Luke 9:1 - Yak'usda Ooghuni

¹ ꞋEt whunizyane ꞌon ꞌat nane yugha hodulꞌehne Jesus ꞌalhgoh bukaꞌ daniꞌ. Ntsiꞌ-i nududeh-i, tsꞌiyawh whe hílhtus-un cha, ꞌinkꞌez himoodih hooleꞌ ha, ꞌet bugha óoninꞌai. ꞋInkꞌez dune hukwꞌe hunduda-un, ꞌet cha soo naꞌboohoolhꞌen, cha bugha óoninꞌai.

Luke 9:1 Iomraidhean Croise

Matthew 16:19

ꞋEt yakꞌuz whulerwe usda-un, whulugli ntlꞌa tisdlelh. Ndai la yun kꞌut whedinguz-i, ꞌet ꞌudaꞌ yakꞌuz cha whedintꞌi. ꞋEt ndai la ndi yun kꞌut kꞌunainꞌuk-i, ꞌet yakꞌuz cha ꞌudaꞌ whuz unꞌa kꞌunatitꞌuk.”

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Matthew 8:9

ꞋAlhaꞌ sichꞌoh skꞌuneꞌ whutꞌen-un ꞌusli whe ꞌonghohne sando ꞌuhintꞌoh hukwaꞌ huninzun tuneꞌ suhulhꞌen. ꞋEt si cha whuz unꞌa za saldanne buba ndo ꞌustꞌoh. ꞋIlhoghun, ‘Whuz inyalh!’ dusni te, whuz wheyaih. ꞋUyoon ‘ꞋAnih,’ dúsni te, sghu yaih. Seꞌulhna-un, ‘Njan dineh!’ dúsni te, ꞌet ndútꞌih.”

Luke 10:1

ꞋEt hukwꞌelhꞌaz neMoodihti lhtakꞌantꞌit whunizyane (70) ꞌutahábanla keyoh whuti totsuk nutiyalh-un, nane hinli whe dutso whe balhꞌaꞌ.

Luke 10:19

Soo zúlhtsꞌai, tlꞌughus ꞌinkꞌez lubezo unli-i, scorpion huyulhni, tube cho ookꞌu nahya. ꞋInkꞌez ndai la nohchꞌaz ditnine hiye ulhtus-i, tsꞌiyawh ndi ba ndo oohtꞌeꞌ-un, ꞌet nohtlꞌa hóosꞌai ꞌinkꞌez ꞌaw hoonli nohundólhda ꞌaitꞌoh.

John 14:12

Soo tsꞌihꞌun unꞌa nohdúsni, mbe la buba ꞌalhaꞌ ꞌustꞌoh-un, ꞌen ndi ꞌutꞌen ndai la ꞌusꞌén-i, ꞌenne cha ꞌuhitilhꞌelh. ꞋEt si sBá ootsꞌu nátisdalh ꞌet huwa si ꞌutꞌen ꞌisꞌén-i ꞌon nus ꞌulcho-i ꞌutꞌen ꞌi la ꞌuhuyoolhꞌen.

Acts 1:8

ꞋEt hoontsꞌi Ndoni nohyudíltsꞌut de soo nohdzi ulhtus whe Jerusalem ꞌet si sba dune whunulhtunne tihle, Judea yun kꞌut ndulcho whe cha, Samaria yun kꞌut cha, ꞌinkꞌez ndi yun kꞌut ndulcho whe cha,” ubúlhni.

Acts 3:16

ꞋEt Jesus ooba ꞌalhaꞌ yintꞌoh ꞌinkꞌez ndi yé ulhtus ꞌi gha ndun dune soo náꞌuja. ꞋEn ꞌuntꞌoh nilhꞌen. ꞋAlhaꞌ ꞌi be hoontꞌoh ndun dune nohbut usyin-un, ꞌen Jesus ooba ꞌalhaꞌ yintꞌoh-un, ꞌet ꞌi be soo naꞌuja.

Acts 4:30

ꞋEt huwa neMoodihti, be ílhtus ꞌi be dune ílhyis ꞌinkꞌez nYeꞌ Jesus, lubeshi ooghu hooloh-un, ꞌen yé ulhtus-i, ꞌi gha tsꞌiyanne bunalhtsꞌet hooncha ꞌinkꞌez huwa ꞌítꞌen tuneꞌ whutꞌen hóleꞌ.”

Acts 9:34

ꞋInkꞌez Peter uyúlhni, “Aeneas Jesus Christ soo naꞌunyinla! Dudinyaih ꞌinkꞌez nlili kꞌut soo náꞌhoonleh,” yúlhni. ꞋAho Aeneas dudinya.