Luke 8:35 - Yak'usda Ooghuni

³⁵ ꞋEt dune hodántsꞌo whe whuz whe hándil ꞌinkꞌez honalhꞌen. Jesus highu nindil whe ndun dune ntsiꞌ-i nududeh-i ootsꞌu ha naídide-un, Jesus yukꞌetlꞌa usda whe hinalhꞌen. Naih be dune unli ꞌinkꞌez beni cha oogha nádiltsꞌut. Hinalhꞌen ꞌinkꞌez hunílhjoot.

Luke 8:35 Iomraidhean Croise

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Mark 5:15

Jesus highu nindil ꞌinkꞌez dune hinilhꞌen ntsiꞌ-i nudúdeh-i ooyudúltsꞌi inléꞌ-un usda beni oogha nádiltsꞌut ꞌinkꞌez soo dintꞌoh cha ꞌuntꞌoh. Buba hooncha kꞌet tube whé hunilhjoot.

Luke 10:39

ꞋInkꞌez bulhtus Mary huyulhni, Jesus yucheh usda ꞌinkꞌez yughuni yoozilhtsꞌai.

Luke 15:17

ꞋEt beni oogha nadiltsꞌut leꞌ ꞌuja ꞌinkꞌez ꞌutni, ‘Daltsukne ꞌubá ba ꞌutꞌenne huyaꞌalh-i buba nus-i niltsuk, ꞌinkꞌez si njan lheꞌustꞌoh! ꞋAwet dai súzulhghe!

Luke 2:46

Tat dzin hukwꞌelhꞌaz ꞌet ꞌandit za nahuyilhti. Lugliz whucho ꞌet ꞌatsꞌo whubodulhꞌehne butoh usda. Uboozílhtsꞌai ꞌinkꞌez uboodulhkut.

Luke 8:27

ꞋEt de hainya ꞌaho dune ꞌet keyoh whutꞌen-un yududizya. ꞋEn saꞌ whutsꞌun ntsiꞌ-i nududeh-i lhai ooyudúltsꞌi. ꞋEn tsan yit nuya, ꞌinkꞌez ꞌaw yoh lhidoh, ꞌinkꞌez tsꞌun kꞌut whutꞌi.

Luke 8:34

ꞋEt ndunne gugoos ghunline dahooja-un honalhꞌen whe tsꞌiyawh whehílghaz. Hidulh whe ꞌet keyoh whunat whutꞌenne ꞌinkꞌez ꞌet keyoh whutꞌenne tsꞌiyawh bubodániꞌ.

Acts 22:3

“Si Lizwif ꞌustꞌoh. Tarsus, Cilicia yun kꞌut whuzꞌai ꞌet whuzúsdli. Jerusalem nísyai, Gamaliel ꞌen whusodalhꞌeꞌ whe netsodaꞌne hikꞌúneꞌ ꞌutꞌen-i soo cho yusodalhꞌeꞌ. Nohni ꞌandit Yakꞌusda ba dahtꞌoh la, whuz unꞌa nohunduztꞌoh inleꞌ.

1 John 3:8

ꞋUdechoo whutsꞌun netsudule lubeshi ꞌulhꞌen. Mbe lubeshi ꞌulhꞌen, ꞌen netsudule uniyalh-un ꞌúntꞌoh. Njan ꞌet huwa Yakꞌusda ooYeꞌ ndi yun kꞌut nusúya whe netsudule be ꞌutꞌen musai yoolhtselh ha.