Luke 9:41 - Yak'usda Ooghuni

⁴¹ ꞋEt Jesus ꞌutni, “Nohni ꞌandit whudizulhne ꞌaw nohba ꞌalhaꞌ lheꞌhootꞌoh ꞌinkꞌez tankꞌus neꞌahtꞌen. Dawhuldzoh nohtoh ꞌutistꞌelh ꞌinkꞌez nohbulh óosyin? Nyeꞌ stsꞌílhtelh!”

Luke 9:41 Iomraidhean Croise

Matthew 11:28

Nohni tsꞌiyawh mbe ꞌutꞌen ulhtus-i ꞌulhꞌenne ꞌinkꞌez mbe ndaz-i nulene leꞌ ꞌahtꞌoh, diz ꞌahdulh ꞌinkꞌez natilhyis-un nohgha óotasꞌalh.

Matthew 12:39

ꞋEt ꞌubulhni, “ꞋAndit whudizulhne dune hintsiꞌ, ꞌinkꞌez ꞌahoolhyiz dune tsꞌeke bulh nintaꞌhutꞌih. Hoonli hooncha tuneꞌ whutꞌen-un, ꞌet za hukwaꞌ hitisꞌen. ꞋEt hoontsꞌi huhooꞌen-un bughá holtsꞌit ꞌaitꞌoh. Nus hooꞌen-un Jonah bulh dahooja-un, ꞌet za huwhutiꞌelh.

Matthew 12:45

ꞋEt ꞌutsꞌun whedande ꞌinkꞌez lhtakꞌantꞌine ntsiꞌ-i nududeh-i, ꞌenne yanus ꞌultsiꞌne, dune hiyéndil ꞌinkꞌez ꞌet nehunina. ꞋEt ndun dune hiyudaltsꞌiꞌ-un, whutsodaꞌ whanus ꞌultsiꞌ suliꞌ. Nohni ꞌandit ndo whuya whudizulhne, tube untsiꞌne ꞌahtꞌoh. ꞋEt whuz unꞌa nohba ꞌuwhutánelh!”

Matthew 16:4

ꞋAndit yinka dilhtsꞌi lubeshi tsꞌu nintꞌine ꞌuhintꞌoh. ꞋAhoolhyiz dune tsꞌeke bulh nintaꞌhutitꞌelh-un, whutsꞌó nintꞌi. Hooncha huwa ꞌítꞌen-un whuntilhꞌelh hukwaꞌ hitisꞌen. ꞋEt hoontsꞌi ꞌaw hoohꞌen-un nohghá holtsꞌit ꞌaitꞌoh. Jonah bulh dáhooja inleꞌ la, ꞌet za whutihꞌelh wheꞌ hoontꞌoh!” ubúlhni, ꞌinkꞌez bughu whenája.

Matthew 17:17

ꞋEt Jesus ꞌuyulhni, “Nohni ꞌandit whudizulhne, nohni ꞌaw be ꞌalha ꞌuhoontꞌoh-i lhahtꞌih, ꞌinkꞌez tankꞌus zaꞌ ꞌihtꞌelh. Dawhuldzoh nohtoh tisdalh? ꞋInkꞌez dawhuldzoh nohba ndutistꞌelh? Deꞌ, nyeꞌ sghu nilhtih!”

Matthew 23:36

Tsꞌihꞌun unꞌa nohdusni ꞌandit whudilhdzulhne, nohni hukwꞌelha whutilhtselh whe ꞌahtꞌoh.”

Matthew 3:7

ꞋEt hoontsꞌi lhane Phariseene ꞌinkꞌez Sadduceene cha, too beꞌ hutilnelh ha highu nindil. Hubunilhꞌen ꞌinkꞌez ndúbulhni, “Nohni lubezo tlꞌughus buzkehke leꞌ ꞌáhtꞌoh! Yakꞌusda lubeshi ꞌulhꞌenne bubulh huntalchꞌoh-un, ꞌet whuz de hóoltsꞌulh, mbe ꞌunohulhni whuchꞌa úlhwus?

Mark 10:14

ꞋEt Jesus whunalhꞌen whe whutsꞌu dutni ꞌinkꞌez yugha hodulꞌehne ubúlhni, “Whute tsꞌoodunne stsꞌó toodilh. Khun te dah budóhniꞌ junih. Yakꞌusda whe lerwe unli-un whuz dilhtsꞌine, tsꞌoodunneyaz duhúltꞌoh wheꞌ hintꞌoh.

Mark 10:49

Jesus lhgha nenínya ꞌinkꞌez, “ꞋAnih dúhni,” ubúlhni. ꞋEt dune hoos̱ꞌen-un hika huyih, “Hooníntꞌiꞌ ꞌinkꞌez dudinyaih, ꞌanih nyúlhni,” huyúlhni.

Mark 9:19

ꞋInkꞌez Jesus uyúlhni, “ꞋAw nohni dune nohba ꞌalhaꞌ hotꞌeꞌ ꞌaítꞌoh! Dáwhuldzoh nohzih tisdalh? Dawhuldzoh nohtoh tisdalh sudutáhtsꞌo whutsꞌun ꞌinkꞌez nohba ꞌalhaꞌ tistꞌelh? Tsꞌoodun ndiz stsꞌun túlhtih!” ubúlhni.

