whe ꞌuntꞌoh? Ulhtus ꞌinkꞌez ookwꞌuneꞌ whutꞌen. Ndun ntsiꞌ-i nududeh-i, ꞌet ndúyulhni ibulh yutsꞌu ha nadide.”

Luke 5:26

ꞋEt tsꞌiyanne buba hooncha. Yakꞌusda hidálhtiꞌ. Tube whe hunuljut, “Tube huwa ꞌitꞌen-un tsꞌonalhꞌen,” hutni.

Luke 5:9

Peter ꞌinkꞌez yulh ꞌutꞌenne tsꞌiyawh buba hooncha lho lheltsuk whe huyuzdlooh ꞌet huwa.

Luke 8:25

ꞋEt “Nohba ꞌalhaꞌ ꞌustꞌoh-un, dáhooja?” ubúlhni. Tsꞌiyawh whe hunilhjoot ꞌinkꞌez buba hooncha. ꞋEt ꞌulhodutni, “Ndun dune, ꞌen mbe whe ꞌuntꞌoh? Nilhtsꞌi ꞌinkꞌez tatsi ꞌi hoontsꞌi ndahneh yulhni te yukꞌuneꞌ ꞌutꞌen.”

Luke 9:42

ꞋEt ꞌawhuz Jesus tsꞌu yilhtelh whe ntsiꞌ-i nududeh-i nayáno ꞌinkꞌez yukaootilhzut. ꞋEt Jesus ntsiꞌ-i nududeh-i khuniti be hukwaꞌ yudániꞌ, ꞌinkꞌez tsꞌoodun soo naꞌninla ꞌinkꞌez oobá tlꞌa náyalhti.

2 Peter 1:16

ꞋEt neMoodihti Jesus Christ, ꞌen ye ulhtus-i ꞌinkꞌez whusanatidalh-un cha, ꞌet whunohuznilhtan. Ndunne tube whunistꞌi be yalhdukne, ꞌenne ꞌet whuz unꞌa whulohne tsꞌihꞌun unꞌa khuni lheꞌitꞌoh-i ꞌuhulhꞌen. ꞋEnne bukꞌunꞌa iloh wheni whunoh uznulhtun. ꞋEt kꞌus ꞌoh daꞌ whenichꞌoh ꞌet nena be hooncha whe ootsꞌu ha yanduz-un, ꞌet cha tsꞌonalhꞌen.