Luke 9:26 - Yak'usda Ooghuni

²⁶ ꞋEt mbene la dune si cha ꞌinkꞌez sghuni cha yukayá unli-un, ꞌet de Yinka Dune Yeꞌ, ntsꞌo de dichꞌoh ye diztiꞌ-i cha, ooBá ye diztiꞌ-i cha, ꞌinkꞌez Yakꞌusda oolizas hiye diztiꞌ-i cha, whuz unꞌa whusanaja de, ꞌoh de bukayátileh.

Luke 9:26 Iomraidhean Croise

Matthew 16:27

Yinka Dune Yeꞌ whusatiyalh, ooBá ye diztiꞌ-i ꞌinkꞌez oolizas, bubulh, whusatiyalh whe tsꞌiyanne dahitꞌen, whuz unꞌa ꞌilhone whe buba kꞌelha whutilhtselh.

Matthew 25:31

“ꞋEt Yinka Dune Yeꞌ nkede ootsꞌu haꞌ ꞌánduz whe whusanátidalh, lizas lubeshi ooghu hoolohne, tsꞌiyawh huyulh whusanátidulh. ꞋOh de de, ookwꞌutsꞌuzda cho diztiꞌ-i, ꞌi kꞌut nanátlꞌa dutidalh.

Matthew 26:64

ꞋEt Jesus ndúyulhni, “Nyunchꞌoh ꞌet ꞌúdini. Njan huwun nohbulh yasduk, kꞌat le de Yinka Dune Yeꞌ, ꞌen ulhtus-un, ꞌen nailhni tsꞌunkꞌus yughu usda, ꞌet whutihꞌelh. ꞋInkꞌez kwꞌus kꞌut ndus de ha tiyalh, ꞌet cha whutihꞌelh.”

Mark 8:38

ꞋAndit yukꞌedinzutne lubeshi ꞌuhutꞌen ꞌinkꞌez dune tsꞌeke bulh nintaꞌhutꞌih hinli, ꞌet hoontsꞌi mbe la si ꞌinkꞌez sughuni cha yukaya unli de, Yinka Dune Yeꞌ, ꞌen cha yukaya tileh, lizas bulh ooBá ootsꞌu ha yánduz-i toh whusanája de.”

John 12:43

ꞋEnne dune ubudílhtiꞌ-un, ꞌet Yakꞌusda ubúdutálhtiꞌ-un whanus huhóontꞌiꞌ.

John 5:44

Nohnichꞌoh nohtoh lhudúlhtiꞌ. ꞋEt hoontsꞌi, ndai la be ꞌúzdilhtiꞌ-i Yakꞌusda didutchꞌoh ootsꞌu haídiltsꞌut-i, ꞌi ꞌaw ookúlhnuzahtoh, ꞌet huwa ntsꞌenꞌa nohba ꞌalhaꞌ whutatꞌelh?

Acts 10:22

ꞋEt ꞌuhuyúlhni, “Lhuganne moodih, Cornelius, ꞌen netílhꞌaꞌ wheꞌ tsꞌutꞌen. Dune unzoo ꞌinkꞌez ꞌahoolhyiz Yakꞌusda tsꞌun ténadudli, Lizwifne cha tsꞌiyawh hidílhtiꞌ. Yakꞌusda oolizas ꞌilhoghun ꞌen duyoh tsꞌe nkaꞌ doniꞌ yulhni, ꞌinkꞌez dája dutanelh ꞌet nyoozólhtsꞌai ꞌet wheni.”

Romans 1:16

ꞋI khuni unzoo-i Christ ooghun ꞌaw hukwaya lhusdloh whe be yásduk. Yakꞌusda ye ulhtus-i ꞌuntꞌoh ꞌinkꞌez ꞌi gha Lizwifne kꞌus ꞌudun yun kꞌut whutꞌenne buba ꞌalha ꞌuhoontꞌoh de, ꞌet de hudutijih.

2 Corinthians 12:10

ꞋInka ndet tesun-un, ꞌinkꞌez sghu hudloh, ꞌinkꞌez hoonli sba howa whúlnaꞌ, ꞌinkꞌez ndet la dzoh nusahalhdzut, ꞌinkꞌez hoontsiꞌ-un sghá honinla, ꞌi tsꞌiyawh ꞌalhgoh Christ ꞌen gha sba ꞌuhóoja de, ꞌet de ꞌoonústꞌeꞌ. ꞋEt whuz unꞌa be tesun-i, ꞌi be ústus nasdleh, ꞌet huwa hoonústꞌiꞌ.

Galatians 6:14

ꞋEt Jesus Christ tulalhgus kꞌut neba dazsai-un, ꞌet za whdústꞌiꞌ wheꞌ hoontꞌoh. NeMoodihti Jesus Christ ootulalhgus, ꞌi gha za sdzi do ꞌúja. ꞋEn bulh dasusai le ꞌustꞌoh. ꞋEt huwa ndi yun ꞌantsꞌi sba whuzdliꞌ. ꞋInkꞌez si cha ꞌantsꞌi whuba usdli suliꞌ.