Luke 8:25

ꞋEt “Nohba ꞌalhaꞌ ꞌustꞌoh-un, dáhooja?” ubúlhni. Tsꞌiyawh whe hunilhjoot ꞌinkꞌez buba hooncha. ꞋEt ꞌulhodutni, “Ndun dune, ꞌen mbe whe ꞌuntꞌoh? Nilhtsꞌi ꞌinkꞌez tatsi ꞌi hoontsꞌi ndahneh yulhni te yukꞌuneꞌ ꞌutꞌen.”

Luke 9:40

ꞋInka nye hódilꞌeꞌne butsꞌu tédusdli hitsꞌu ha náhidoolhdeh ha ꞌet hoontsꞌi ꞌaw ꞌuhooneh ꞌaitꞌoh.”

Luke 9:42

ꞋEt ꞌawhuz Jesus tsꞌu yilhtelh whe ntsiꞌ-i nududeh-i nayáno ꞌinkꞌez yukaootilhzut. ꞋEt Jesus ntsiꞌ-i nududeh-i khuniti be hukwaꞌ yudániꞌ, ꞌinkꞌez tsꞌoodun soo naꞌninla ꞌinkꞌez oobá tlꞌa náyalhti.

John 14:9

ꞋEt Jesus ꞌuyulhni, “Philip, lheꞌwhuldzoh nohbulh ꞌústꞌen, ꞌet ꞌawhuz eh tꞌésunuzínzun? Mbe la sanꞌen-un, ꞌen sBá cha hiyanꞌen. ꞋInkꞌez di ha, ‘MBá bunenilhtun,’ díni?

John 20:27

ꞋEt Thomas ꞌulhni, “Sla nilhꞌen ꞌinkꞌez nlasga be ska kꞌet nudilga ꞌinkꞌez nla be szih kꞌut cha nudílnih. ꞋOn ꞌat si sghun whutsꞌoodóntlaiꞌ junih. Mba ꞌalhaꞌ ꞌuhotꞌeꞌ,” yúlhni.

Acts 13:18

ꞋInkꞌez dune lhuhootꞌih tsꞌe ꞌet dit whunizyat yus kꞌut whutoh ꞌet hichꞌa neꞌutꞌen, ꞌet hoontsꞌi kꞌúneꞌ bulhꞌen whe inleꞌ.

Acts 2:40

ꞋEt Peter saꞌ whe bubulh yálhduk ꞌinkꞌez buba nus whúnilhtꞌi ꞌinkꞌez ubúlhni, “ꞋUdudúlhyis! Ndunne ntsiꞌne buchꞌaz nálhꞌah, ꞌinkꞌez bubulh ꞌahtꞌen iloh, Yakꞌusda dzoh nubutilhdeh wheꞌ hoontꞌoh.”

Romans 2:4

Khun tilah, Yakꞌusda lheꞌwhuldzoh ntsꞌun únzoo ꞌinkꞌez ꞌaw nyulhónulhchꞌe. ꞋEt ꞌantsꞌi eh mbaꞌ hoontꞌoh? ꞋAwhuz eh tꞌewhunuzínzun Yakꞌusda ntsꞌun únzoo-i, ꞌi be nyeni nahandunonꞌah hubaꞌ hoontꞌoh?

Hebrews 3:19

ꞋEt huwa whutsꞌodilꞌeꞌ, ndunne mbene la ooba ꞌalhaꞌ lheꞌhóotꞌoh, ꞌet huwa ndet la Yakꞌusda butsꞌu hoozi-un, ꞌaw dahóoyaꞌ ꞌaitꞌoh.

Hebrews 4:11

ꞋEt huwa Yakꞌusda ooduneꞌne nahulyis-un, nedzi ndulcho ꞌi be whuz unꞌa tsꞌuhólhchoot. ꞋEt ꞌaw ndúlhtsꞌustꞌen de, ꞌet de ndunne ꞌukꞌu nulheꞌustꞌenne whuz unꞌa wheni cha ꞌenne bukꞌunꞌa za nintaꞌtsꞌotaꞌalh wheꞌ hoontꞌoh.

Hebrews 4:2

ꞋAlhaꞌ ꞌenne bukꞌunꞌa wheni cha ndi khuni unzoo-i be nebulh yaínduk. ꞋEt hoontsꞌi ndi khuni be bubulh yaínduk-i, ꞌaw lhuhiditsꞌil, ꞌaw buba ꞌalhaꞌ lheꞌhóonel ꞌet huwa. ꞋEt huwa ꞌaw bubeni tálheidikulh. ꞋEt huwa ꞌaw bula lhewhudínel.

Hebrews 7:25

ꞋEn ꞌilhiz wheni khuna ꞌinkꞌez neba tenadudli, ꞌet huwa nawh lheꞌhóotꞌoh tsꞌiyanne, ꞌen be Yakꞌusda hiyenghoh hutitꞌelh, tsꞌiyawh ꞌenne buba ye ulhtus-i ꞌutꞌi whe ꞌilhiz wheni ubutilhyis ha.