Luke 9:30 - Yak'usda Ooghuni

³⁰ Khuntsul nane dune hiyulh yálhduk. ꞋIlhoghun Moses ꞌinkꞌez ꞌilhoghun Elijah.

Luke 9:30 Iomraidhean Croise

Luke 1:17

Nus hooꞌen-un Elijah huyulhni, whuz unꞌa Ndoni ye ulhtus-i be neMoodihti yutso tiyalh. Lhane tsꞌoodunne bubáke budzi butsꞌun tizooꞌ nabutilhtselh. Mbene la ꞌukꞌu nulheꞌustꞌenne, lhane tsꞌihꞌun ꞌuntꞌohne ye whunih-i hitálhchulh. ꞋInkꞌez dune, ꞌenne lhane neMoodihti butsꞌu tiyalh-un, ꞌet wheni lhábudutileh,” lizas ꞌuyulhni.

Luke 24:27

ꞋInkꞌez Moses be ꞌudustlꞌus ꞌukꞌu nunáguz-un ꞌinkꞌez nus hooꞌenne bubeꞌ ꞌudustlꞌus cha, ndai ꞌukꞌu nuhúyuzgus ꞌen ghun, ꞌi tsꞌiyawh Yakꞌusda ooghuni yúbunilhtan.

Luke 24:44

ꞋInkꞌez ꞌubulhni, “ꞋAwhuz nohbulh ꞌústꞌoh daꞌ ndi khuni ꞌi daꞌ be nohbulh yasduk-i, tsꞌiyawh lhaoodoneh Moses be ꞌudustlꞌus kꞌunusguz-i, ꞌinkꞌez nus hooꞌenne, ꞌinkꞌez Yakꞌusda ooghuni Shun eꞌdustlꞌus kꞌut cha si sghun ꞌukꞌu nusguz.”

Luke 9:19

ꞋInkꞌez ꞌuhuyulhni, “John dune too be ꞌulhꞌen-un ꞌintꞌoh hutni. ꞋEt ꞌonghohne cha Elijah ꞌintꞌoh ꞌuhutni. ꞋInkꞌez ꞌonghohne cha hutni ꞌudaꞌ nus hooꞌenne, ꞌilhoghun dunadija-un ꞌintꞌoh, hutni.”

Luke 9:29

ꞋEt tenadudli whe oonin ꞌutsꞌun oonatꞌen suliꞌ. ꞋInkꞌez oonaih cha ꞌulhyul suliꞌ, ꞌinkꞌez busaoolkalh suliꞌ.

Luke 9:31

Bubusaoolkalh ꞌinkꞌez bube hóodatꞌen. Jerusalem tsꞌe datinelh whe datítsah-un lhaóodutileh, ꞌet huwun huwu yáhalhduk.

John 1:17

Yakꞌusda khuni yutulhúhizyeꞌ-i, ꞌi Moses ꞌen gha netlꞌa ídanꞌai ínleꞌ. ꞋEt hoontsꞌi ꞌandit Jesus Christ ꞌen gha ye unzoo-i ꞌinkꞌez khuni ꞌalhaꞌ ꞌuntꞌoh-i neghaltsꞌut.