Luke 7:8 - Yak'usda Ooghuni

⁸ ꞋEt si cha whuz unꞌa za lhuganne buba ando ꞌustꞌoh. ꞋEt ꞌilhoghun, ‘Inyalh!’ dúsni de, ꞌaho ꞌawet tiyalh. ꞋEt ꞌuyoon, ‘ꞋAnih!’ dúsni de, ꞌet ꞌaho stsꞌu tuyaih. ꞋEt sba neꞌútꞌen-un, ‘Njan ndineh!’ dúsni de, ꞌet ꞌaho ꞌet ndútꞌih.”

Luke 7:8 Iomraidhean Croise

Luke 7:7

ꞋEt huwa ndunuszun ꞌaw soo lheꞌuzdzooꞌ ndudutásyalh huba. ꞋEt hoontsꞌi nghuni be dini de, ꞌet la sba neꞌútꞌen-un soo naꞌóotneh.

Luke 7:9

Jesus ndun dune daja ni la yudantsꞌo whe tube ooba hooncha. ꞋEt yunidulhne butsꞌú nalhꞌa ꞌinkꞌez ubúlhni, “Israel ndulcho whe keyoh ndun dune ꞌen kꞌunꞌa ꞌaw ꞌilhoghun ndulcho-i be ooba ꞌalha ꞌuhoontꞌoh-un nalhizústi.”

Acts 23:17

ꞋEt Paul ꞌilhoghun neilhchuk-un, “ꞋAnih,” yudániꞌ ꞌinkꞌez uyúlhni, “Ndun chilh lhuganne moodih tsꞌun ílhtelh hoonliyaz yudutánelh.”

Acts 23:23

ꞋEt ndun lhuganne moodih neilhchukne moodih nane, ꞌenne bukaꞌ daniꞌ ꞌinkꞌez ubúlhni, “200ne lhuganne lhábudahleh keyoh Caesarea tsꞌe tidulhne, lhtakꞌantꞌi whunizyane yeztli be nudilhne cha, ꞌinkꞌez 200ne sohtuz nudúlene cha, ꞌulhdzis de ꞌilho hooloh sadzi hukwꞌé hunintꞌo de atꞌen (9:00) ꞌet whe húdutadulh wheni lhahúdootꞌeꞌ.

Acts 23:26

“Felix yun moodih díztiꞌ-un si Claudius Lysias ntsꞌó kꞌeꞌusges, hadih.

Acts 23:31

ꞋEt lhuganne dahóotꞌen ubúlhni te, ꞌoh te neꞌhustꞌen, Paul huyílhchoot ꞌinkꞌez ꞌet ꞌulhdzis za keyoh Antipatris huwhútni tsꞌe huyoolhti.

Acts 24:23

ꞋEt Paul neilhchuk-un yughunli-un ꞌulhni, “ꞋAhoolhyiz ooghinli hoontsꞌi, ꞌon nus kꞌúneꞌ ootꞌen whute ookꞌekoone hitsꞌú kꞌunaoodulh ꞌinkꞌez ye ndunidzit-i be higholeꞌ ha.”

Acts 25:26

ꞋEt lerwe ꞌukꞌenus díztiꞌ-un ootsꞌo kꞌetisgus hoontsꞌi ꞌaw Paul whe tankꞌus ꞌuja-un tsꞌihꞌun ooghun nálhuwhúsꞌal. ꞋEt huwa njan nohbut nenústi, nyun soo Lerwe Agrippa mbut nenústi, khun si hoonli ooghun náwhuhꞌai de, ꞌet la ꞌukꞌehóosges.

Colossians 3:22

Nohni ꞌustlenne unline, ndi yun kꞌut nohmoodih unline, ꞌenne tsꞌiyawh bukꞌuneꞌ oohtꞌen. Nohmoodih nohnilhꞌen te za oohtꞌen junih. ꞋEt hoontsꞌi nohdzi tsꞌihꞌun unꞌa whe Yakꞌusda bé nulhjut, ꞌinkꞌez nohmoodihne bukꞌuneꞌ oohtꞌen.