Luke 8:13 - Yak'usda Ooghuni

¹³ Ndai la tse toh nanánkat-i leꞌ ꞌuntꞌohne hoditsꞌo ꞌinkꞌez huhóontꞌiꞌ whe khuni huyilhchuk. ꞋEt hoontsꞌi ꞌaw bughih hooloh. ꞋEt huwa ꞌatsulyaz buba ꞌalha ꞌuhoontꞌoh. ꞋEt ꞌaho bé tankꞌus uznintꞌi-i, ꞌi be tinchꞌu nahuskat, ꞌenne ꞌuhintꞌoh.

Luke 8:13 Iomraidhean Croise

Mark 6:20

Herod John dune too be ꞌulhꞌen-un yé nuljut, tꞌeoonínzun John dune tsꞌihꞌun dune unli, ꞌinkꞌez Yakꞌusda ooduneꞌ ꞌuntꞌoh. ꞋEt huwa yugha ꞌóoli yoozílhtsꞌai hóontꞌiꞌ, ꞌet hóontsꞌi yoozílhtsꞌai totsuk oodzi dútultsꞌuk.

Luke 8:12

Mbene la ti ꞌuntꞌohne, ꞌenne Yakꞌusda ooghuni hiditsꞌo ꞌinkꞌez netsudule khuni budzi be ha naídanꞌaih. Doo ka si ꞌalha ꞌuhoontꞌoh de hudoojih.

Luke 8:14

Ndai la whus cho toh nanánkat-i, dune Yakꞌusda ooghuni hiditsꞌo ꞌet hoontsꞌi yun kꞌut huwu ni tsinli-un, ndi yun kꞌut hoonzooꞌ hoontꞌoh-un, ꞌinkꞌez ndi yun kꞌut huhoontꞌiꞌ tuneꞌ hutꞌen-un, ꞌi tsꞌiyawh whus cho ꞌi be bulh lhellhoh ndultꞌoh. ꞋEt huwa ꞌaw lhadúlyane hooleꞌ ꞌaitꞌoh.

John 15:2

Mbene la si sgha ꞌuzuschum unline, bumaiꞌ hooloh de, ꞌi ꞌuzooschum butsꞌu haídule. ꞋInkꞌez mbene la bumaiꞌ lhai de, ndai la ꞌutsiꞌ-i bughu wheyoonli-i, ꞌi ꞌet de la ꞌon nus bumaiꞌ lhai ooleꞌ.

John 15:6

Mbene la si syudínda ilohne, ꞌenne ꞌuzooschum kꞌunꞌa kꞌuhídutꞌus ꞌinkꞌez nꞌun hidutulhtꞌoh, ꞌet dugi, ꞌet nduhíntꞌoh. ꞋOhwhi ꞌuzooschum nahidulhdzooh ꞌinkꞌez tsuh hidulhkuk ꞌinkꞌez hidílhkꞌun.

John 5:35

John ꞌen la too dízkꞌun ꞌinkꞌez be hóotꞌen-i ootsꞌu ha yándi ꞌet ndántꞌeꞌ. ꞋAtsulyaz wheni ndi be hóotꞌen-i, ꞌi be whunúlhni inleꞌ.

1 Corinthians 13:2

ꞋEt dune ba nus hoosꞌen de, ꞌinkꞌez buba whéꞌ hoontꞌoh hooyoh-un tsꞌiyawh tꞌeóonúszun de, ꞌinkꞌez khuni be tꞌeóonudzun-i ꞌet cha tꞌeooniszin de, ꞌinkꞌez tsꞌiyawh be ꞌalha ꞌuhoontꞌoh-i ꞌustꞌi de whe dzulh hoontsꞌi ꞌudun netísꞌalh de, whuz unꞌa ꞌet hoontsꞌi be nékꞌetsꞌinsiꞌ-i lhústꞌih de, ꞌet de ꞌaw hoonli lhúsloh.

1 Corinthians 15:2

ꞋInkꞌez ndi khuni be nohbulh yásduk-i, ꞌi soo cho oohtun de, ꞌet ꞌi be dahjih. ꞋEt hoontsꞌi nohba ꞌalhaꞌ lheꞌhootꞌoh de, ꞌaw ookꞌedóohjih ꞌaítꞌoh.

Galatians 3:1

O Galatia whutꞌenne whuzahni! Mbe duyun-un nistꞌi whe nohnanꞌa ndi khuni ꞌalhaꞌ ꞌuntꞌoh-i ookꞌu nulhéꞌzoohtꞌen ha? Nohnichꞌoh Christ tulalhgus kꞌut neba dazsai-un, whunilhꞌen leꞌ hoontꞌoh. ꞋEt whuz unꞌa nohba be hóodatꞌen.

Galatians 3:4

Nohni lhat-un whe dzoh nusahde wheꞌ hoontꞌoh. ꞋEt ndúwhulcho whe ꞌantsꞌi ꞌuhoontꞌoh nahzun eh? ꞋEt ntsꞌenꞌa ꞌantsꞌi nohba ꞌuwhutátꞌelh!

Ephesians 3:17

Be nebe ꞌalha ꞌuhoontꞌoh-i, ꞌi be Christ nohdzi yo whutitꞌelh. ꞋInkꞌez be nekꞌetsꞌinsiꞌ-i, ꞌi be yoh ookꞌu whuzꞌai-i, ooghih hoonli kꞌunꞌa dutsꞌo.

Colossians 1:23

Be nohba ꞌalha ꞌuhoontꞌoh-i, soo dutsꞌo-i whe oohtun. ꞋInkꞌez whudutsꞌo-un yoh ookꞌu whuzꞌai-i leꞌ ꞌahtꞌoh. ꞋInkꞌez khuni unzoo-i bulh ꞌudahtsꞌo-un, ndi khuni ooka tse hóohli khun oola doohtnih junih. Ndi yun kꞌut ndulcho whe ndi khuni unzoo-i bugha ídiltsꞌut. ꞋEt huba si, Paul, Christ ba neꞌutꞌen-un susdliꞌ.

