Luke 8:8 - Yak'usda Ooghuni

⁸ ꞋEt ꞌonghoh-i yun unzoo-i kꞌut nanánkat, ꞌinkꞌez há nuski. Oomaiꞌ ꞌi lhanꞌun te lhai suliꞌ whunizyat whunizyai ꞌet ꞌultsuk suliꞌ.” ꞋEt hukwꞌelhꞌaz ꞌet tube cho ꞌubulhni, “Mbe la oodzeh hoonline hidotso!”

Luke 8:8 Iomraidhean Croise

Genesis 26:12

ꞋEt Isaac nyo yun kꞌut ꞌaꞌ nanla ꞌinkꞌez yus kꞌut haꞌ nanla. Lhai haꞌ nanla, 100 ꞌet ꞌuwhultsuk, ꞌinkꞌez Moodihti (Yahweh) soo hoonzoo-un yuba whulhtsi.

Matthew 11:15

Mbe la oodzo hooni-un, ꞌen hoozólhtsꞌaiꞌ ꞌinkꞌez whudotsꞌo.

Matthew 13:23

ꞋEt hoontsꞌi yun unzoo-i kꞌéninkat-i leꞌ ꞌuntꞌohne. Yakꞌusda ooghuni hiditsꞌo-i, tꞌehinuzih te daja ni whe ꞌutni. ꞋEt bumaiꞌ lhai lhih leꞌ hintꞌoh. Whulukhun whunizyat whunizyai (100) ꞌulhih. Whulukhun lhkꞌu tat whunizyai (60) ꞌulhih. Whulukhun tat whunizyai (30) ꞌulhih.”

Mark 4:20

ꞋEt whulohne yun unzoo-i kꞌut nanánkat ꞌi unduhúltꞌoh Yakꞌusda ooghuni hiditsꞌo, huyílhchuk, ꞌinkꞌez dudzi yo nehídiꞌaih, ꞌet oomaiꞌ whulih. Whulohne tat whunizyai (30), whulohne lhkꞌu tat whunizyai (60), ꞌinkꞌez whulohne cha whunizyat whunizyai (100).”

Mark 4:23

ꞋEt Jesus ubúlhni, “Mbe la oodzeh hoonline, huyoozólhtsꞌaiꞌ hubaꞌ hoontꞌoh.”

Mark 4:8

ꞋEt hoontsꞌi ꞌonghoh-i yun unzoo-i kꞌut nanánkat whe soo ha nanyai ꞌinkꞌez oomaiꞌ whulukhi tat whunizyai (30) oomaiꞌ suliꞌ, whulukhi lhkꞌu tat whunizyai (60) oomaiꞌ suliꞌ, ꞌinkꞌez whulukhi whunizyat whunizyai (100) oomaiꞌ suliꞌ.”

Mark 7:16

Mbene la oodzeh hoonline, ꞌenne huyoozólhtsꞌaiꞌ.”

Luke 14:35

Lisel oonalhuhóolni de, ꞌaw hoonli huba lheꞌízooꞌ whe ꞌuntꞌoh. ꞋAw yun ꞌinkꞌez musdoos dáltsꞌiꞌ-un ꞌet hoontsꞌi huba lheꞌízooꞌ whe ꞌuntꞌoh. ꞋI Dune tehúyulhkuk, huba ꞌuntꞌoh. Mbe la oodzeh hoonline hohoozólhtsꞌaiꞌ!”

Luke 8:15

ꞋEt hoontsꞌi ndai la yun unzoo-i kꞌut nanánkat-i, ꞌenne huhóontꞌiꞌ whe khuni hidantsꞌo ꞌinkꞌez budzi unzoo whe huyoontun. Ntsꞌoh dahoontꞌoh hoontsꞌi ꞌilhiz huyilhchuk. ꞋEt whuz unꞌa bumaiꞌ whulaih.”

Luke 8:7

ꞋEt ꞌonghoh-i cha whus cho tanínkat. ꞋI cha whus cho bulh dúduninyai ꞌinkꞌez bulh lhéwhulloh.

Ephesians 2:10

Wheni Yakꞌusda ꞌuyinlane ꞌutsꞌintꞌoh ꞌet huwa. Christ Jesus ꞌen ooyúzdultsꞌi whe ꞌen be ꞌandidi natsꞌusdliꞌ, ꞌutꞌen unzoo-i ꞌuztilhꞌelh ha. ꞋEt whe whutso Yakꞌusda neba lhaóodinla. ꞋEt ookꞌoh nutsꞌóodilh ha.

Colossians 1:10

ꞋEt neMoodihti ꞌen ba tsꞌihꞌun unꞌa ndi yun kꞌut dúlhtsꞌi. Ndai ꞌulhꞌen-i tsꞌiyawh yé hotꞌeꞌ. ꞋUtꞌen unzoo-i ꞌi ootsꞌu ha yóokat, ꞌinkꞌez Yakꞌusda ꞌon nus tꞌentihzeh.

Revelation 13:9

Mbe la ꞌuditsꞌone hoohoozólhtsꞌaiꞌ.

Revelation 2:11

Mbene ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌenne huyoozólhtsꞌaiꞌ. Mbene la ꞌutꞌen ntsiꞌ-i chꞌaꞌ nilhdene, ꞌet dune whúlh nat dahútitsah-un, ꞌi be ꞌaw hundódah ꞌaitꞌoh.”

Revelation 2:7

Mbe ꞌuditsꞌone, Ndoni Yakꞌusda ba ꞌilhunaoodulhne, daja ubúlhni-un, ꞌen huyoozólhtsꞌaiꞌ hubaꞌ hoontꞌoh. Mbene la ꞌutꞌen ntsiꞌ-i yuchꞌaꞌ ꞌulhdehne, ndi duchun oogha khutna-i oomaiꞌ huyooꞌalh-un bugha óotasꞌalh. Ndi duchun ꞌi Yakꞌusda ookeyoh ꞌukꞌenus hoonzoo-un, ꞌet whuniz tsꞌe nadánꞌa.”

Revelation 3:13

Mbe ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌen huyoozólhtsꞌai.”

Revelation 3:6

Mbe ꞌuditsꞌone, Ndoni Yakꞌusda ba ꞌilhunaoodulhne, dája ꞌubulhni, ꞌen huyoozólhtsꞌai.”