Luke 8:37 - Yak'usda Ooghuni

³⁷ ꞋEt Gadarene whunat whutꞌenne ndulcho whe hunílhjoot. ꞋEt huwa Jesus buchꞌa naoojaꞌ huyúlhni. ꞋInka tsꞌi be naja ꞌinkꞌez whe nahiki.

Luke 8:37 Iomraidhean Croise

Matthew 8:34

ꞋEt keyoh whutꞌenne, tsꞌiyawh ꞌaz tehunindil ꞌinkꞌez Jesus hidudizdil. Hitilhꞌen whe buyun kꞌut whuchꞌa naóojaꞌ hukwa hitsꞌu tedidlih.

Mark 5:17

ꞋEt Jesus highu tedudli bukeyoh whuchꞌa naóojaꞌ ha.

Luke 10:16

Mbene la nohoozilhtsꞌaine, si soo hoozilhtsꞌai. Mbe la chꞌa nohnísjoot-un, si chꞌa sunísjoot wheꞌ ꞌuntꞌoh. ꞋInkꞌez mbe chꞌa sunísjoot-un, whuz de sútilhꞌaꞌ-un, ꞌen chꞌa inísjoot wheꞌ ꞌuntꞌoh.”

Luke 5:8

Simon Peter whunalhꞌen whe Jesus oobut dugwutsi be neninya ꞌinkꞌez, “Smoodihti schꞌaz naindalh, si lubeshi ꞌulhꞌen-un usdli,” yúlhni.

Luke 8:28

ꞋEt Jesus yutilhꞌen whe yutsꞌu huyih ꞌinkꞌez yubut nachániti. ꞋInkꞌez tube cho yutsꞌu tédudli, “Jesus nyun soo ꞌudedo Yakꞌusda ooYeꞌ ꞌintꞌoh! Ndet stsꞌu hukwaꞌ ninzun? Ntsꞌu tedusdlih, dzoh nusilhdzut iloh!”

Luke 8:36

ꞋEt dahooja-un honalhꞌenne, ꞌuyoonne cha hudániꞌ dahooja la ntsiꞌ-i nududeh-i ooyudinda-un dujih.

Luke 8:38

ꞋEt dune ntsiꞌ-i nududeh-i ootsꞌu ha nádide-un, Jesus yutsꞌu tedudli yulh ꞌútitꞌelh hukwaꞌ ninzun. ꞋEt hoontsꞌi Jesus whenáyalhꞌaꞌ ꞌinkꞌez ꞌuyulhni,

Luke 9:5

ꞋEt mbe la danáhꞌas lhuhonohdúsnine, ꞌet keyoh howu natihtꞌus whutsꞌo, ꞌet whulez chꞌa nohke naóohghat. ꞋI gha la tꞌehonózin bukꞌehóotaltsꞌulh-un.”

Luke 9:56

Yinka Dune Yeꞌ, dune huyeh khuna-i musai yutilhtselh ha iloh whusainya, ꞌubutilhyih ha whusainya.” ꞋInkꞌez ꞌudun keyoh whuyaz tsꞌe whe hándil.

Acts 16:39

ꞋEt huwa butsꞌun kꞌeke nahuditniꞌ whe ꞌahudinla-un whuchꞌa nabuhulhti ꞌinkꞌez keyoh whuchꞌa nahoodilh bubuhútni.