Luke 9:28 - Yak'usda Ooghuni

²⁸ Lhkꞌu dit dzin atꞌen hukwꞌelhꞌaz ꞌet dudani-un, Peter, John, ꞌinkꞌez James ndo dzulh kꞌuz dulh úbilya, whuz tenadutidli ha.

Luke 9:28 Iomraidhean Croise

Matthew 14:23

Ndunne whe nábalhꞌaꞌ whe didutchꞌoh ndo dzulh kꞌuz whinya tenadutidli ha. Dichꞌoh ꞌet bé nadalhghel.

Matthew 5:1

ꞋIlhunaoosdilne Jesus ꞌubunilhꞌen whe ndo dzulh enun tsꞌe ndo whinya ꞌinkꞌez ꞌet nátlꞌa didaꞌ whe yugha hódulꞌehne hitsꞌoozdil.

Mark 1:35

ꞋOm bun bundada ꞌawhuz lhuyulhkoh daꞌ Jesus dudinya ꞌinkꞌez ꞌaz whenya. ꞋEt nyo keyoh whuchꞌa suya, disoh tsꞌe oozya. ꞋEt tenadudli.

Mark 6:46

Whenáhidil whe tenadutidli ha ꞌawet buchꞌa násja ꞌinkꞌez dzulh kꞌuz tsꞌe whénya.

Luke 3:21

ꞋEt tsꞌiyanne too be ꞌúlya. Jesus ꞌen cha too beꞌ yinla. Tenawhéndunidli ꞌi bulh yat dáhaꞌ dankez,

Luke 5:16

ꞋEt didutchꞌoh lhat disoh tsꞌe tenadutidli tsꞌu wheyaih.

Luke 6:12

ꞋOh daꞌ ꞌet dzin, Jesus shus kꞌut tenadutidli ha whuz whinya. ꞋUlhdzis nduwhulyiz Yakꞌusda tsꞌun tenadidli.

Luke 8:51

ꞋEt yeyoh tsꞌe daninya, ꞌaw ꞌuyoonne dalhoosyaꞌ. Peter, James, ꞌinkꞌez John, ꞌinkꞌez tsꞌoodun oobá cha ꞌinkꞌez ooloo cha, ꞌenne za dahóodilh.

Luke 9:18

ꞋEt hukwꞌelhꞌaz Jesus didutchꞌoh tenadudli whe yugha hodulꞌehne highu nindil ꞌinkꞌez uboodulhkut, “ꞋIlhozdilne, mbe usdli hutni?”

John 6:3

ꞋEt Jesus yasúya whe yugha hodulꞌehne tubulh, ꞌon do shusyaz kꞌut ꞌet nátlꞌaꞌhudiltsꞌiꞌ.

2 Corinthians 13:1

ꞋEt ꞌawet whulh tat nohtsꞌu nátisdalh. Nane kꞌus tane ꞌenne bunalh neꞌwhutꞌen, tsꞌiyaitsuk nohni nohtoh, di be ꞌukꞌehootꞌaih-i, ꞌenne bughuni gha tsꞌiyantsuk lhaóodutanelh.

Hebrews 5:7

ꞋInkꞌez ꞌoh daꞌ Jesus Christ ndi yun kꞌut nuseya daꞌ, ꞌet whe ooBá ꞌen ye ulhtus-i ꞌutꞌi, ꞌet hukwaꞌ ninzun de datítsah whuchꞌa yutilhyih yutsꞌu tenadidli. Tube oodzi telꞌen ꞌinkꞌez oonatsultooꞌ hoonli whe Yakꞌusda yutsꞌu tédudlih yulaꞌ ooneh ha. OoBá yudílhtiꞌ, ꞌet huwa yudántsꞌo daja ni.

2 Peter 1:16

ꞋEt neMoodihti Jesus Christ, ꞌen ye ulhtus-i ꞌinkꞌez whusanatidalh-un cha, ꞌet whunohuznilhtan. Ndunne tube whunistꞌi be yalhdukne, ꞌenne ꞌet whuz unꞌa whulohne tsꞌihꞌun unꞌa khuni lheꞌitꞌoh-i ꞌuhulhꞌen. ꞋEnne bukꞌunꞌa iloh wheni whunoh uznulhtun. ꞋEt kꞌus ꞌoh daꞌ whenichꞌoh ꞌet nena be hooncha whe ootsꞌu ha yanduz-un, ꞌet cha tsꞌonalhꞌen.