Luke 8:2 - Yak'usda Ooghuni

² ꞋInkꞌez tsꞌekoo cha huyulh ꞌutꞌen whe ntsiꞌ-i nududeh-i buyudultsi ꞌinkꞌez hunduda, tsꞌiyawh soo naꞌbinla. Mary Magdala whutꞌen-un cha ꞌutꞌen. ꞋEn ꞌuntꞌoh lhtakꞌantꞌi ntsiꞌ-i nududeh-i ꞌen ooyáha naidide.

Luke 8:2 Iomraidhean Croise

Matthew 4:24

ꞋEt Syria whutꞌenne, tsꞌiyawh hiyulh ꞌúditsꞌo. Mbene la lhelhyoo dada bé undudane, ꞌinkꞌez ꞌon nus bulh ꞌúltsꞌulhne cha, ntsiꞌ-i nudúdeh ooyudindane cha, whusnine cha ꞌinkꞌez ookaootuzukne ꞌinkꞌez delh dusnine cha, tsꞌiyawh Jesus tsꞌu buhoozdla whe soo náꞌbinla.

Mark 16:1

Lizwif nahulyis dzin hukwꞌelhꞌaz hulhgha tsꞌe Mary Magdalene, ꞌinkꞌez Salome cha, ꞌinkꞌez Mary James ooloo te, yoo sooltsun-i honket, Jesus ooyustꞌe hiye hítilho huba.

Mark 16:9

ꞋEt Jesus dunadija hukwꞌelhꞌaz, Lizwif nahulyis dzin ꞌom bun bundadaꞌ ꞌudaꞌ ꞌet Jesus Mary Magdalene, ꞌen cho yunalhtsꞌet hainya. ꞋEn la lhtakꞌántꞌi ntsiꞌ-i nudúdeh-i ye yáhanananyoot ínleꞌ.

Luke 23:27

Lhane dune hiyuntizdil, tsꞌekoo cha. ꞋEn tsꞌodi hinli ꞌinkꞌez hutso.

Luke 23:49

Mbene la tꞌeininzunne, ꞌinkꞌez tsꞌekoo Galilee whutsꞌun hiyuwhusanándilne, nilhdzaꞌyaz highu núdilhya daootꞌen-un huwhunilhꞌen.

Luke 23:55

ꞋInkꞌez tsꞌekoo Galilee whutsꞌun yuwhusanándilne, ꞌenne Joseph hiyuntizdil whe ꞌet oozi ꞌayulhtih whe hinilhꞌen.

Luke 8:30

ꞋInkꞌez Jesus yoodulhkut, “Ndai la nyooziꞌ?” “Legion,” yulhni. Lhane ntsiꞌ-i nududeh-i ye yudúltsꞌi ꞌinka ꞌutni.

John 19:25

ꞋEt Jesus ootulalhgus soo be nghoh ꞌet ooloo usyin. Ooloo bulhtus cha, ꞌinkꞌez Mary Clopas ooꞌat cha, ꞌinkꞌez Mary Magdala whutꞌen cha.

Acts 1:14

ꞋAhoolhyiz ꞌilhuhodulh tenahudutidli hukwa. Tsꞌekoo bulh cha, Jesus bulhutsinke, ꞌinkꞌez Mary ooloo cha, tsꞌiyawh tenahududli.