Luke 8:52 - Yak'usda Ooghuni

⁵² ꞋEt tsꞌiyanne tso yahalhduk ꞌinkꞌez hikꞌetedudli. ꞋEt Jesus ꞌubulhni, “ꞋAhtso iloh! ꞋAw dalhitsal nanisti whe ꞌuntꞌoh.”

Luke 8:52 Iomraidhean Croise

Genesis 23:2

ꞋEt Sarah ꞌen keyoh Kirjath Arba, (Hebron ꞌuhoontꞌoh) Canaan keyoh ꞌet dazsai ꞌinkꞌez Abraham whusainya ꞌinkꞌez Sarah yukꞌenudleh ꞌinkꞌez yukꞌetso.

Matthew 11:17

‘Nohba tsꞌujun be tsꞌujun be, ꞌet hoontsꞌi neba lhnuzahdai. ꞋInkꞌez nohni nohba tsꞌodi tsinli, ꞌet hoontsꞌi ꞌaw oohtso ꞌaitꞌoh!’

Luke 23:27

Lhane dune hiyuntizdil, tsꞌekoo cha. ꞋEn tsꞌodi hinli ꞌinkꞌez hutso.

Luke 23:48

ꞋInkꞌez ꞌilhozdilne tsꞌiyawh ꞌet nenindilne huwhunalhꞌen whe, dáhooja la huwhunalhꞌen, tsꞌodi kꞌet dudzi kꞌut hoohoolhchis ꞌinkꞌez whusanáhidil.

Luke 8:51

ꞋEt yeyoh tsꞌe daninya, ꞌaw ꞌuyoonne dalhoosyaꞌ. Peter, James, ꞌinkꞌez John, ꞌinkꞌez tsꞌoodun oobá cha ꞌinkꞌez ooloo cha, ꞌenne za dahóodilh.

Luke 8:53

ꞋInkꞌez highudloh, tꞌehonínzun dazsai whe ꞌuntꞌoh.

John 11:4

ꞋEt Jesus whulh ꞌúdantsꞌo whe ꞌutni, “ꞋAw ndi dada ꞌilhiz yukꞌedóotsa ꞌaítꞌoh. Njan undudá-un, ꞌet whe la Yakꞌusda ooba whudóltiꞌ, ꞌinkꞌez ꞌet whe Yakꞌusda ooYeꞌ ꞌen cha ba whudutáltiꞌ.”