Luke 8:44 - Yak'usda Ooghuni

⁴⁴ Jesus yutꞌa tsꞌe yughu ninya ꞌinkꞌez nayitsꞌuz-i yus tsꞌe ooban ꞌet yutꞌaiznai. ꞋEt ꞌaho ꞌuskaiꞌ ꞌuyulhꞌen-un ꞌetsul ꞌuja.

Luke 8:44 Iomraidhean Croise

Matthew 20:34

ꞋEt Jesus bugha teꞌnanzin whe dula be buna yutꞌaíznai. ꞋEt ꞌaho huhooꞌen suliꞌ, ꞌinkꞌez huyuntizꞌaz.

Matthew 8:3

ꞋEt Jesus dula be yutꞌaiznai ꞌinkꞌez, “A, hukwaꞌ nuszun. Nyunaꞌide!” yúlhni. Ooka whulhjut-un, ꞌet ꞌaho soo naꞌuja.

Matthew 9:20

ꞋOh whuya hidulh whe khuntsul ꞌilhoghun tsꞌeke, ꞌen whunizyat ꞌon ꞌat nat yus kꞌut ꞌuskaiꞌ ꞌuyulhꞌen. Jesus yutꞌa tsꞌe gha ninya ꞌinkꞌez nayitsꞌuz-i nyus tsꞌe yuban yutꞌaiznai.

Mark 6:56

ꞋInkꞌez ntsꞌoh la Jesus nuya keyoh whuyaz kꞌus keyoh whuti kꞌus nꞌaho keyoh ꞌeꞌóoket-un whutoh dune ꞌilhodúlh-un whuz ndudáne nébuhunle ꞌinkꞌez Jesus híghu tédudlih, “Nyunaih ꞌantsꞌi ooban ꞌet ndudáne hitꞌa óonalh,” huyúlhni. ꞋEt mbene yutꞌaíznaine tsꞌiyawh soo náꞌhuja.

Luke 13:13

ꞋEt yukꞌedilni ꞌinkꞌez ꞌaho tsꞌeke lhtsꞌe nadiski ꞌinkꞌez Yakꞌusda dálhtiꞌ.

Luke 7:38

ꞋEt yutꞌa syin, ꞌutso ꞌinkꞌez dunatsultooꞌ be yuke tunawhiningus ꞌinkꞌez dutsighaꞌ be yunaꞌulhdeh, ꞌinkꞌez yuke naditsꞌooz. ꞋInkꞌez ndi sooltsun-i be yuke yulhlo.

Luke 8:43

ꞋEt ꞌilhoghun tsꞌeke tube dzoh nuzut whunizyat ꞌon ꞌat nat yus kꞌut ꞌuskaiꞌ ꞌuyulhꞌen-un, yoo be dúyunne lhane cha hukwaꞌ huyalhꞌen. ꞋEt hukwꞌuz duzooneya tsꞌiyawh gak yulhtsi, ꞌet hoontsꞌi nus za lheꞌínelh.

Luke 8:45

ꞋEt Jesus ꞌutni, “Mbe ꞌuja stꞌa iznai?” “Tsꞌiyawh wheni iloh ꞌutsꞌuja,” hutni. Peter ꞌinkꞌez yulh ꞌutꞌenne ꞌuhutni, “Nemoodih lheltsukne nyando ha huníldo ꞌinkꞌez nyuhoolhkalh. ꞋInkꞌez di ha ꞌudini ‘Mbe stꞌa iznai?’ dini?”

John 5:13

ꞋEt ndun dune dichꞌoh cha ꞌaw tꞌeinúzun mbe ꞌuyinla soo náꞌyinla-un. Tube lhane dune tadizꞌaí-un, ꞌet ꞌuhutꞌen whe Jesus whuꞌih tsꞌe whenya, ꞌet huwa ꞌaw tꞌelhihinízil.

Acts 19:12

Dzezoh ꞌi hoontsꞌi but katsꞌulhbal te Paul ye ꞌítꞌeꞌ-i, ndudáne tsꞌu há yoolhchus te, ꞌaho ndudáne soo naꞌhutꞌih ꞌinkꞌez ntsiꞌ-i nudúdeh utꞌíne bughu whenahonuyukw.

Acts 5:15

Whelꞌaꞌne huwa ꞌítꞌen tenéꞌ hutꞌen ꞌet huwa ti whuzih ndudáne hikꞌustez ꞌi bulh tébuhulih khun si Peter ꞌoh whuya uyalh de ootsin ꞌi hoontsꞌi bukꞌut lhúyoltsꞌit.