Luke 9:11 - Yak'usda Ooghuni

¹¹ ꞋEt hoontsꞌi ꞌilhozdilne nahoohoonꞌai whe huyuntizdil. ꞋEt Jesus hoontꞌiꞌ whe highu nindil ꞌinkꞌez Yakꞌusda lerwe unli hukwꞌunꞌa huwun bubulh yalhduk. ꞋInkꞌez mbene la soo naꞌtitnelh hukwaꞌ ninzunne, ꞌenne cha tsꞌiyawh soo náꞌbalhꞌen.

Luke 9:11 Iomraidhean Croise

Matthew 12:15

Jesus hituzilhghelh huwu yahalhduk, tꞌewhunanzin ꞌet bugho whe naja. Lhane ndudáne hiyuntizdil, ꞌenne tsꞌiyawh soo náꞌbalhꞌen.

Matthew 14:14

Jesus tsꞌi bé hainya whe dune huldlai kꞌet ꞌaw ꞌuzdooniꞌ ꞌaitꞌoh, ꞌenne butilhꞌen. Bugha téꞌninzin ꞌinkꞌez ndudane cha tsꞌiyawh soo naꞌbinla.

Matthew 21:31

ꞋEt Jesus ꞌutni, “Ndunne nane kꞌus mbe oobá buba hukwaꞌ ninzun ꞌoh te hukwꞌu neꞌhustꞌen?” “ꞋUdechoo-un, ꞌen za,” hutni. ꞋEt Jesus ndúbulhni, “Tsꞌihꞌun nohdusni ndunne sooniya nalhdzoohne ꞌinkꞌez tsꞌekoo ꞌulꞌenne cha, Yakꞌusda lerwe unli-un, whuz nohtso dahutidulh.

Matthew 21:43

ꞋEt huwa nohdúsni, Yakꞌusda lerwe unli-un, tsꞌiyawh nohghu nahootálhchulh ꞌinkꞌez ꞌudoh didowhne butlꞌa óotiꞌalh. ꞋEnne la ꞌutꞌen unzoo-i butsꞌu ha óokat.

Luke 1:53

Ooye últsilhne, unzoo-i be ubudilhbun. Hoonzooꞌ ꞌuntꞌohne, ꞌaw hoonliyaz bughá lhiꞌal whe whe nábalhꞌaꞌ.

Luke 5:31

Jesus ꞌet ndúbulhni, “Mbene la soo ꞌúntꞌohne, ꞌaw yoo be duyun ha lheꞌhunizun. Ndudane, ꞌenne za yoo be duyun haꞌ huninzun.

Luke 8:1

ꞋEt hukwꞌelhꞌaz Jesus kedutizut keyoh whucho ꞌinkꞌez keyoh whuyaz totsuk, Yakꞌusda lerwe unli, ꞌet huwun khuni unzoo-i be yalhduk. ꞋEt whunizyat ꞌon ꞌat nane cha huyulh ꞌutꞌen.

Luke 8:10

ꞋEt ubúlhni, “Ndi buba wheꞌ hoontꞌoh hooyoh-un Yakꞌusda lerwe unli-i, ꞌi ghun, tꞌeoonoohzeh ha ꞌudaꞌ nohtlꞌa hóoltsꞌut. ꞋEt hoontsꞌi ꞌonghohne be whutsꞌodulꞌeh-i whuz unꞌa za bubulh yasduk. Doo ka la, ‘Honalhꞌen ꞌet hoontsꞌi ꞌaw lhuhuhoos̱ꞌen. ꞋEt hoditsꞌo ꞌet hoontsꞌi ꞌaw tꞌehonuszun daja ni.’”

Luke 9:10

ꞋEt whelꞌaꞌne whusanáhidil whe dahítꞌen-un tsꞌiyawh hidaniꞌ. ꞋInkꞌez njan Bethsaida keyoh whunat disoh tsꞌe whébanla.

