Luke 8:1 - Yak'usda Ooghuni

¹ ꞋEt hukwꞌelhꞌaz Jesus kedutizut keyoh whucho ꞌinkꞌez keyoh whuyaz totsuk, Yakꞌusda lerwe unli, ꞌet huwun khuni unzoo-i be yalhduk. ꞋEt whunizyat ꞌon ꞌat nane cha huyulh ꞌutꞌen.

Luke 8:1 Iomraidhean Croise

Matthew 11:1

ꞋAwet Jesus whunizyane ꞌon ꞌat nane yugha hodulꞌehne, tsꞌiyantsuk ubudániꞌ-un ꞌetsul ꞌudija, ꞌinkꞌez bughu whínya. ꞋUtsꞌun keyoh tsꞌe whinya dune hodutilhꞌeh ꞌinkꞌez bubulh yatilhduk wheni.

Matthew 13:19

Mbe la yakꞌuz ꞌuhuhoolhdzun-un whulh ꞌúhuditsꞌo ooghuni daja ni whe ꞌutni ꞌaw tꞌehonuszun te, ntsiꞌ-un whusayaih ꞌinkꞌez budzi be ha naídaꞌaih! ꞋI ꞌuntꞌoh ti whuzih ꞌanilya-i, unli.

Matthew 4:23

Galilee yun kꞌut Jesus ndulcho nuya whe Lizwifne bulugliz ꞌet bubulh yálhduk. Yakꞌuz kꞌuneꞌ whulꞌen-un, ꞌen ghun khuni unzoo-i be bubulh yálhduk. Dune toh mbe la ndudane ꞌinkꞌez ooyustꞌe tétsunne, tsꞌiyanne soo naꞌbulhꞌen.

Matthew 9:35

ꞋEt Jesus keyoh whuti ꞌinkꞌez keyoh whuyaz cha whunilhchoh nusiya. Lizwifne bulugliz khuni unzoo-i be yakꞌuz kꞌúneꞌ whulꞌen-un ghun whubodulhꞌeh. ꞋEt dunene mbene la ooyustꞌe ndudane ꞌinkꞌez tetsunne, ꞌenne tsꞌiyawh soo naꞌbulhꞌen.

Mark 1:39

Galilee ndulcho nukéhudizde lugliz totsuk bubulh yálhduk ꞌinkꞌez ntsiꞌ-i nudúdeh-i dune ye ha nábunuyukw.

Luke 1:80

ꞋEt tsꞌoodun John, ꞌen nuyeh ꞌinkꞌez ooyughi ulhtus suliꞌ. ꞋInkꞌez ndet la Israel ooduneꞌne bunalhtsꞌet ha ooyaꞌ dunábuntiltun ha, ꞌet whutsꞌun ntsꞌe la dune lhuhootꞌih tsꞌe indaꞌ.

Luke 20:1

ꞋEt ꞌoh daꞌ ꞌet ꞌilhudzin ꞌet ndúhooja. Lugliz whucho Jesus dune hodulhꞌeh whe khuni unzoo-i be bubulh yalhduk whe ꞌudedo lubretne, Moses be ꞌudustlꞌus ꞌukꞌu nunáguzne cha, ꞌalhgoh ꞌutso whudilhdzulhne hikꞌu dugháhinya.

Luke 4:18

“Moodihti ooyughi ꞌi sulh ꞌuntꞌoh. ꞋI be ꞌutahasalhti, telꞌenne khuni unzoo-i bugha tisꞌalh ha. Oodzi undudane, ꞌenne nabutisyih ha butsꞌó whusasya. Mbene la ílchootne, bula nadutisnih. ꞋInkꞌez hoos̱ꞌenne, huhooꞌen nahutidleh. Mbene la dune ꞌaboꞌenne, cha donáꞌ butisdlelh.

Luke 9:6

ꞋInka whenáhidil ꞌinkꞌez keyoh totsuk whutulh lhunáhusdil. Dune khuni unzoo-i be bubulh yahulhduk, ꞌinkꞌez keyoh totsuk dune soo naꞌhulhꞌen.

Acts 10:38

Tꞌenahzun Jesus Nazareth whutꞌen-un, ꞌen daja whe Yakꞌusda Ndoni ꞌinkꞌez ye tsꞌílhtus-i cha yuyudánꞌai ꞌet huwa ndulcho nuya hoonzoo teneꞌútꞌen ꞌinkꞌez netsudule kꞌuneꞌ bulꞌen ꞌenne cha soo naꞌbulhꞌen, Yakꞌusda yulh ꞌuntꞌoh ꞌet huwa.

Acts 13:32

ꞋEt wheni njan whusatsꞌándil khuni unzoo-i ookꞌu nohbulh natsꞌotilnuk. ꞋI Yakꞌusda netsodaꞌne, butsꞌun datínelh ni-un ꞌandit wheni, bube uzdindilne, nenalh ꞌítꞌen whe Jesus nahiyílhnaꞌ. ꞋInkꞌez ndi bulh nanki Shun ꞌukꞌu nusguz-i cha ndutni, ‘Nyun Si SYeꞌ ꞌintꞌoh, ꞌandit dzin, mBá susdliꞌ,’ ni.

Romans 10:15

Dune butsꞌó whehalhꞌaꞌ ubudutánelh huba, ꞌet de za hiyulh údutatsꞌo. Njan huwun Yakꞌusda be ꞌudustlꞌus kꞌut ndutni, “Dáwhuldzooꞌ wheꞌ hoontꞌoh dune khuni unzoo-i whuneuntilhtun, ntsꞌenꞌa la nedzi yo whudutághel ꞌinkꞌez Yakꞌusda be ꞌutꞌen unzoo-i tsꞌolhchoot huba.”