Luke 9:2 - Yak'usda Ooghuni

² Yakꞌusda lerwe unli-un ꞌet huwun ubulh yahoolhduk ꞌinkꞌez ndudane soo naꞌboohooleh wheni whe balhꞌaꞌ.

Luke 9:2 Iomraidhean Croise

Matthew 10:5

ꞋEt ꞌawet ndunne whunizyane ꞌon ꞌat nane, ntsꞌe ꞌuhutitꞌelh Jesus whuz ubutilhꞌah. Khuni butlꞌa danꞌai ndubulhni, “ꞋUdun yun kꞌut whutꞌenne buti tsꞌe ti toohdilh junih. ꞋInkꞌez Samaritan bukeyoh tsꞌu ti whuz te toohyaꞌ junih.

Matthew 13:19

Mbe la yakꞌuz ꞌuhuhoolhdzun-un whulh ꞌúhuditsꞌo ooghuni daja ni whe ꞌutni ꞌaw tꞌehonuszun te, ntsiꞌ-un whusayaih ꞌinkꞌez budzi be ha naídaꞌaih! ꞋI ꞌuntꞌoh ti whuzih ꞌanilya-i, unli.

Matthew 24:14

ꞋEt yakꞌuz kꞌuneꞌ whulꞌen-un ghun khuni unzoo-i yun kꞌut ndulcho whe be yatiduk. ꞋI be ndi yun kꞌut whutꞌenne, buba whubuntilhtun tileh. ꞋEt de ꞌawet whula toh whusaóotiltsꞌulh.”

Matthew 3:2

ꞋEt ꞌubulhni, “Noheni náhandunoohleh. Yakꞌuz kꞌuneꞌ whulꞌen-un nohtoh ꞌutitꞌelh-un, ꞌawet nilhdukw.”

Mark 16:15

ꞌinkꞌez ꞌubulhni, “Yinka ndulcho whe náhdilh, ꞌinkꞌez khuni unzoo-i yinka duneꞌne whubunulhtun.

Mark 6:12

ꞋEt whe la hándil ꞌinkꞌez dune Yakꞌusda ooghuni be bubulh yáhulhduk, “Nohlubeshi chꞌa lhtꞌananoohdilh,” hubuhútni.

Luke 10:1

ꞋEt hukwꞌelhꞌaz neMoodihti lhtakꞌantꞌit whunizyane (70) ꞌutahábanla keyoh whuti totsuk nutiyalh-un, nane hinli whe dutso whe balhꞌaꞌ.

Luke 10:11

‘Nohkeyoh whulez neke ghu hoonli-i, nohchꞌa búnaꞌtsꞌalhde. ꞋEt hoontsꞌi tꞌewhunóhzin Yakꞌusda whulerwe-un nohenghoh ꞌuhoontꞌoh,’ budóhniꞌ.

Luke 10:9

ꞋEt mbe la ꞌet yoh ndudane cha soo naꞌboohle ꞌinkꞌez ꞌubudóhniꞌ, ‘Yakꞌusda lerwe unli-un, ꞌawet nohenghoh ꞌuhoontꞌoh.’

Luke 16:16

Moses be ꞌudustlꞌus cha ꞌinkꞌez nus hooꞌenne bubeꞌ ꞌudustlꞌus cha ndet whutsꞌun la John dune too be ꞌulhꞌen-un khuna daꞌ, ꞌet whutsꞌun dune hikꞌuneꞌ ootꞌen hubaꞌ hoontꞌoh. ꞋEt whutsꞌun whudutizut Yakꞌusda whe lerwe unli-un, ꞌet huwun khuni unzoo-i dune bulh yahulhduk. ꞋInkꞌez tsꞌiyanne whuz unꞌa húkwaꞌ hutꞌen.

Luke 9:11

ꞋEt hoontsꞌi ꞌilhozdilne nahoohoonꞌai whe huyuntizdil. ꞋEt Jesus hoontꞌiꞌ whe highu nindil ꞌinkꞌez Yakꞌusda lerwe unli hukwꞌunꞌa huwun bubulh yalhduk. ꞋInkꞌez mbene la soo naꞌtitnelh hukwaꞌ ninzunne, ꞌenne cha tsꞌiyawh soo náꞌbalhꞌen.