Colossians 2:7

ꞋEn be ꞌantsꞌi nohghih whuzdliꞌ leꞌ ꞌahtꞌoh, ꞌinkꞌez ꞌen be ulhtus sáhli. ꞋEt whuz unꞌa nohba ꞌalha ꞌuhoontꞌoh-un, ꞌen bulh ꞌilho oohleꞌ ha. ꞋEt whunanohodalhꞌeꞌ, ꞌet whe ꞌon nus ulhtusne tihle. ꞋEt huwa lhkꞌuz te musi dáhtni.

1 Thessalonians 3:5

ꞋEt huwa si cha ꞌaw ꞌon ꞌun whulh óosyin ꞌaitꞌoh. ꞋEt huwa Timothy, ꞌen nohtsꞌu whesꞌaꞌ whe be ꞌalha ꞌuhoontꞌoh-i ghun dahtꞌoh tsꞌiyawh neba nahootaꞌalh. Doo ka si mbe la neóolhdzih-un, nohni cha tilah nohóolhdzai de, ꞌet de ne-eꞌutꞌen ꞌantsꞌet ꞌutitꞌelh.

1 Timothy 1:19

Be ꞌalha ꞌuhoontꞌoh-i ꞌinkꞌez nyo tsꞌe oogha tꞌetsꞌoninzun-i ndi ꞌutꞌen wheni, ꞌi be soo ubontun. Whulohne bubeni toh yudizꞌai-i, ꞌi tsꞌiyawh hukwa lheꞌhunizun. ꞋEt huwa be buba ꞌalha ꞌuhoontꞌoh-i nintaꞌhonilhꞌen.

Hebrews 10:39

Ndunne mbene la Yakꞌusda ooba ꞌalhaꞌ yintꞌohne ꞌinkꞌez kꞌoh naꞌhuja de, ꞌenne ndai la Yakꞌusda bugha whútaꞌalh-un, ꞌaw huyólhchoot ꞌaitꞌoh. Wheni ꞌaw ꞌenne bukꞌunꞌa lheꞌtsꞌítꞌoh. ꞋEt kꞌus wheni Yakꞌusda ooba ꞌalhaꞌ yintꞌohne tsinli, ꞌet whe dijizne ꞌutsꞌintꞌoh.

James 2:26

ꞋEt ꞌinka njan ndúhoontꞌoh, neyustꞌe neyughi ooghu whe yooloh de, ꞌaw lhtsꞌuhínoh. ꞋEt whuz unꞌa za be ꞌalha ꞌuhoontꞌoh-i, ꞌinkꞌez neꞌutꞌen unzoo-i kꞌoh ooghu whe yooloh de, be ꞌalha ꞌuhoontꞌoh-i ꞌaw hoonli lhuhóoloh.

2 Peter 2:20

ꞋEt neMoodihti ꞌinkꞌez neulhyis-un Jesus Christ, ꞌen soo tsꞌihꞌun highu tꞌewhunínzun, ꞌi be ndi yun kꞌut hoontsiꞌ-un, ꞌet tsꞌiyawh whuchꞌa hudujih de, ꞌinkꞌez doo cha za buchꞌaꞌ ninde, ꞌinkꞌez ntsiꞌne butanahandil de, ꞌet de whutsodaꞌ Yakꞌusda tꞌehunuszun daꞌ, dahítꞌen la, ꞌet whanus buba hotátsiꞌ tileh.

2 Peter 2:22

ꞋInkꞌez bubulh dahooja, ndi khuni ꞌi gha whutsꞌodulꞌeh, ntsꞌenꞌa la daja ni, ꞌet whuz unꞌa ꞌuhooja whe ndiz unꞌa njan ndutni, “Lhike nahuyulkooh-i, doo cha za nahuyutꞌulh.” ꞋInkꞌez njan ndutni, “Gugoos too be soo cho bubunaꞌhulhdoh, ꞌinkꞌez hukwꞌelhꞌaz whutlꞌus tanahalgok.” Ndunne ꞌet whuz unꞌa nduhintꞌoh.

1 John 2:19

Netsꞌu ha hándil wheꞌ hintꞌoh ꞌet hoontsꞌi ꞌaw nebulh didowhne iloh ꞌuhintꞌoh. Nebulh didowhne ꞌuhintꞌoh de, nebulh za da ꞌuhootꞌeꞌ ooleꞌ. ꞋEt hoontsꞌi whehandil ꞌet huwa la tsꞌiyanne tꞌebunózin ꞌaw nebulh didowhne lhuhíloh.

Jude 1:12

Lhkꞌehsiꞌ whe lhla naꞌahtꞌalh, ꞌet hoontsꞌi ndunne ooghu yasdukne ꞌaw whelhoniljut whe nohlaꞌ ha ꞌalh. ꞋEnne ꞌantsꞌi howa ꞌóodli-i teh noo duhúltꞌoh. Dichꞌoh za soo neꞌhududulꞌen. ꞋAntsꞌi kwꞌus too ooghu hooloh-i leꞌ hintꞌoh. ꞋEt kwꞌus kꞌunꞌa ndulcho bubúlh nutsꞌi. ꞋAntsꞌi dakꞌet mai chun mai ooghu hooloh leꞌ hintꞌoh. ꞋInkꞌez ooghih bulh ꞌantsꞌi há nahuyulhchꞌulh leꞌ ꞌúntꞌoh. Nat daházsai leꞌ hintꞌoh.