Luke 8:29 - Yak'usda Ooghuni

²⁹ ꞋEt ꞌudaꞌ ntsiꞌ-i ndudeh-i khuniti be ꞌubulhni ndun dune ye yáhanadoodeh ha. ꞋOh daꞌ lhuztih tlꞌool be huyulhghel oola ꞌinkꞌez ookechun cha, ꞌet whuz unꞌa highunli inleꞌ. ꞋEt hoontsꞌi lhat whe ntsiꞌ-i ndudeh-i yilhchuk whe lhuztih tlꞌool tániduchꞌas ꞌinkꞌez ntsiꞌ-i nududeh-i, ꞌen dune lhuhootꞌih tsꞌe whuz whénanyoot.

Luke 8:29 Iomraidhean Croise

Mark 5:8

Ndutni whe Jesus ndúyulhni, “Ntsiꞌ-i nudúdeh-i ndun dune ooyáhanaindaih.”

Luke 8:28

ꞋEt Jesus yutilhꞌen whe yutsꞌu huyih ꞌinkꞌez yubut nachániti. ꞋInkꞌez tube cho yutsꞌu tédudli, “Jesus nyun soo ꞌudedo Yakꞌusda ooYeꞌ ꞌintꞌoh! Ndet stsꞌu hukwaꞌ ninzun? Ntsꞌu tedusdlih, dzoh nusilhdzut iloh!”

Luke 8:30

ꞋInkꞌez Jesus yoodulhkut, “Ndai la nyooziꞌ?” “Legion,” yulhni. Lhane ntsiꞌ-i nududeh-i ye yudúltsꞌi ꞌinka ꞌutni.

Luke 9:39

ꞋEt khuntsul ntsiꞌ-i nududeh-i yilhchuk ibulh hazulh, ookaootuzuk, ꞌinkꞌez huwus oozá ha núldoh. ꞋInkꞌez tube howa whúlna whe ye yáhanadudoh. ꞋEt huwa ooka hootsulh.

Luke 9:42

ꞋEt ꞌawhuz Jesus tsꞌu yilhtelh whe ntsiꞌ-i nududeh-i nayáno ꞌinkꞌez yukaootilhzut. ꞋEt Jesus ntsiꞌ-i nududeh-i khuniti be hukwaꞌ yudániꞌ, ꞌinkꞌez tsꞌoodun soo naꞌninla ꞌinkꞌez oobá tlꞌa náyalhti.