Luke 9:3 - Yak'usda Ooghuni

³ ꞋInkꞌez ꞌubulhni, “Tihdulh tsꞌe khun hoonliyaz toohlaꞌ junih. Nohtuz, ꞌinkꞌez lhookꞌez, ꞌinkꞌez lhes ꞌinkꞌez sooniya cha, ꞌet nduntꞌoh-i toohlaꞌ junih. Nanki dzootꞌan nyiz-i oohtꞌeꞌ junih.

Luke 9:3 Iomraidhean Croise

Mark 6:7

ꞋEt whunizyane ꞌon ꞌat nane, “ꞋAnih,” hubudániꞌ ꞌinkꞌez nane hinli whe lhelhtsꞌun whe balhꞌaꞌ. ꞋInkꞌez hiye úlhtus-i bugha nínꞌai ntsiꞌ-i nudúdeh-i dune yudúltsꞌine butsꞌa ha náhinooyoot ha.

Luke 12:22

ꞋInkꞌez yugha hodulꞌehne ꞌubulhni, “ꞋEt huwa nohdúsni, yinka dúlhtsꞌi-un, ndai la tihꞌulh-i ꞌinkꞌez be sóo nadutihtneh-i, ꞌi tsꞌiyawh ooghuni oohleꞌ junih!

Luke 12:28

ꞋEt Yakꞌusda tlꞌo unzoo-i yilhꞌi. ꞋAndit dzin tlꞌo kꞌut ha níyeh ꞌinkꞌez bunde ꞌi tsehidutilhkulh. ꞋEt nohni dalcho-i be ꞌon nus soo nanohdooleh. Tube ntsool-i be nohba ꞌalha ꞌuhoontꞌoh.

Luke 22:35

ꞋInkꞌez ꞌubulhni, “ꞋOh daꞌ whenóhisꞌaꞌ whe, sooniya zus, lhookꞌez cha, ꞌinkꞌez neketlꞌa whulh tlꞌoo-i tsꞌiyawh ooyit. ꞋAw eh hoonliyaz lhundunuzáhdzit?” ꞋInkꞌez, “Gak!” huyulhni.

Luke 3:11

ꞋEt ꞌubulhni, “Mbe la dzootꞌan nanki ꞌutꞌi-un, mbe la tsꞌootꞌan lhitꞌíh-un, ꞌilho yugha óolhchoos. ꞋInkꞌez mbe la tꞌalh-i ꞌutꞌi-un, ꞌen cha whuz unꞌa za edóneh.”

Luke 5:29

ꞋEt Levi duyoh tsꞌe Jesus ba hooncha whe dune gha náꞌuntai. ꞋEt sooniya ꞌilhunaoosꞌaihne huldlai. ꞋInkꞌez ꞌuyoonne cha lhane bubulh ꞌet dilhtsꞌi.

Luke 9:4

Ndet yoh danáhꞌaz-un, ꞌet oohkeꞌ, ꞌinkꞌez ꞌet yoh za whenádohtꞌas.

2 Timothy 2:4

Dune salda unli-un, ꞌen dumoodih ba za ꞌutꞌen. ꞋAw ꞌudun ꞌutꞌen-i gha lhasnoh.