Luke 7:7 - Yak'usda Ooghuni

⁷ ꞋEt huwa ndunuszun ꞌaw soo lheꞌuzdzooꞌ ndudutásyalh huba. ꞋEt hoontsꞌi nghuni be dini de, ꞌet la sba neꞌútꞌen-un soo naꞌóotneh.

Luke 7:7 Iomraidhean Croise

Mark 1:27

Tsꞌiyanne buba hooncha kꞌet ꞌet ꞌulhodútni, “Dantꞌóh-i ghuni ꞌuntꞌoh, whutsodaꞌ lhtsꞌodústsꞌo-un ꞌet whuneoodulhꞌeh? Ooghuni be whúnujut kꞌet ntsiꞌ-i nudúdeh-i hoontsꞌi hikꞌúneꞌ ꞌutꞌen.”

Luke 4:36

Tsꞌiyawh buba hooncha ꞌinkꞌez whe húnilhjoot ꞌinkꞌez ꞌulhodutni, “Ndi khuni ndai whe ꞌuntꞌoh? Ulhtus ꞌinkꞌez ookwꞌuneꞌ whutꞌen. Ndun ntsiꞌ-i nududeh-i, ꞌet ndúyulhni ibulh yutsꞌu ha nadide.”

Luke 5:13

ꞋEt Jesus dula be yutꞌaíznai ꞌinkꞌez ꞌuyulhni, “A, hukwaꞌ nuszun nyunaꞌoosdeh.” ꞋEt ooka whulhjut-un ꞌaho soo naꞌuja.

Luke 7:6

ꞋInka bubulh tizya. ꞋEt Jesus yoh whenghoh uyalh whe lhugan whumoodih ꞌen ookꞌekene Jesus hitsꞌú whe balhꞌaꞌ. Hidudizdil ꞌinkꞌez Jesus ꞌuhuyúlhni, “Lhugan whumoodih njan dunyúlhni, ‘SMoodihti dzoh neꞌdudoldzut junih. Syoh datányalh huba ꞌaw soo lheꞌuzdzooꞌ ꞌet huwa.’

Luke 7:8

ꞋEt si cha whuz unꞌa za lhuganne buba ando ꞌustꞌoh. ꞋEt ꞌilhoghun, ‘Inyalh!’ dúsni de, ꞌaho ꞌawet tiyalh. ꞋEt ꞌuyoon, ‘ꞋAnih!’ dúsni de, ꞌet ꞌaho stsꞌu tuyaih. ꞋEt sba neꞌútꞌen-un, ‘Njan ndineh!’ dúsni de, ꞌet ꞌaho ꞌet ndútꞌih.”