Luke 9:19 - Yak'usda Ooghuni

¹⁹ ꞋInkꞌez ꞌuhuyulhni, “John dune too be ꞌulhꞌen-un ꞌintꞌoh hutni. ꞋEt ꞌonghohne cha Elijah ꞌintꞌoh ꞌuhutni. ꞋInkꞌez ꞌonghohne cha hutni ꞌudaꞌ nus hooꞌenne, ꞌilhoghun dunadija-un ꞌintꞌoh, hutni.”

Luke 9:19 Iomraidhean Croise

Matthew 14:2

ꞌinkꞌez Herod de ꞌustlenne ꞌubulhni, “Ndun ꞌen John dune too be ꞌulhꞌen-un, ꞌen ꞌuntꞌoh. Yaidlane toh nahítnaꞌ. ꞋEt huwa ꞌutꞌen hoolhtus teneꞌútꞌen.”

Matthew 3:1

ꞋOh whuya hoozulh whe John dune too be ꞌulhꞌen-un Judea yun kꞌut dune lhuhootꞌi tsꞌe, whuz whinya ꞌinkꞌez dune bulh yalhduk.

Mark 6:14

Bulerwe Herod huyúlhni-un yulh ꞌúdantsꞌo Jesus ndulcho whe búlh nukhuni uzut. ꞋInkꞌez ꞌutni, “John dune too be ꞌulhꞌen-un ꞌutꞌen. Dazsai inleꞌ ꞌinkꞌez nahítnaꞌ ꞌet huwa Yakꞌusda ye ulhtus-i ooghi dizꞌai whe ꞌútꞌen whunulꞌen teneꞌútꞌen.”

Mark 6:15

Whulohne cha, “Elijah ꞌutꞌen,” hutni. ꞋEt ꞌuyoonne cha ꞌuhutni, “ꞋUdaꞌ hukwꞌunꞌa Yakꞌusda be nus hóoꞌen-un ꞌutꞌen,” hutni.

Luke 9:18

ꞋEt hukwꞌelhꞌaz Jesus didutchꞌoh tenadudli whe yugha hodulꞌehne highu nindil ꞌinkꞌez uboodulhkut, “ꞋIlhozdilne, mbe usdli hutni?”

Luke 9:20

“Nohni doꞌ?” ꞌubulhni, “Mbe usdli dahni?” Peter yatilhduk whe ꞌuyulhni, “Yakꞌusda ooChrist tsꞌutni-un, ꞌen ꞌintꞌoh.”

John 1:21

ꞋEt huyoodulhkut, “Mbe inli? Elijah tilah ꞌintꞌoh?” “ꞋAwundooh,” ubúlhni. “Yakꞌusda be nus hóoꞌen-un ooghu yaduk inleꞌ-un, ꞌen tilah ꞌintꞌoh?” huyúlhni. ꞋEt cha, “ꞋAwúndooh,” ubúlhni.

John 1:25

ꞋInkꞌez huyoodulhkut, “ꞋAw Christ, kꞌus Elijah, kꞌus nyoon Yakꞌusda be nus hóoꞌen-un, iloh ꞌintꞌoh de, di ha dune too béꞌ bilhꞌen?” huyúlhni.

John 7:40

ꞋEt ꞌilhozdílne butoh ndi khuni hidántsꞌo whe lhanne, ꞌenne ꞌuhutni, “Ꞌalha ꞌi be ndun ꞌen nyoon nus hóoꞌen-un ooghu yaduk inleꞌ-un ꞌuntꞌoh.”

John 9:17

ꞋEt doo cha za ndun hoos̱ꞌen inleꞌ-un ꞌuhuyúlhni, “Hónꞌen nyulhtsi, ꞌet huwa ꞌen ooghun daja dini?” “ꞋAlhaꞌ nus hóoꞌen-un ꞌuntꞌoh,” ubúlhni.