1 Timothy 5:21

Yakꞌusda cha, Jesus Christ neMoodihti cha, ꞌinkꞌez lizas ꞌutahalyane cha, ꞌenne tsꞌiyawh bunalh soo tsꞌihꞌun unꞌa nyudusni, ndi khuni be daja nyudasniꞌ ꞌet huwa ꞌilhiz ooleꞌ ontun. Ndai la ꞌutalhꞌelh-i, ꞌi tsꞌiyawh dune dachꞌe holeꞌ hukwꞌunꞌa ꞌoneh junih. ꞋInkꞌez ꞌaw ꞌilhoghun za kꞌentsiꞌ ꞌinkꞌez hoonli ootsꞌu nolhtꞌi junih.

2 Timothy 1:12

ꞋEt huwa si cha dzoh nuszut, ꞌet hoontsꞌi ꞌaw hukwaya lhusdloh. Mbe sba ꞌalhaꞌ ꞌuntꞌoh-un tꞌenuszun ꞌet huwa. ꞋInkꞌez ndet ootlꞌa hoosꞌai-un, ꞌudekꞌez dzin whutsꞌun soo ꞌultus whe sba hootatun, ꞌet sba ꞌalha ꞌuhoontꞌoh.

2 Timothy 2:12

Ntsꞌoh dawhutꞌen hoontsꞌi whulh tsꞌúzyin de, ꞌet de ꞌen bulh lerwe ꞌuztileh. Oochꞌaz natsꞌulhꞌa de, didut cha nechꞌaz nátilꞌa.

Hebrews 11:26

Christ ꞌen gha ndunne Egypt whutꞌenne, Israel tsꞌu haindene buchꞌaz yahalhduk. ꞋEt Moses nduninzun buchꞌaz yahalhduk-un, ꞌet Egypt whulerwe daltsuk sooniya, ꞌi tsꞌiyawh ba nus yinzoo. Yakꞌusda oochꞌeꞌne buba ꞌukꞌelha whutaleh-un, ꞌet buba neóoninꞌai, ꞌet huwa ꞌet dúhoontꞌoh-un za Moses hukwa itísꞌen.

Hebrews 13:13

ꞋEt huwa tsꞌuwhutꞌi-un whan ꞌaz tsꞌe, ntsꞌe Jesus Christ ꞌuntꞌoh-un, whuz ootsꞌuztoodilh. ꞋInkꞌez yooya huyulhtsi-un, wheni cha tsꞌuhólhchoot.

Jude 1:14

ꞋEt Enoch ꞌen whulh lhtakꞌantꞌit Adam tsꞌu hainzut-un ꞌuntꞌoh, ꞌen ndunne dune, ꞌenne bughu nus hónꞌen whe ndutni, “Whunulhꞌen neMoodihti ꞌawet whusáinya! Ooduneꞌne, ꞌenne tsꞌiyawh oochꞌeꞌne, lhane kꞌet ꞌaw ꞌubutsꞌolhto ꞌaitꞌoh, ꞌenne bubulh whusatiyalh.

Revelation 1:7

Whunulhꞌen! Kwꞌus toh whuz de tiyalh. Tsꞌiyanne hitiꞌelh. Mbene oola ꞌinkꞌez ooke lugloo cho hikunúnilhtꞌone, ꞌenne cha hiyutilhꞌelh. ꞋInkꞌez ndi yun kꞌut lhelhdoh didowhne, ꞌen gha khuna hutitso. ꞋEt ndó tanelh, ꞌet ndó honeh.

Revelation 20:11

ꞋEt ꞌawet ulhyul-i kwꞌutsꞌuzda ncha-i cho diztiꞌ-i, ꞌinkꞌez mbe yukusda-un tísꞌen. Ndi yun kꞌut ꞌinkꞌez yatꞌah cha Yakꞌusda usda-un, ꞌet oochꞌa whúzkat, ꞌi ꞌinkꞌez tsꞌiyawh gak whuzdliꞌ.

Revelation 21:8

ꞋEt hoontsꞌi mbene la whénuljutne, ooba ꞌalhaꞌ lheꞌhóotꞌohne, hubaꞌ whuninzun tuneꞌ ꞌutꞌenne, neghanne cha, hoontsiꞌ túneꞌ ꞌutꞌenne, duyunne, ꞌukꞌeltsi tsꞌun tenadudline, ꞌinkꞌez whutsꞌitne cha, ꞌenne tsꞌiyawh nyo bunghun dúwhulcho-un kwun sulphur be dizkꞌun-un, ꞌet ꞌuwhutitꞌelh. ꞋEt whúlh nat yatsꞌitádlah-un ꞌuhoontꞌoh.”

Revelation 3:5

Mbene la ꞌutꞌen untsiꞌ-i chꞌaꞌ ꞌulhdehne, naih ꞌulhyul-i be húdutaltsꞌilh. Ndi ꞌilhiz tsꞌukhuna-i be ꞌudustlꞌus kꞌut, ꞌaw bubooziꞌ ꞌukꞌu natoosges ꞌaitꞌoh. SBá ꞌinkꞌez oolizas bulh ꞌenne bubut ꞌenne schꞌeꞌne hinli budutásnelh.