Luke 8:31 - Yak'usda Ooghuni

³¹ Ntsiꞌ-i nudúdeh-i Jesus hitsꞌu tedudli tsa kꞌet whucho whutlꞌah hooloh-un, whuz te netolhꞌaꞌ junih, huyúlhni.

Luke 8:31 Iomraidhean Croise

Matthew 25:41

ꞋEt ꞌawet ꞌintlꞌus tsꞌunkꞌus ꞌuntꞌohne njan ndubudutánelh, ‘Ndai la Yakꞌusda ye hunilchꞌe-i nohbulh ꞌuntꞌohne suhliꞌ! Schꞌa nasahdilh! Ndi kwun ꞌaw nalhnusne-i netsudule dulizasne te buba ꞌuhóolya-un, whuz ꞌahdulh!

Luke 8:28

ꞋEt Jesus yutilhꞌen whe yutsꞌu huyih ꞌinkꞌez yubut nachániti. ꞋInkꞌez tube cho yutsꞌu tédudli, “Jesus nyun soo ꞌudedo Yakꞌusda ooYeꞌ ꞌintꞌoh! Ndet stsꞌu hukwaꞌ ninzun? Ntsꞌu tedusdlih, dzoh nusilhdzut iloh!”

Luke 8:32

ꞋEt nilhdukw-un lhai gugoos whenun ꞌaꞌalh. ꞋEt ntsiꞌ-i nududeh-i Jesus hitsꞌu tedudli gugoos ooyúdoodeh ha. ꞋInka ꞌet butlꞌa honꞌai.

Romans 10:7

Kꞌus mbe ꞌutinelh, ‘Christ neba whusaítilhtelh, yaidláne tuz tíyalh ꞌet wheni?’”

Revelation 11:7

ꞋAwet ndunne nane bunalh ꞌúhoojane dune bulh yáhalhduk-un, ꞌetsul ꞌuhudíja de, khuna-iti ntsiꞌ-i tsa kꞌet whucho whutlꞌah hooloh halget-i, bubulh lhútigan, buchꞌaꞌ tilhdoh, ꞌinkꞌez bubutuzilhghelh.

Revelation 17:8

Ndi khuna-iti ntsiꞌ-i nalhꞌen-i, ꞌi ꞌantꞌeꞌ inleꞌ ꞌinkꞌez ꞌandit hooloh, ꞌinkꞌez tsa kꞌet whucho whutlꞌah hooloh-un whuz de ha tílgwulh ꞌinkꞌez ntsꞌe la musai tileh tsꞌun tilgwulh. ꞋInkꞌez ndi yun ꞌudechoo ꞌulya whutsꞌun, ndunne ndi yun kꞌut whutꞌenne, ndi ꞌilhiz tsꞌukhuna-i be ꞌudustlꞌus kꞌut, ꞌi kꞌut ꞌaw bubooziꞌ ꞌukꞌu lhíguzne, ndi khuna-iti ntsiꞌ-i ꞌantꞌeꞌ inleꞌ, ꞌinkꞌez ꞌandit hooloh, ꞌet hoontsꞌi hoonli ꞌuntꞌoh, ꞌenne huyanꞌen de buba hootácha.

Revelation 19:20

ꞋEt ndi khuna-iti ntsiꞌ-i huyílhchoot. ꞋInkꞌez whutsꞌit whe nus hooꞌen-un, ꞌen cha huyílhchoot. ꞋEn ꞌuntꞌoh khuna-iti ntsiꞌ-i nalh huwa ꞌítꞌen te neꞌústꞌen. ꞋI be mbene khuna-iti ntsiꞌ-i oonutsi be bube hóodatꞌenne ꞌinkꞌez mbene ookꞌeyíltsi tsꞌun teniꞌ nalhdzinne, ꞌenne tsꞌiyawh nabunanꞌa. ꞋEt ndunne nahúltꞌoh hukhuna whe kwun sulphur be dízkꞌun-i bunghun dúwhulcho-un, ꞌet tsúbodano.

Revelation 9:11

ꞋInkꞌez tsa kꞌet whucho whutlꞌah hooloh-un whulizas ꞌen bulerwe unli. ꞋEn Hebrew bukꞌunꞌa Abaddon huyulhni, ꞌinkꞌez Greek bukꞌunꞌa Apollyon be húyoozi.