Luke 9:39 - Yak'usda Ooghuni

³⁹ ꞋEt khuntsul ntsiꞌ-i nududeh-i yilhchuk ibulh hazulh, ookaootuzuk, ꞌinkꞌez huwus oozá ha núldoh. ꞋInkꞌez tube howa whúlna whe ye yáhanadudoh. ꞋEt huwa ooka hootsulh.

Luke 9:39 Iomraidhean Croise

Mark 9:18

ꞋEt ndet la ntsiꞌ-i ooyédinda ooba hoolhtus de, ꞌet yun nadúldus, huwus ooza ha núldoh, dughoo lhúdukꞌus, ꞌinkꞌez lhtsꞌedunukw. Ngha hodulꞌehne ntsiꞌ-i nudúdeh-i hiyáhanahinooyoot, ꞌubudúsni ꞌet hoontsꞌi ꞌaw ꞌuhuyooleh ꞌaítꞌoh.”

Mark 9:20

ꞋInka highu hinílhti. ꞋEt ntsiꞌ-i nududeh-i yuyudínda-un Jesus yutilhꞌen ibulh, ꞌahoh tsꞌoodun ookaootizut ꞌinkꞌez nadílduz, ꞌinkꞌez huwus ooza ha nuldoh whe núkallhoh.

Mark 9:26

ꞋEt ntsiꞌ-i nudúdeh-i ndun tsꞌoodun yuka ootilhdzut, ꞌinkꞌez tube cho yudalhtlut, ꞌalhdzul, ꞌinkꞌez yuyáhanadide. Tsꞌoodun ꞌantsꞌi dazsai ꞌet ndúja. ꞋEt huwa lhane, “Dazsai whe ꞌuntꞌoh,” hutni.

Luke 4:35

ꞋEt Jesus hukwaꞌ yudániꞌ whe ꞌuyulhni, “Tꞌeduzinih whe ooyáhanaindaih!” Ntsiꞌ-i nududeh-i dune butoh nayáno ꞌinkꞌez yutsꞌu ha naja. ꞋInkꞌez ꞌaw lhuyundílhdal.

Luke 8:29

ꞋEt ꞌudaꞌ ntsiꞌ-i ndudeh-i khuniti be ꞌubulhni ndun dune ye yáhanadoodeh ha. ꞋOh daꞌ lhuztih tlꞌool be huyulhghel oola ꞌinkꞌez ookechun cha, ꞌet whuz unꞌa highunli inleꞌ. ꞋEt hoontsꞌi lhat whe ntsiꞌ-i ndudeh-i yilhchuk whe lhuztih tlꞌool tániduchꞌas ꞌinkꞌez ntsiꞌ-i nududeh-i, ꞌen dune lhuhootꞌih tsꞌe whuz whénanyoot.

Luke 9:38

ꞋIlhoghun dune ꞌilhozdilne butoh Jesus ꞌúltus-un yutsꞌu háyih whe njan ndúyulhni, “Hodulhꞌeh-un ntsꞌu tédusdlih syeꞌ nilhꞌen. ꞋEn ꞌaw ꞌilhoghun syaz ꞌuntꞌoh.

Luke 9:40

ꞋInka nye hódilꞌeꞌne butsꞌu tédusdli hitsꞌu ha náhidoolhdeh ha ꞌet hoontsꞌi ꞌaw ꞌuhooneh ꞌaitꞌoh.”

John 8:44

Netsudule ꞌen nohbá ꞌuntꞌoh. Ndet la ꞌen hukwaꞌ ninzun, ꞌoh te za neꞌóohtꞌen hukwaꞌ nahzun. Soo ꞌudechoo daꞌ whutsꞌun dune ughan-un unli. ꞋAw tsꞌihꞌun ꞌuhoontꞌoh-un hukwa lheꞌnizun, ꞌet huwa ꞌaw ndi khuni ꞌalhaꞌ ꞌuntꞌoh-i ooghu whéyooloh. Ntsꞌoh tula neꞌduniꞌ-un tankꞌus unꞌa za yalhduk, dichꞌoh dukꞌunꞌa ꞌutni ꞌet huwa. Whutsꞌit-un unli, ꞌinkꞌez whutsꞌit-i, ꞌen za ootsꞌu haídukat.

1 Peter 5:8

Duba whahtnih ꞌinkꞌez soo cho huwahli! Netsudule, nohchꞌaz ditni-un, ndi khuna-iti, lion tsꞌutni, ꞌi kꞌunꞌa nohtunudúlgho. Nintaꞌ butalhꞌelhne, ꞌenne bukunúta.

Revelation 9:11

ꞋInkꞌez tsa kꞌet whucho whutlꞌah hooloh-un whulizas ꞌen bulerwe unli. ꞋEn Hebrew bukꞌunꞌa Abaddon huyulhni, ꞌinkꞌez Greek bukꞌunꞌa Apollyon be húyoozi.