Luke 9:33 - Yak'usda Ooghuni

³³ ꞋEt hukwꞌelhꞌaz highu natisiꞌ whe Peter Jesus ꞌuyulhni, “Nemoodih neba hoonzoo njan uzdilhtsꞌi. Tat-un whutꞌah ꞌutsꞌoohooleh. ꞋIlhoghun nyun mba, ꞌilhoghun Moses ba, ꞌinkꞌez ꞌilhoghun Elijah ba.” Peter daja daniꞌ ꞌaw tꞌeoonuszun.

Luke 9:33 Iomraidhean Croise

Matthew 17:14

ꞋAwet ꞌilhozdilne butanahundil whe ꞌilhoghun dune yughu ninya ꞌinkꞌez yubut dugwutsi be nenínya. ꞋInkꞌez ꞌutni,

Matthew 17:4

Peter Jesus yulhni, “NeMoodihti njan uzdilhtsꞌi-un hoonzoo. Hukwaꞌ ninzun de, tat-un whutꞌah ꞌutsꞌotilelh. ꞋIlhoghun nyun mba, ꞌilhoghun Moses ba, ꞌinkꞌez ꞌilhoghun Elijah ba.”

Mark 10:38

ꞋEt Jesus ubúlhni, “Stsꞌu hukwaꞌ dahni ꞌaw tꞌéoonuzúhzun. Lubot be tísnelh-i soo tilah oohtnaiꞌ ꞌinkꞌez be too béꞌ uzya soo tilah too beꞌ óolhneh?”

Luke 5:5

Simon nduyulhni, “Smoodih wheni ꞌulhdzis ndoohoolyiz whe ꞌutsꞌitꞌen ꞌet hoontsꞌi ꞌaw hoonliyaz lhetsꞌilooh. Dini de lhembilh ꞌilho tenaoosdlelh la.”

Luke 9:34

Yalhduk whe kwꞌus bukꞌeinde. ꞋEt kwꞌus bunasutꞌi whe hunilhjoot.

Luke 9:49

ꞋEt John ꞌuyulhni, “NeMoodihti ꞌilhoghun dune nyooziꞌ be ntsiꞌ-i nududeh-i dune butsꞌu ha naídulhdoh, ꞌet tsꞌuhonꞌen. ꞋAw nebulh ꞌilhoghun lhiloh, ꞌet huwa ꞌet ndutꞌen-un whuchꞌaz níyoot.”

John 14:8

ꞋEt Philip ꞌuyulhni, “Moodihti, mBá bunenilhtun ꞌinkꞌez uznoolhꞌen, ꞌet ꞌawet neba soo hoontꞌoh.”

2 Corinthians 4:6

ꞋEt Yakꞌusda tsahólhgus be hootꞌen-i yukaꞌ daniꞌ ibulh hootꞌen suliꞌ. ꞋEt Yakꞌusda yé diztiꞌ-i ghun tꞌezninzun-i, ꞌi neba be hóotꞌen-i whe ꞌuntꞌoh. ꞋEt ꞌi nedzi bé dindi. ꞋInkꞌez ndi yé diztiꞌ-i, ꞌi Jesus Christ oonin ootsꞌu ha yánduz whe ꞌuntꞌoh.