Luke 8:7 - Yak'usda Ooghuni

⁷ ꞋEt ꞌonghoh-i cha whus cho tanínkat. ꞋI cha whus cho bulh dúduninyai ꞌinkꞌez bulh lhéwhulloh.

Luke 8:7 Iomraidhean Croise

Genesis 3:18

Whus cho ꞌinkꞌez whusyaz bulh nankiltꞌoh ookꞌut mba ha ntiyeh, ꞌinkꞌez yun ha nuyeh-i tanꞌulh.

Matthew 13:22

Whus toh ꞌanankat-i, khuni hiditsꞌo, yun kꞌut huwu ni nuzut, hoonzooꞌ hoontꞌoh be naznutaꞌ-i, whus cho be bulh lheyúllhuk ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Matthew 13:7

Ooloh cha whus toh nanánkat. ꞋI cha whus cho whutoh bulh dúduninyai ꞌinkꞌez bulh lhéwhultloh.

Mark 4:7

Ooloh cha whus cho tanínkat. ꞋI cha whus cho whutoh bulh ha inanyai bulh lhéwhulloh ꞌinkꞌez ꞌaw hálhniyil.

Luke 21:34

“ꞋEt hoontsꞌi soo cho khahdli. Khun te nzoodulhꞌi, ꞌinkꞌez tanahtnai, ꞌinkꞌez ndi yun kꞌut hooni ꞌet za huwu nuní nahzut, ndowhi be nohdzi dobun junih. Doo ka sih ꞌet dzin hukwa tse lhúwhulhlih whe whusahóoltsꞌit.

Luke 8:14

Ndai la whus cho toh nanánkat-i, dune Yakꞌusda ooghuni hiditsꞌo ꞌet hoontsꞌi yun kꞌut huwu ni tsinli-un, ndi yun kꞌut hoonzooꞌ hoontꞌoh-un, ꞌinkꞌez ndi yun kꞌut huhoontꞌiꞌ tuneꞌ hutꞌen-un, ꞌi tsꞌiyawh whus cho ꞌi be bulh lhellhoh ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

Luke 8:6

Ooloh cha tse kꞌut nanánkat. ꞋEt há nuski whe ha nulhyeh-i too hooloh ꞌet huwa yanúdizgi.

Luke 8:8

ꞋEt ꞌonghoh-i yun unzoo-i kꞌut nanánkat, ꞌinkꞌez há nuski. Oomaiꞌ ꞌi lhanꞌun te lhai suliꞌ whunizyat whunizyai ꞌet ꞌultsuk suliꞌ.” ꞋEt hukwꞌelhꞌaz ꞌet tube cho ꞌubulhni, “Mbe la oodzeh hoonline hidotso!”