Luke 8:39 - Yak'usda Ooghuni

³⁹ “Nyoh tsꞌe naindalh ꞌinkꞌez dáhoolcho whe Yakꞌusda mba daja la, budóniꞌ.” ꞋInka whe naja ꞌinkꞌez keyoh ndulcho whe tsꞌiyanne Jesus dahoolcho yubaꞌ hóonla-un huwun ubudániꞌ.

Luke 8:39 Iomraidhean Croise

Mark 1:45

ꞋEt hoontsꞌi dune whenája ꞌinkꞌez tsꞌiyanne dániꞌ ꞌon nus huweꞌ yalhduk kꞌet Jesus ꞌaw keyoh dune tunóyaꞌ ꞌaitꞌoh. ꞋInka nꞌawh dune lhuhóotꞌi ꞌoh dune unli. Lhelhtsꞌiz de whutꞌenne whuz highu lhkꞌesúdil.

Mark 5:18

ꞋInkꞌez Jesus tsꞌi be nádaih dune ntsiꞌ-i nudúdeh-i ooyudúltsꞌi inleꞌ-un, Jesus yutsꞌu tédudlih, “Nyulh ꞌóosneh,” yúlhni.

Mark 5:19

ꞋEt Jesus, “ꞋAwundooh,” yúlhni ꞌinkꞌez uyúlhni, “Nyoh tsꞌe naíndalh ꞌinkꞌez nkꞌekene te hubudíni dalcho ꞌi be la nyuMoodihti nla ꞌuja ꞌinkꞌez ngha teꞌninzin.”

Luke 8:38

ꞋEt dune ntsiꞌ-i nududeh-i ootsꞌu ha nádide-un, Jesus yutsꞌu tedudli yulh ꞌútitꞌelh hukwaꞌ ninzun. ꞋEt hoontsꞌi Jesus whenáyalhꞌaꞌ ꞌinkꞌez ꞌuyulhni,

Luke 8:40

ꞋEt ꞌawet nyan whenaki. Tsꞌiyanne Jesus hibalhꞌi whe whusanaki tsꞌiyawh huhóontꞌiꞌ hinilhꞌen whe.

John 4:29

“ꞋAnih! Ndun dune noolhꞌen si! Ntsꞌoh tula néꞌzustꞌen-un, tsꞌiyawh sudaniꞌ. ꞋEn toleh Christ ꞌuntꞌoh?” ubúlhni.

1 Timothy 5:8

ꞋEt hoontsꞌi mbene ꞌaw dunatneke ghu lhilohne, ꞌinkꞌez duyoh dilhtsꞌine, ꞌenne ghu lhuhiloh de, ꞌet nduntꞌoh-un ndi be ꞌalha ꞌuhoontꞌoh-i yuchꞌaz nalꞌalh, ꞌinkꞌez ooba ꞌalhaꞌ lheꞌhootꞌohne ba nus lheꞌhizooꞌ whe ꞌuntꞌoh.