Luke 9:31 - Yak'usda Ooghuni

³¹ Bubusaoolkalh ꞌinkꞌez bube hóodatꞌen. Jerusalem tsꞌe datinelh whe datítsah-un lhaóodutileh, ꞌet huwun huwu yáhalhduk.

Luke 9:31 Iomraidhean Croise

Luke 9:22

ꞋInkꞌez ꞌubulhni, “Yinka Dune Yeꞌ lhat-un whé dzoh nutizut oobaꞌ hoontꞌoh. ꞋInkꞌez ꞌutso whudilhdzulhne cha, ꞌudedo lubretne cha, ꞌinkꞌez Moses be ꞌudustlꞌus ꞌukꞌu nunáguzne cha, tsꞌiyawh hichꞌaz dútatni ꞌinkꞌez hituzilhghelh. ꞋInkꞌez whulh tat dzin dunadutádalh.”

Luke 9:30

Khuntsul nane dune hiyulh yálhduk. ꞋIlhoghun Moses ꞌinkꞌez ꞌilhoghun Elijah.

John 1:29

ꞋOm bun dzin Jesus yutsꞌun uyalh whe John yutilhꞌen, ꞌinkꞌez ꞌutni, “Nulhꞌen, Yakꞌusda be ꞌusbaiyaz. ꞋEn ꞌutꞌen yinka duneꞌne bulubeshi butsꞌu ha yule, ubúlhni.

2 Corinthians 3:18

ꞋEt wheni tsꞌiyawh nenin ootsꞌoh lheꞌibal whe be naꞌuzdunulꞌen ꞌi be tsꞌonilhꞌen, ꞌet whuz unꞌa neMoodihti yé diztiꞌ-i, ꞌahoolhyiz uznilhꞌen. ꞋInkꞌez ndi ꞌukꞌeguz-i uznilhꞌen-i, ꞌet ꞌi kꞌunꞌa ꞌutsꞌuja. NeMoodihti yé diztiꞌ-i, ꞌi ꞌon nus yé diztiꞌ-i kꞌunꞌa ꞌutsꞌintꞌoh. Dzin totsuk nusyaz za lhéꞌtsꞌitꞌelh. ꞋInkꞌez neMoodihti ooyughi, ꞌen gha whuz unꞌa ꞌuhóoja.

Philippians 3:21

ꞋInkꞌez neyustꞌe telꞌen-i, ꞌi duyustꞌe diztiꞌ-i kꞌunꞌa ꞌuntꞌoh yutilhtselh. Ye ulhtus-i, ꞌi be tsꞌiyantsuk ookꞌuneꞌ whutꞌen, ꞌi be ꞌuyoo yustꞌe neba itilhtselh.

Colossians 3:4

Christ ꞌen be tsꞌúkhuna-i ꞌuntꞌoh. ꞋIlhudzin be hoodutaltsilh ꞌet ꞌoh de nohni cha ye diztiꞌ-i, ꞌi be ꞌen bulh whuz unꞌa ꞌutihnelh.

Hebrews 11:22

ꞋInkꞌez be ꞌalha ꞌuhoontꞌoh-i, ꞌi be Joseph ꞌawet ooyiz la toh whéninleꞌ whe Israel whuduneꞌne Egypt yun kꞌut whuchꞌa nahutidulh whe huwun bubulh yaílhduk. ꞋInkꞌez ootsꞌun cha dahítilelh, ꞌet ubudániꞌ.

1 Peter 5:10

ꞋEt Yakꞌusda, ye unzoo-i, ꞌi tsꞌiyawh yulh ꞌúntꞌoh, ꞌi gha Christ Jesus neba daja la-un, ꞌet huwa ꞌuzdutijih ha nekaꞌ daniꞌ. ꞋEt huwa ꞌilhiz wheni yakꞌuz whudiztiꞌ tsꞌe uzdutaltsꞌilh. ꞋEt hoontsꞌi ꞌatsulyaz dzoh nutihdoh. ꞋEt hukwꞌelhꞌaz dichꞌoh soo cho lhanóhdutileh. Ulhtus nóhtilhtselh ꞌinkꞌez yoh ookꞌu whuzꞌai-i kꞌunꞌa ꞌaw nahóohtnah ꞌaitꞌoh nohtilhtselh.

2 Peter 1:15

ꞋInka ꞌon ꞌun oosneh ꞌaitꞌoh-un ꞌet hukwa ꞌustꞌen, ꞌet dustꞌen-un ꞌet huwa dasúsai hukwꞌelhꞌaz njan hodilhꞌeꞌ-un tsꞌiyawh la whunaoolhnih.

Revelation 7:14

ꞋEt ꞌudúsni, “SMoodih nyun tꞌeoonínzun.” ꞋEt ꞌusúlhni, “ꞋOh de soo ꞌukꞌenus dune dzoh nuhutidoh, whutoh tehudulya. ꞋInkꞌez ꞌusbaiyaz buzkaiꞌ be dunaih tunáhuyuzguz ꞌinkꞌez ꞌulhyul suliꞌ.