Luke 9:12

ꞋAwet yoo ꞌun hoozulh-un whunizyat ꞌon ꞌat nane highu nindil ꞌinkꞌez ꞌuhuyulhni, “Ndunne ꞌilhozdilne nabalhꞌalh njan disoh-un ꞌutsꞌintꞌoh. ꞋEt ndo ho keyoh whunat huyaꞌalh-i hoket ꞌinkꞌez la hutitez-un cha nahohólelh.”

Luke 9:2

Yakꞌusda lerwe unli-un ꞌet huwun ubulh yahoolhduk ꞌinkꞌez ndudane soo naꞌboohooleh wheni whe balhꞌaꞌ.

John 4:34

ꞋEt Jesus ubúlhni, “Mbe la whuz de sutilhꞌaꞌ-un, ndet stsꞌu húkwaꞌ ninzun, ꞌoh te neꞌóostꞌen ꞌinkꞌez be ꞌutꞌen lhadóosdleh huba ꞌuhoontꞌoh. Ndi ꞌi za sꞌalh-i ꞌuntꞌoh.

John 6:37

Tsꞌiyanne sBá sgha bunínlane, ꞌenne la stsꞌun hútoodilh, ꞌinkꞌez mbe la sghu yaih-un, ꞌaw oochꞌaz naóozꞌah ꞌaítꞌoh.

Acts 28:31

tsꞌet whucho Yakꞌusda dune kꞌúneꞌ bulꞌen-un, ꞌinkꞌez Jesus Christ neMoodihti ꞌen ghun cha dune hodulhꞌeh. ꞋAw dune whuchꞌa lhinúsyoot whe ndutni.

Romans 10:14

ꞋEt mbene la Jesus Christ buba ꞌalhaꞌ lheꞌítꞌohne, ꞌet ntsꞌenꞌa ꞌuhudutinelh huboolhyis-un hitsꞌu hukwaꞌ dutinelh? ꞋAw hiyulh éꞌdustsꞌo de, ꞌet ntsꞌenꞌa buba ꞌalhaꞌ yutátꞌelh? ꞋUyoonne dune budániꞌ de za.

Romans 10:17

ꞋEt ꞌinka Jesus Christ neba ꞌalhaꞌ títꞌelh de, bulh ꞌúzditsꞌo de za. ꞋEt ndi khuni ꞌi Yakꞌusda ooghuni ꞌuntꞌoh.

Romans 15:3

Christ ꞌen ꞌaw dichꞌoh kꞌúnulheꞌitꞌel. Yakꞌusda be ꞌudustlꞌus kꞌut ꞌukꞌu núsguz whuz unꞌa ꞌitꞌen. ꞋEt ndutni, “Mbe la nchꞌaz yálhdukne ndai la hiye nchꞌaz yálhduk-i, ꞌi tsꞌiyawh si stsꞌeꞌ hutni.”

2 Timothy 4:2

ꞋAhoolhyiz lhadíntꞌoh Yakꞌusda ooghuni bé bubulh yaílhduk. Whúbunilhtun ndet whe nintaꞌhutꞌih-un, ꞌinkꞌez tankꞌus ꞌuhutꞌen-un hukwa budíni, ꞌinkꞌez budzi do náꞌinleh. Howa whúlnaꞌ-un whulh sinyin, ꞌinkꞌez dune hodilhꞌeh.

Hebrews 4:16

ꞋEt huwa Yakꞌusda ookwꞌutsꞌuzda cho diztiꞌ-i whuz de ye únzoo-i negha yúꞌaih. ꞋEt huwa ꞌaw whelhtsꞌuniljut whe whuz uztooyaꞌ. ꞋEt whuz de negha teꞌninzun, ꞌinkꞌez whé netsꞌun unzoo-un, ꞌet nduwhulcho whe tsꞌuhootálhchulh. ꞋEt whuz unꞌa la ꞌen ba ndi yun kꞌut uzdilhtsꞌi-un, ndet la whe nela ꞌeꞌ whudutánelh ꞌet negha óotaltsꞌulh.